الموضوع: مساعدة فى عربية فورد

انا بدور على عربية مستعملة متزدش عن 38000 المهم وانا بدور لقيت فورد ايسكورت و فورد فيستا و قابلت كذا عربية و منها ايسكورت 1998 و دى مواصفاتها
فورد اسكورت 98 كاملة مانويل فتحة سقف (فبريكة برة وجوة ) تانى يد 1600 سى سى انجكشن موتور 100 % باور - سنتر لوك انذار - وحدة رفع - زجاج كهربة - مريات كهربة - فتحة سقف - بطارية جافة - شنطة بتفت من جوة العربية - تكيف يعمل بكفاءة عالية - رخصة سنة ونصف باسم المالك مباشرة مرور الامرية - اللون فضى شامنبين

كنت عايز اسأل ايه الفرق بين 1300 و 1600 و لو عايز اكشف عليها اكشف عند مين و اخبار قطع الغيار ايه ؟ و استهلاك البنزين للعربية نظامه ايه يعنى التانك كام ليتر و يمشيها قد ايه و العفشة اخبارها و هل فى حاجة بتبوظ بسرعة فيها ؟؟؟؟ ارجو الرد فى اسرع وقت و لكم جزيل الشكر