تجربتي لمرسيدس slk200 r172 2014 بالفيديو

**novo** · 22-12-2014 09:00 AM

السلام عليكم
العربية موتور 1,796 I4 turbo قوة 184حصان و عزم 250 نيوتن....العربية عجبني فيها:
1)الشكل الخارجي فى من وجهة نظري رائع و شبية جدا ب الSL و من بعيد ب SLS و العربية من بعيد تبان كبيرة بس الحقيقة هى صغيرة بس خطوطها جميلة جدا.
2) السقف بتاع العربية بيتقفل فى وقت قياسي و ممكن تقفله من الريموت و فعلا بعد القفل العزل بتاعه بيبقى ممتاز.
3)لما تنزل السقف تقدر تسوق العربية لغاية سرعات 160كم بدون ما تحس ان ضوضاء الطريق جامدة لدرجة انك ممكن تتكلم فى الموبايل عادي....
4)رغم ان العربية 1800 بس انما على السبورت مود صوت العادم جميل و صوت التربو مسموع جدا خصوصا لو منزل السقف...
5) الموتور متناسب جدا مع وزن العربية و العزم بيبدأ من RPM قليل و بالتالى لو قفلت التراكشن كنترول و طلعت على الأخر العربية هتطلع دخان أول و تاني... التسارعات برضه ممتازة جدا (من 0-100 فى 7.3 ثوان) و ده رقم ممتاز..
6) العربية من جوه الخامات ممتازة و شكل التابلوه و الكراسي جميل و القعدة مريحة لمسافات طويلة.
7)العربية شبيهه جدا بCLA من جوه و فيه زرار بيحول العربية ما بين الeconomy & sport.النقلات سريعة جدا و الفتيس ممتاز خصوصا لو هتنقل من الدركسيون...
8)نظام الGPS بتاع المرسيدس ممتاز جدا

ما عجبنيش فى العربية:
1) رغم ان القعدة مريحة بس المساحات جوه على القد....الشنطة صغيرة و يا دوبك تأخد شنطة كبيرة طول ما السقف نازل
2) العربية مفيهاش كراسي كهربا و ده فى رأيي مينفعش فى عربية من الطراز ده حتى لو ده أقل موديل
3)مينفعش تفتح السقف بالريموت الا لو لازق فى العربية من ناحية السواق
4)ساعات كنت بحس بتربو لاج خصوصا من بعد التالت.
5)مينفعش تركن العربية فى أي حتة...لو حد جنبك فتح الباب فى العربية هيبهدلهالك
http://m.youtube.com/watch?v=Q6d4Vr2V9TA
تحياتي
novo

**mohamed_rhem** · 22-12-2014 09:32 AM

ما شاء الله عربية جميلة فعلا

**ARKOON** · 22-12-2014 05:28 PM

تسلم على التقرير

**S O P H O S** · 03-02-2015 06:09 PM

تسلم ايدك
بنتظر دايما مواضيعك

**M.Ayman** · 12-02-2015 01:16 PM

الله ينور يا novo تقرير جميل ، مع ان كان نفسي تطول في الفيديو شويه يعني تخلينا نشوف العربيه مثلا في ال sport mode ال revving ازاي السحب علي الحقيقه شكله ايه من 0-100 km/h مثلا و من 100-200 km/h في قد ايه برضه ، برضه كان ممكن تحاول تورينا في مكان زحمه فرق العزل بين السقف و هو مفتوح و هو مقفول ... الخ ، و تسلم علي التقرير الجامد ده