السلام عليكم
يتردد الحديث عن اشهر مدن القاهره الجديده
و نظرا للاسعار المرتفعه للمتر هناك رغم تقارب المسافه بينهم فياريت تقوللنا عيوب و مميزات كل منطقه لعقد مقارنه عادله بينهم
المناطق المقصوده هى
- التجمع الخامس
- التجمع الاول
- الرحاب
- مدينتى
برجاء المقارنه من حيث سعر المتر تقريبا فى كل منطقه و توافر الخدمات و المستوى المعيشى و الامن و توافر المواصلات و نوعيتها و المستوى المتوقع للمنطقه بعد 5 سنوات مثلا
اعتقد مبدئيا لازم نشع مدينة الشروق في المقارنة بعد التعديلات من كوبري يصل بينها وبين مدينتي و كمان الخدمات الموجودة بها حاليا زي كارفور ونادي هليوبليس
المهم اعتقد انا افضل مدينتي مايين كل الاختيارات ودة بسبب ثقتي في طلعت مصطفي وكمان من واقع تجربة عملية سابقة في الرحاب بس العمل في مدينتي ماشي ببطئ واعتقد دة كان بسبب ظروف البلد المهم سعر المتر دلوقت بالتشطيب و علي 6 سنين تقسيط في مدذنتي اصبح حوالي 9000 للمتر ولو تشتري من شخص اشتري من الشركة قبل كدة بيكون ارخص بس المشكلة ان الشركة بتاخد جزء من المبلغ للتسجيل
توقعي بعد 5 سنوات سعر المتر هيعدي ال 13000 ويمكن اكتر زي الرحاب كدة ودة لكمية المشاريع والخدمات المنشأة هناك دة غير المدينة الجديدة اللي بتنشأ جمبيها وهيكون فيها مترو للعاصمة مباشرة
دلوقت وسيلة المواصلات فيها خطين اوتوبيسات علي اعلي مستوي واحد اتجاهه مترو سراي القبة والتاني مدينة نصر وبيطلع كل مص ساعة اتوبيس
انا حاليا اخدت فى الرحاب لكن ماعرفشى حاجه فى التجمعات او مدينتى او فى اي منطقه جديده هناكاقتباس:
المشاركة الأصلية كتبت بواسطة marwanragab
و بصراحه فى البدايه كنت متردد بين الرحاب و مدينتى (رغم انى ماشفتهاش على ارض الواقع) - خاصه ان اللى باعلى الشقه اخد الفلوس منى و اشترى فى مدينتى :mahf(5):
انا تخوفى من مدينتى هو ان حجمها اضعاف حجم الرحاب و بالتالى مستقبلا توقعت انها حتصبح مصر الجديده - معرفشى كلامى صح و لا غلط
رغم ان الرحاب نفسها فى ساعات الذروه (خاصه عند السوق) بتصبح بشعه خاصه ان الشوارع الرئيسيه بها (شارع طلعت مصطفى) ليست متسعه بما يكفى - و لكنى اعتقد ان الرحاب اتملت على كده بينما مدينتى امامها 15 سنه كمان لما تتملى
غير كمان بالنسبالى الرحاب اقرب الى القاهره حيث عملى و عمل زوجتى
طبعا زى ماقولت فى الاول انا ماعرفشى حاجه عن التجمعات و الشروق فعلشان كده مادخلتهمشى فى المقارنه - بس بشكل عام مش عاجبنى عدم وجود كومباوند مما يهدد بظهور عشوائيات او جرائم فيما بعد
تفسير للجمله دىاقتباس:
المشاركة الأصلية كتبت بواسطة khaled_sabry
منطقتى "النعام" فى عين شمس كانت منطقه راقيه و كلها فيلات من 20 سنه - تدريجيا اتهدت الفيلات القديمه دى و اتبنى مكانها عمارات 12 دور بدون ظابط و كلها عمارات مخالفه اصلا و المخالفات كانت موجوده من قبل الثوره و لكنها زادت بعد الثوره
و النتيجه دلوقتى النعام اصبحت مزدحمه جدااااااا و تدنى مستواها جداا خصوصا بعد دخول التكاتك القادمه من المطريه بها
الشروق تعد افضى مدينة في مصر انا روحتها مرة بالليل كنت حرفيا ماشي فيها لوحدي حاجة مرعبة ومنصحش بيها ابدا
التجمع الخامس يعد الافضل والارقى وميزته انه قريب لمدينة نصر ولكوبري اكتوبر بس عيبه انه لازم يكون عندك عربية تقضي بيها مشاويرك خصوصا لو طالع بره التجمع
التجمع الاول كويس برضه بس فاضي نسبيا عن الخامس
الرحاب تعتبر الافضل خصوصا في ناحية الامان والمواصلات لان باص الرحاب ده يعنبر نعمة للسكان
طيب ليه ما تحطوش بفرلى هيل الشيخ زايد فى المقارنة
خصوصا انى الموضة دلوقتى هى السكن فى التجمع والتجمع متوقع انه يصبح مدينة نصر تانية قريب
واحنا طلعنا للمدن الجديدة بحثا عن زحمة المدن وده موجود فى بفرلى هيلز
هو مشكله المدن الجديده اللى ناحيه 6 اكتوبر انها حتبقى بعيد عن مدينه نصر اللى هى مركز عمل ناس كتير مننااقتباس:
المشاركة الأصلية كتبت بواسطة egyptawy2010
فعلشان كده اخترت كام مدينه جديده متجاوره
فاللى يقدر يعيش فى الرحاب حيعيش فى مدينتى او التجمعات - لكن صعب اوى يعيش فى بفرلى هيلز الشيخ زايد نظرا لبعدها عنه و عن مصالحه