الموضوع: حد يفسرلي وصل الكهربا دا

#وطن_العك

أهلا أهلا يوههههههههههههههه أتعمل معى كده كتير و جهز نفسك لعك كتير و تكتب شكاوى كتير و فى الآخر هتدفع.....كان واحد من الأعضاء الظرفاء لما كتبت ان فاتورة الكهرباء جائت 1835 جنية ينطح جنية (و زى ما الكل راسى فى الصيف كانت الكهرباء تيجى ساعة و تقطع اتنين) كتب تعليق الفلوس دى على الكهرباء اللى جت و لا اللى مجتش....أهلا بك فى نادى العك الكهربائى

دى بتبقى قراية متوسط لغاية ما ياخد القراءة الفعلية. . . بتوع الكهربا بيسموها قراءة اعتبارية. . . و دى بقى معمولة مخصوص عشان تلبس الناس فى الحيط لانها بتخرجهم من فئة محاسبية الى فئة اخرى لما الباشا الكشاف يكسر كام شهر ما ياخدش القراية و ييجى بعد كده ياخدها مجمعة مرة واحدة تلاقى الكيلو واقع عليك فى اعلى شريحة سعرية. . . نظام سرقة علنى و بيصرفوا منه ارباح كمان للاسف على حسابنا و يقولك شركات الكهربا بتخسر و الكهربا مدعومة. . . قصة القراءة الاعتبارية دى بقالها سنين طويلة شغالة بس الناس لم تبدأ ملاحظتها الا مع رفع اسعار شرائح الكهربا. . . ساعتها بس الناس بقت تشوف الوصل تتكهرب :-)
بس فداك اى حاجة و الف مبروك :-)

آسف الكلام لاهانى الف مبروك الزواج و بالرفاء و البنين

ماشي بس علي كلامكم يبقي كدا الوصل لحد دلوقتي في صالحي ؟؟؟


يعني علي اعتبار انها قراية متوسطة ...فأنا اصلا مجليش ولا وصل قبل كدا ومدفعتش اي كهربا نهائي من وقت تركيب العداد ..واللي اعرفه ان الواحد بيكون دافع حوالي 100 جنية مقدم


طب ما كدا يبقي العك في صالحي لانه محاسبني علي 765 كيلو ...دفعت 105 جنية فقط لا غير ؟؟؟

يعني كدا اكفي علي الخبر ههههههه

دنا كنت راصد مبلغ 600 جنية على شهرين عشان اسدد :d

متفرحش قوى , و أستنى على رزقك, أسالنى أنا , بكره هتجيلك فاتورة ......ربك يسترها

المشاركة الأصلية كتبت بواسطة ali ashraf

متفرحش قوى , و أستنى على رزقك, أسالنى أنا , بكره هتجيلك فاتورة ......ربك يسترها

بص هو مش مشكلة اللي جاي بس الوصل دا انا هحتفظ بيه اني سددت عن 765 كيلو ...بعد كدا الموضوع بسيط

اصلا المحصل مبيجيش احنا بنتصل بيه نقلو القراية فعادي هههههههههههههه المرة الجاي هقلة اعملي القراية 850 كيلو وكدا كدا الشقة حاليا مقفولة