ارجو من حضارتكم الافادة ضروري لاني مقدم علي ال ٣٠٠٨
هل فيها مشاكل بالنسبة لاستخدام بنزين ٩٢ طبعا انتم عارفين المشاكل الكتير اللي حصلت في عربيات جديدة وجابت مواتير .. شكرا
عرض للطباعة
ارجو من حضارتكم الافادة ضروري لاني مقدم علي ال ٣٠٠٨
هل فيها مشاكل بالنسبة لاستخدام بنزين ٩٢ طبعا انتم عارفين المشاكل الكتير اللي حصلت في عربيات جديدة وجابت مواتير .. شكرا
اعرف ناس وصلت ل ٨٠ الف بالموتور ده ببنزين ٩٢ و الدنيا زي الفل
اتكل على الله الموتور اقل معامل انضغاط بالنسبه لمواتير التربو و معمول ريمابنج من المصنع مخصوص عشان مصر و روسيا بيشتغلوا ببنزين ٩٢
يعني مش كلام مرسل من السيلز
أنا نفس الموتور عندي في ال508 و ماشي بيها 9000 كم من غير مشاكل ببنزين 92
مفيش مشكلة نهائي مع إستخدام بنزين 92 في جميع سيارات بيجو مصر بكل فئاتها وموديلاتها الحديثة .
والله على ما أقول وكيل وشهيد
العربيه مفيهاش مشاكل مع ال92 بس اكيد الاداء هيختلف مع ال95اقتباس:
المشاركة الأصلية كتبت بواسطة ahmed.mohy
انا كمان بفكر فيها بس لسه متردد بس هروح اشوفها بكره فى توكيل بيجو واقرر
العربيه طبعا ممتازة وفخمه وقعدتها مريحه وعاليه
بس لسه متردد :hugging:
بس انت كده هتشجعنى :nemoflow:
لو عايز إقناع اكتر وتجربة وإشباع النفس من 3008 روح فرع المهندسين للاستاذ تامر بدر قمة في الأخلاق والإقناع وبصراحه أقنعني أكتر بالبيجو 508 لإني بميل ليها .اقتباس:
المشاركة الأصلية كتبت بواسطة eng wael
وإدعيلي
يا باشا اتكل على الله العربيه معايا و باءمانه مش تحيز هتتمتع بمعنى الكلمه و مش هتعرف تركب حاجه تانيهاقتباس:
المشاركة الأصلية كتبت بواسطة hanaf2005
و لما ربنا يتمم بخير تعال هنا في نفس الموضوع و قول راءيك بصراحه
شاكر جدا يا جماعة حقيقي سخنتوني جدا
لو تكملوا جميلكو وتقولوا لي اخبار العفشة ايه ؟
و بالنسبة لاسعار قطع الغيار والاهم التوكيل اخباره ايه ؟
انا كان معايا ستروين بيكاسو ٢٠٠٥ عارف ان الفرنساوي غالى شوية بس التوكيل كان مشكلة خاصة ان ليه فرع واحد اساسي في ابو رواش وانا في مصر الجديدة دا غير انهم غير منظمين بالمرة
يعنى مفيش حجز وغيره
انا روحت انهارده فرع المهندسين
واتفرجت على ال3008
العربيه ماشاء الله تحفه
وفيها كل حاجه بس مع الاسف مافيهاش بلوتوث :-(
غير كده كله تمام
وان شاء الله استخير واشوف
الحجز والاستلام بعد شهر ونصف تقريبا او فيه شحنه جايه فى يناير
العربية معايا ادائها ممتاز بالبنزين ٩٢ وعامل بيها ٢٥٠٠٠ كم ، ٣٠٠٨ و ٥٠٨ افضل حاجة موجودة حاليا في السوق في فئتها من حيث قوة وأداء الماتور و كأسعار قطع غيار وجودة التقفيل ، توكل علي الله اختيار موفق .
اقتباس:
المشاركة الأصلية كتبت بواسطة ammpage
شكرا يا باشا جدا .. طب التوكيل اخباره ايه .. وافضل فرع
اختيار موفق
التوكيل مش علي قد مستوي العربية ، يعني تحس ان في هرجلة وعدم نظام اثناء الصيانة وده بالنسبة لغمرة ، ابو رواش افضل وان كان بيطلعوا عينك علي ما يُخلصوا العربية .
حاليا كملاك ل ٣٠٠٨ او ٥٠٨ اتعرفنا علي مركز صيانة معتمد اسمه اتو سيرفيس وفعلا الخدمة فيه ممتازة واصحابه ناس في قمة الاحترام والمهنية وفاهمين كويس اوي في العربية ، فالحمدالله مش هتحتاج تروح مكان تاني .
الصيانة الدورية هناك مبتاخدش اكتر من نص ساعة .
انا انهارده خدت بالى ان الرفرف والمقدمه فبر هل ده حاجه وحشه ولا عادى مش فارقه
طيب ممكن اعرف مكانهاقتباس:
المشاركة الأصلية كتبت بواسطة ammpage
اوتو سيرفيس المواعيد من ٩:٣٠ ص حتى ٦:٠٠ م كل يوم ما عدا الجمعة. عنوان المركز ٢ مجمع الفردوس بجوار نادي السكة خلف محطة شل. والتليفونات ٧٥٧٥-٢٣٤٢ و ٧٥٧٤-٢٣٤٢
الحمد لله جبناها 3008 هاي لاين
ألف مبروك
ربنا يعطيك خيرها ويكفيك شرها
ألف مبرووك ممكن تقرير صغير عنهااقتباس:
المشاركة الأصلية كتبت بواسطة ahmed.mohy
الف مبروك يا احمد ربنا يديك خيرها و يكفيك شرها
اختيار موفق باذن الله .
الف مبروك ، عايزين نعرف انطباعك المبدئي عنها .اقتباس:
المشاركة الأصلية كتبت بواسطة ahmed.mohy
الف الف مليون مبروك ربنا يباركلك فيها ويديك خيرها ويكفيك شرها ويجعلها قدم السعد عليك وتكون خير ليك وتستمتع بيها وتتهنى بيها وتعينك على قضاء حوائجك وربنا يديمها عليك نعمه ويحفظهالك من كل سوء ومن كل شر ولا تنسى شكر الله على نعمه وأفضاله .