اروح ولا بلاش

**beautiful0mind** · 02-11-2008 10:50 PM

والله كدة هاتسوق وكدة هاتسوق انت بس متخفش وتوكل على الله

ولو ممشتش فالطرق دى هتمشى فيها هتمشى سوأ بعد يوم بعد اسبوع او بعد شهر

انا اتعلمت السواقة على الطرق دى تخيل ابويا كان دايما بيخلينى اسوق فالطرق السريعة واول مقرب على الزحمة يقولى اركن لغايط مكرهت الطرق السريعة بس بينى وبينك كانت متعه

بس الحمد لله دلوقتى الموضوع بقى عادى سريع زى بطئ

توكل على الله وخد حظرك لغايط متفهم اصول الطريق وخليك فالاول ماسك اللمين ومتمشيش فى وسط الطريق وربنا يحفظك ان شاء الله

**aif** · 02-11-2008 10:53 PM

المشاركة الأصلية كتبت بواسطة أبومريم

خلي اخرك 80 وياريت تجرب تنزل مرة الساعة 4 الفجر مع نفسك و تجرب تمشي في طريق سريع على 80 عشان تتعود

اسمحلي اختلف معاك يا ابو مريم ....
الوقت بتاع الفجر ده .... بيكون الناس كلها معتقدة ان ماحدش في الشارع غيرهم .... وبتبقي احتمال الحوادث كبير ....لأن ما حدش متوقع انه يلاقي عربية في تقاطع مثلا ...وهكذا ... والناس بيكونو ساقين بسرعات كبيرة جدا
ربنا يحفظنا من كل سوء

**Osama_soliman** · 03-11-2008 10:31 AM

بلاش الطرق السريعة فى الاول

انا اول ما اتعلمت كنت هيحصل ليا حدثة على الدائرى بس ربنا ستر

"انا كنت ماشى فى اتجاه المنيب وانا راجع من مشوار عائلى ومعايا المدام والاولاد، وعرف ان طريق المعادى الناحية التانية - كنت راجع على المعادى- وطبعاً انا بحسب نفسى فى الشارع بتناع ولا فى الشارع اللى جنب الشركة ، وروحت كسرت من اقصى اليمين الى اقصى الشمال وداخل على الـ U-turn / طبعاً سمعت فرملة جامدددددددددددة جدا من واحد كان جاى على الشمال .

ربنا وحده اللى سترها معانا يومها

فجمد قلبك .... ماشى.... بس فى المعقول

وربنا يسملنا وويسملك

**أبومعاذ** · 03-11-2008 10:52 AM

المشاركة الأصلية كتبت بواسطة aif

اسمحلي اختلف معاك يا ابو مريم ....
الوقت بتاع الفجر ده .... بيكون الناس كلها معتقدة ان ماحدش في الشارع غيرهم .... وبتبقي احتمال الحوادث كبير ....لأن ما حدش متوقع انه يلاقي عربية في تقاطع مثلا ...وهكذا ... والناس بيكونو ساقين بسرعات كبيرة جدا
ربنا يحفظنا من كل سوء

كلامك سليم يا أ أحمد بس انا قلتله طريق سريع يعني مفيش تقاطعات وهو كدا كدا هيبقى واخد يمين وماشي 80 يعني في المعقول