الموضوع: مشكلة في فتيس فلوانس غير المشكلة المعهودة

حضرتك اكشف فى التوكيل.....لو العربية معداش عليها ٣ سنين هتتعمل فى الضمان لانها عاملة اقل من ١٠٠ الف كم
اغلب الظن هتكون سولونويد فالف الفتيس مع تغيير زيت الفتيس و بتلاقى الأمور رجعت تمام تانى

تحياتى

على فكرة: السولونويد ملهوش دعوة بالنتشة العادية اللى بين التانى و التالت فى الفلوانس القديم.....ده تصميم الفتيس كده و مش عيب و مش ممكن هتروح...ممكن غيار الزيت او طريقة السواقة تقلل الاحساس بيها و لكنها هتفضل موجودة علشان دى ناتجة من بداية تشغيل محول العزم او torque converter
السولونويد هيحسسك بهبده او رزعه مع برجله و العربية تلاقيها ملجمة و يكتبلك رسالة check gearbox لو كان فيه مشكلة

افضل الحلول خدها التوكيل و تأكد من موضوع تغيير السولونويد عند ٨٠ الف و لو كان مظبوط و تم تغييره فى التوكيل يبقى حضرتك التوكيل ملزم بإصلاحه لأن فيه ضمان سنة على قطع الغيار

تحياتى

المشاركة الأصلية كتبت بواسطة atuarus

طب حضرتك أعرف ازاي ان العربية عملت التغير أو عملت الصيانة ؟ الراجل بيأكدلي لحد دلوقتي اما أكلمه و معتقدش بيكذب عليا فهنا

هل من الخطر المشي عليها فترة قبل ما أروح؟؟

الي مكتوب فقط ( service reqiured)

التوكيل هيطلعلك تاريخ العربية و هل مالكها القديم كان بيعمل صيانتها بإنتظام و لا لأ و ايه اللى اتغير فيها و عند كام كيلومتر
حضرتك بتقول ان العربية عاملة الأن ٩١ الف كم وواضح ان حضرتك معملتش صيانة ال ٩٠ الف و علشان كده هى مطلعالك الرسالة دى......
نصيحتى روح اعمل صيانة ال ٩٠ الف و اكشف تمام على العربية ( كان لازم تعمل كده قبل الشراء مش بعده) و خليهم يبصوا على الفتيس و قولهم على الزنه و التعليقه

تحياتى

المشاركة الأصلية كتبت بواسطة atuarus

حضرتك أنا كشفت على العربية كشف كامل ب 550 ج و معاي تقرير
أنا عملت صيانة التسعين برا الي هي زيت و فلتر

هل ححتاج أعمل كشف كلي تاني علشان أعرف كانت بتعمل صياانة ولا لا

ولا بمجرد رقم الشاسيه هما حيعرفو شكرا و أسف جدا اني شغلتك معايا

لأ مش هتحتاج تعمل كشف تانى.....
خد التقرير معاك و قولهم عايز اعرف العربية دى كانت منتظمة فى الصيانة و لا لأ و ايه القطع اللى اتغيرت فيها غير الصيانات الدورية و هل غيرت سولونويد فالف فى ال ٨٠ الف؟
برقم الشاشيه و التقرير هتعرف كل حاجه
ان شاء الله هتبقى حاجة بسيطة

تحياتى