مشكلة في حساس الاكسجين للهاف اوبشن

**m.mostafa.mail** · 23-12-2014 10:06 AM

حاجه هاتجنني وخانقاني من العربيه ع الاخر
كل لما ازود علي ال80 او 90 كيلو كده اللمبه الحقيرة بتاعة تشيك يور فكن انجن بتنور
حطيتها علي الاسكان :
اول مرة قال حساس الاكسجين وعندي الحساس اسمة بوتشيوميتر لانها هاف اوبشن مش كامله يعني مافيش حساس شكمان ولا علبة بيئه .. الكهربائي قاللي انا صفرت الحساسات وهاظبط الحساس
مشيت بعدها بيوم نورت تاني .. الميكانيكي وداني لواحد كهربائي تاني
روحت حطيتها ع الاسكانر قال لا يوجد اخطاء .. ساعتها كنت هاكسر الاسكانر بتاع الراجل .. قاللي طيب لو نورت معاك هات العربية وهانوصل الاسكانر وناخدها مشوار ع الدائري ونجرب
راحت منورة تاني يوم فجيبتهاله وهيه دايرة وحطها ع الاسكان كتبله حساس ام الاكسجين قاللي كده لازم يتغير .. قولت ماشي جبت واحد جديد وركبته ومشيت والنهارده نورت تاني ......
اعمل ايه تاني ....
ملحوظه .. العربية بتاكل بنزين لحد لما تخنت .. بتعمل معايا 150 ل 155كيلو في ال 20 لتر مهما حطيتلها بقي 92 او 80
ارجوكم تنصحوني اعمل ايه غير اني ابيعها

**kbarema** · 23-12-2014 01:06 PM

طبيعى جدا لما حساس الاكسجين يبوظ العربيه تاكل بنزين
المهم بقي انت اشتريته منين
وخد بالك ممكن يكون سليم وفيشه او سلك معلك لو بتركن في الشارع ممكن قطه تهز السلك من مكانه
روح لحد بيفهم مش اي حد
والسيفيا جميله من احلي العربيات اللي ركبتها بس انت ظبطها

**m.mostafa.mail** · 24-12-2014 08:09 AM

طيب هو حساس الاكسجين ده هوه حساس البوتشوميتر في الهاف اوبشن بس الكمبيوتر بيقراه كده ؟
انا اشتريته جديد من امام جامع خاتم المرسلين بالعمرانيه محل السرساوي ب 80 جنيه
وشكلي هاروح ارجعه بس هوه يرضي

انا مش لاقي حد بيفهم قريب من فيصل او الهرم او الجيزة حتي :(
السيفيا .... هوه في زي السيفيا

**lutenit030** · 24-12-2014 08:36 AM

انت هاف اوبشن عندك بوتنشوميتر و بتسجل حساس اكسجين طب ازاي؟

انت مغير كونترول؟؟؟

**m.mostafa.mail** · 28-12-2014 09:40 AM

لا مش مغير كونترول
بس انا شاريها مستعملة فممكن اللي قبلي عمل كده
مافيش دليل يقوللي اذا كانت مغيرة كونترول ولا لأ
ولو مغيرة يبقي ايه الكنترول الاصلي بتاعها ؟؟؟