الاخ ايمن ,
أولاً اهلاً بيك عضو جديد معانا , بس انا عايز اهمس في ودنك بكلمتين ,
انا حسيت من موضوعك أنك مستعجل شوية و عايز تعرف معلومات معينة بدون الإهتمام بإنك تعرف نفسك و تتعرف بالإعضاء و بعدين احنا مش بنبيع حاجة و انت بتقول:
(عاوز احسن جوده و أقل سعر !!),
و احب أقولك إن هدف المنتدي الأساسي انك تفيد و تستفيد -وليس مادياً- دا غير اننا بنتقابل كل شهر و بيبقى في موضوع شهري عن المقابلة , يعني دا مش منتدى عادي , و كلنا بقينا عائلة و انا عن نفسي اتشرفت بمعرفة ناس كتير هنا محترمة جداً ,
و بالنسبة للعنوان متزعلش من الناس بس احنا عايزين عنوان يعبر عن الموضوع نفسه ,
بالنسبة لموضوعك :-
*جهاز الإنذار فيه ناس كتيرة مجربة الإنذار الوولف المصري و انا منهم و هو جهاز كويس جداً و مش هيفرق اوتوماتيك ولا عادة و تمنه بيبدأ من 150ج خلاف التركيب ,
*و بالنسبة للزجاج طالما العربية اوتوماتيك يبقى الزجاج كهرباء , يبقى حاجة من إتنين :
الأول: انك تعمل تنظيف لمجرى الزجاج بإستخدام المنظف Wd40 (موجود في أي بنزينة)
الثاني: إذا لم يتحسن يبقى المكنة ممكن تكون محتاجة تتغير ,
*بالنسبة للمرايات الكهرباء التي لا تعمل فدا ممكن يكون مشكلة في التوصيلات الكهربائية للموتور أو مشكلة في الموتور نفسه و يجب الرجوع الى كهربائي كويس ,
*بالنسبة للإكصدام فعلاج التجريح انه يتم إعادة دهانه , يعني شغلانة دوكو ,
*و بالنسبة للصدادات و بتاع الفيبر فأرجوا من أعضاء الأسكندرية انهم يفيدوك في الموضوع ده,
أرجو إني أكون أفدتك.
المفضلات