-
تروح و ترجع بالسلامة ان شاء الله ..... خلى بالك من رحلة العودة .... الوقت ده بيكون فيه عواصف ثلجية و بيقفلوا مطار هيثرو كتير ... و رحلات كتير بتتأجل و بتتلغى و الناس بتبات فى المطار باليومين
ان شاء الله ميحصلش حاجة و تيجى بالسلامة
على ما اتذكر ... المترو بيشتغل من الساعة 6 صباحا و حتى الساعة 10 مساءا ... و ممكن حضرتك تروح اى جتة فى لندن بالمترو
-
تروح وترجع بألف خير ويوفقك
-
تروح وترجع بالسلامه ان شاء الله .. بس فى البرد ده البلاد دى بتكون ولا اروع فى الصيف
اعمل حسابك بعد العوده ان شاء الله هتكون مش طايق حد وحاسس بصدمه ومش مستحمل حتى الاضاءه فى بيتك وهتفضل على الحال ده اسبوع ولا اتنين على ماتفوق من الصدمه
-
تروح و ترجع بالسلامة ان شاء الله
-
رحله سعيده
لو ينفع كنت عايز اشتري شمسيه من لندن
شمسيه مطر زي بتاعت العمد والاعيان في الافلام القديمه
بس تكون اصلي
لو ينفع
ماينفعش مفيش مشكله
لك جزيل الشكر
-
تروح و ترجع بالسلامة ...
واضح ان حضرتك ان مصاريف السفر و الاقامة ستكون على كاهلك ...
بس حضرتك شايف انك ممكن تتعلم ايه هناك مش موجود في مصر و خصوصا ان دورات الايكو موجودة في اقسام القلب بالجامعات المصرية و معهد القلب و اخيرا و ليس اخرا نقابة الاطباء و هناك دورة تبدا في يناير القادم تحت اشراف د.محمد الصفدي و قلب الاطفال تحت اشراف د.سونيا الصعيدي
الى اخر ذلك من DSE , 4D,Intraoperative
اتمني لحضرتك التوفيق و ان تفيدنا بعلمك فخيركم من تعلم العلم و علمه....
-
مبروك وانبسط علي قد ماتقدر
-
بالتوفيق وتروح وتيجى بالسلامة ان شاء الله :)
-
اول ماتروح اعمل ابونية للاتوبيس علشان تلف لندن كلها بية
خللى باللك من اللصوص فى الزحام
ماتروحش مع اى حد لاى مكان لاى سبب طبعا واضح اقصد اية
لو بدخن اشترى من هنا سجاير تكفيك اطول مدة بس متزودش على 10 علب علشان المطار
الجوانتى اهم شى فى الدنيا هناك
فى نصب برضوا خللى باللك من المحلات
المفروض لو اشتريت حاجة من هناك هايتردللك الضرايب و انتى راجع فى المطار اسال فى النقطة دى
اخيرا تروح و ترجع بالسلامة
-
تروح وترجع باسلامه
خلي بالك هناك الفيش مختلفه
خد معاك من هنا الفيشه اللي بتاخد رجلين وتطلع تلاته
عشان هناك هاتكون أغلى من هنا
لما تشتري حاجه عليها القيمه أطلب من المحل إستمارة الـ VAT refund
وخلي بالك إنك لازم تملاها قبل ما تروح المطار عشان ما تتعطلش وانت هناك
في نوعين من الإستمارات
إستماره ورقه A4 عاديه ودي سهل تملاها
الإستماره التانيه عباره عن وصل رفيع بيطلع من ماكينة زي بتاعت الفيزا ودي طبعاً رخمه شويه
الأكل الحلال هناك كتير أوي وما فهوش مشكله
في بعض المطاعم المشهوره زي ماكدونادز وكنتاكي ليهم فروع حلال
وفي مطاعم حلال كتير في مناطق العرب وفي مول westfield اللي في Shepherd's bush
بالتوفيق
Content Relevant URLs by
vBSEO 3.6.0 PL2