الراقصة صافيناز و سلاح الردع المصرى

**ahmedwagdy03** · 22-12-2014 09:27 AM

سيبكوا من الكلام ده .
السؤال الذى يحير الملايين الآن : أين سترقص صافيناز و أين سترقص دينا فى حفل رأس السنة و ما هو أجر كل منهما هذا العام ؟ وعجبى على شعب عايز يتقدم بدون علم و لا عمل

**Mecha** · 22-12-2014 02:01 PM

المشاركة الأصلية كتبت بواسطة imhotep

هههههههههه
كل شعب و اهتماماته بقي ;-)
بس ايه السافاك ده؟ يمكن قصدك الشاباك؟
بجد بقي
مش مهم قوة نووية وشعب مش لاقى ياكل زي كوريا الشمالية و لا سلاح نووى يبقى فى ايد نظام مهووس بنهاية العالم
المهم كشعب ان حياتنا تبقى نوعيتها افضل... و ده مش هيحصل غير بينا... لان احنا الشعب اللى عمالين نشتكي منه و من تصرفاته طول الوقت... لما ندرك كلنا ده و نعمل على إصلاح انفسنا اولا... مجموع إصلاح الأفراد لأنفسهم هيبقي إصلاح كامل للمجتمع... و ساعتها بس حياتنا هتتغير للافضل

تنفيذ الاصلاح عمره ماييجي من تحت,لازم من فوق من ناس اصلاحيين
لازم تشريعات وسياسات واجراءات وقوانين واستراتيجيات اصلاح
الروتين الحكومي المكلكع المتسبب في الزحام والتحرش والرشاوي
الانسان العادي هيقدر يعمل فيه ايه ,اجراءات المرور اللي بتعامل كل قسم ومحافظه عالم منفصل وتسيب وانحطاط الشارع
الفقر والجوع وانهيار الاخلاق يتحلوا ازاي وفيه موارد غير مستغله واهدار شنيع
كل دا شغل كبير لازم ييجي من فوق والعالم حوالينا نتعلم منو

**Mecha** · 22-12-2014 02:04 PM

ما شاء الله ,صافيناز زئبقيه ثعبانية لسوعيه

**Mecha** · 22-12-2014 07:15 PM

ااباشا خلي الناس تهمبك وتتبسط ورقص السنة جي والعالم كلو بيهشك و يهرتل
,داخلين علي همبك بارتي وسلملي علي لوندون ,قلبي بيهفهف عليها

[youtube]https://www.youtube.com/watch?v=kNhwHTPojLc[/youtube]

**عصير قصب** · 28-12-2014 01:56 PM

المشاركة الأصلية كتبت بواسطة timtim

يبقى حفلات الكريسماس اللي في دور القوات المسلحة اسمها مناورات عسكرية

انا بعتبر كومنتك ده اهانه للقوات المسلحه
وانك تشير بوست لحد تافه فاضى قاعد على الفيس بوك يخرف وخلاص

**أبو_يوسف** · 28-12-2014 02:56 PM

المشاركة الأصلية كتبت بواسطة عصير قصب

انا بعتبر كومنتك ده اهانه للقوات المسلحه
وانك تشير بوست لحد تافه فاضى قاعد على الفيس بوك يخرف وخلاص

حضرتك أتأكدت انه بيقول كلام غير صحيح وان صور الفنانات والراقصات اللي بيقول عليها مش متعلقة فعلا على دور القوات المسلحة؟
ولا حضرتك تقصد ايه بإنه بيخرف؟

**عصير قصب** · 28-12-2014 03:26 PM

المشاركة الأصلية كتبت بواسطة timtim

حضرتك أتأكدت انه بيقول كلام غير صحيح وان صور الفنانات والراقصات اللي بيقول عليها مش متعلقة فعلا على دور القوات المسلحة؟
ولا حضرتك تقصد ايه بإنه بيخرف؟

لا من غير ما اتأكد
ولا اسمع لكلام اى حد وخلاص
هو المنتدى دى بيتكلم فى السياسه ليه
لو مش هيتمسح كومنتك والبوست انا هخرج من المنتدى ده خالص
انا ما اسمحش حد يمس جيش بلدى بكلمه واحده

**أبو_يوسف** · 29-12-2014 09:32 AM

يعني حضرتك في الأول شفت انها اهانة وحاجة مهينة مثلا ان القوات المسلحة تكون بتنظم حفلات لرأس السنة يحيها فنانات وراقصات ..
بس مفهمتش حضرتك متضايق ان القوات المسلحة بتعمل كدا ولا متضايق ان الشخص اللي وصفته بالتافه اتكلم عن الموضوع دا؟؟!!

**أبو_يوسف** · 29-12-2014 09:37 AM

وبعدين باعتلي رسالة بتقول مفيهاش اي حاجة انهم يعملوا الحفلات دي !!
يبقى فين المشكلة؟ طالما انت شايف ان دا شغل القوات المسلحة خلاص يا سيدي ..الشخص اللي كتب البوست بيحييهم على مجهودهم للقيام على اسعاد الناس زي ما حضرتك شايف..!

وعلى فكرة دا مش فندق بتديره شركة دا بيبقى اسمه دار الدفاع .. دار المدفعيه .. وهكذا.. وبيكون مديره رتبه كبيره في الجيش والعسكري دا بيبقى شاب المفروض بيقوم بدوره الوطني وبيقضي فترة تجنيده في جيش بلده والتدريب على حماية البلد ......
.....
...