مخنوق و محتاج افضفض شويه و مش عارف العيب فيا ولا ايه

انا النهارده يا شباب خرجت مع ناس صحابي كلهم متجوزين و انا مش متجوز
المهم قعدوا حسسوني اني فيا حاجه غلط و اني انا اللي مقصر و طالب طلبات رهيبه في العروسه مع اني تقريبا مش حاطط اي مواصفات غير ان شكلها يبقي مقبول و تبقي محترمه و متدينه هو ده يعتبر مواصفات وهميه
و اللي يقولي انت لو اتجوزت دلوقت و خلفت علي طول ابنك لما يجي يدخ المدرسه هتبقي 40 سنه يعني خلاص متعرفش تلعب معاه و لا تجاريه و لا يحس انك صاحبه
و اللي يقولي انت كبرت و من الصعب تلاقي واحده تعجبك و تلاقيها موافقها عليك علشان سنك كبير
و اللي يقولي انت مأخر نفسك و هتندم
الواقع يا جماعه انا رجعت مكتئب جدا اكثر ما انا متضايق
لو حد قرا فيكم مواضيعي هيلاقيني بشتكي اني مش عارف الاقي عروسه و دايره معارفي محدوده جدا و تقريبا مبقاش يعترض عليا عرايس كاني بقيت باير
و جه النهارده و كمل عليا
اسف اني صدعتكم بس حبيت ا فضفض شويه

فكك منهم و مترميش ودانك للناس و ادعي ربنا كتيير و ان شاء الله هيرزقك بالزوجه الصالحه

عايز تتجوز هههههههه

اللي ربنا كتبهولك اكيد هتشوفه

بيحقدوا عليك عشان تبقي عارف :d

طيب ما تحاول تشوف واحده من قرايبك تسأل اصحابك علي واحدة من قرايب زوجاتهم بالمواصفات اللي انت عايزها وربنا يوفقك ويكرمك ويرزقك بالذرية الصالحة وللعلم مفيش حاجة اسمها انت كبرت ومش هتقدر تلعب مع ابنك انا اخويا عنده 9 سنين ووالدي عنده 47 سنة ووالدي بيلعب معاه كل حاجة وبيلعب معاه بﻻيستيشن عمرها ما كانت بالعمر علي فكرة

يا عم انت مكبر الموضوع ليه لما نصيبك يجي هتلاقي نفسك متجوز من غير متحس سيبها على الله

اتجوز لما انت تحب تتجوز

ثانيا لو لقيت بنت الحلال وخطفت اهتمامك اشتبك على طول ........................

أكيد بيحسدوك
ربنا يرزقك الزوجة الصاحة

انت فى نعمه يا راجل

ياريت تكون جد شويه وتنوى الزواج بجد وخللى نيتك خير عشان ربنا يوفقك ان شاء الله
لو ماديا تقدر على الزواج يبقى بلاش تتاخر اكتر من كده وصحابك عندهم حق انهم يشجعوك على الجواز بس من غير ما تتنازل عن شروطك لانها من حقك
المهم انك تنوى وربنا حيوفقك ان شاء الله

عادي يعني مفيهاش مشكله لو انته وصلت 40 وابنك لسه داخل المدرسه
في البعض بيوصلو ال 60 وال 70 وممكن يموتو وميخلفوش اصلا دي حاجه بأراده ربنا

وبعدين مين الي قال انك لو وصلت ال 40 مش هتعرف تلعب مع ابنك بالعكس ده الانسان كل ما بيكبر كل ما محبته لاطفاله الصغار بتزيد اكتر

متخرجش مع صحابك دول تاني.. دي صحاب تجيب الواحد ورا
المفترض يدعموك مش يكئبوك

السلام عليكم
الزواج ده رزق و نصيب و تأكد حضرتك إنك لو لقيت اللي مكتوبالك مش هتفوق إلا و إنت متجوز...لأن كل المواضيع اللي قبل الزواج من إتفاقات و تجهيزات هتبقي ذكريات حلوه بعدين

أفضل في دائره البحث الأقارب و الجيران ثم ترشيحات الأقارب و الأصدقاء
جرب تاخد كورسات كمبيوتر أو لغه و ده بيبقي فيه فرصه حلوه إن حضرتك تقابل بنات محترمات أنهوا تعليمهم و منتظرين إبن الحلال

لو المواضيع مقفله جامد أوي ...أرشح لحضرت موقع Qiran أو ما شابهه
بس لازم حضرتك تكون داخل بنيه الجديه و تكون حريص جدا في التعامل مع الأخذ بكافه الإحتياطات و الأسباب

جزاكم الله خيرا و بالتوفيق

قلة الجواز احسن ما تتجوز واحدة مش عاجباك 100%

كان الناس اللى معايا فى الشغل بيعموا زى اصحابك دول و عاوزين نفرح بيك و الكلام ده
دلوقتى بيقولولىى الحقيقة و ابتدوا يشتكوا و يقولوا اللى فيها+
ده فيه منهم واحد بيحسدنى علشان هو طلعان عنيه فى البامبرز

علشان نكون موضوعيين فكلام اصحابك فيه جزء من الصح
الواحد فينا لما بيكبر بتبقى اهتماماته مختلفه عن وهو لسه شاب ده غير ان رينج السنين بتاع البنت اللى انت بتدور عليها لازم هيبقى عالى يعنى الواحد وهو شاب ممكن ياخد بنت عندها 20 سنة لحد 25 سنة لكن كل ما سنك يكبر هتلاقى ان فرق السنين بقى كبير يوصل ل 20 سنة.
ما تزعلش من كلامى لكن انا باحكيلك تجربة فعلية لواحد صاحبى أكبر منك كمان و عايش معاه الرحلة كلها من ايام ما كان شاب صغير.
فى النهاية عاوز اقولك حاجه مهمه إستحالة تلاقى بنت كامله من كله لان انا كإنسان شخصيا" مش كامل فكيف ابحث عن الكمال فالكمال لله وحده.
استعين بربنا و توكل على الله و ما تفكرش فى موضوع السن لكن خليك جاد فى الموضوع و ربنا اكيد هيكرمك.

كلام اصحابك فيه جزء من الصح
يعنى متطلبش الكمال
خليك فى المعقول.
ولكن لا تطيل فتره الاختيار كثيرا.
وﻻ تستعجل ..خير الامور الوسط.

و الله يا جماعه انا لا طولت فتره الاختيار و لا حاجه اصلا تقريبا مفيش حد معروض هما كام واحده شفتها و الموضوع بقي بخ و مش لاقي اي ترشيحات و لا اي حد و لا قرايب الموضوع فعلا مقفل
مشكلتنا ان معندناش علاقات فالموضوع واقف كليه و ممكن تعدي سنه و مشفش فيها الا عروسه واحده و ده و الله مش بمزاجي
ثانيا انا مش حاطط معايير و مواضفات جامده انا عايز واحده شكلها مقبول و تكون محترمه و بنت ناس و متدينه
هي ده يعتبر مواصفات عاليه
انا و الله ما مأخر نفسي النصيب هو اللي ماخرني
بس اللي خنقني امبارح كميه الكلام اللي يحسسك انك غلط و انك عازب بمزاجك و ان انت كده عمرك جري و بيضيع الكلام صعب و مقرف يا جماعه صدقوني
و مش سهل انك ترميه وراه ضهرك خصوصا لما واحد يرمي نكته مش ولابد و لا حاجه عليك

الجواز قسمة ونصيب
وبعيد عني رأي اصحابك لو ليك نصيب في شيء كنت شوفته قبلهم لو كان ربنا رايد
عمتا لاانصحك بالتعلقيات السلبية انك كدة عازب احسن والكلام ده كل واحد له نصيب ومش لازم يكون نصيبه يتطابق معاك ان كان سعيد او تعيس
كل شيء بوقته وربنا مسبب الاسباب
عيش كل مرحلة كما هي وارضي بنصيبك

اسعى فى الموضوع وربنا يكتبلك الخير

اقسم بالله صحابك منفسنين منك و محروقين من جوه علي النعمه اللي انت فيه

انت عايش حياتك و هما بياخدوا تصريح قبل ما يخشوا الحمام :))))

حضرتك مخنوق علشان متجوزتش لحد دلوقتى
طيب انا هسئل حضرتك سؤال .......... هما الرجالة الى اتجوزوا استفادوا ايه تحديدا
انا معرفتش الهنا والسعاده الى كنت فيها الا لما اتجوزت وخلفت
بصراحة مبقتش حياه وبقيت عامل زى التور المربوط فى الساقية علشان طلبات البيت والعيال
وياريت بيطمر ......
وكل يوم بسئل نفسى هو أيه الى انا خدته من القصة دى

اقتباس:

---

المشاركة الأصلية كتبت بواسطة ahmed12345678

حضرتك مخنوق علشان متجوزتش لحد دلوقتى
طيب انا هسئل حضرتك سؤال .......... هما الرجالة الى اتجوزوا استفادوا ايه تحديدا
انا معرفتش الهنا والسعاده الى كنت فيها الا لما اتجوزت وخلفت
بصراحة مبقتش حياه وبقيت عامل زى التور المربوط فى الساقية علشان طلبات البيت والعيال
وياريت بيطمر ......
وكل يوم بسئل نفسى هو أيه الى انا خدته من القصة دى

---

طبعا الحياة قبل الجواز بتبقى بدون اى مسئولية ووقت كبير فاضى بتعمل اللى انت عايزة
بس كل واحد بيتمنى يبقى عندة ابنة ضحكتة وهو بيجرى علية وهو راجع من الشغل تهون علية صعوبات الدنيا كلها
يحاول يحقق لابنة اللى هو معرفش يحققة لنفسة وفى الاخر والاهم لو تربية صالحة يكون صدقة جارية ليك

انت مش غلط 90% من البنات مستواهم اقل من المتوسط فى الجمال و99% تفكيرهم سطحى
فى المقابل انت هتخسر 90% من الفلوس الى عملتها قبل ما تتجوز كمصاريف للجواز ...و 100% من وقتك و فلوسك بعد ما تتجوز ....يعنى لو ما لقتش الى يستاهل المقابل ده كشكل و شخصيه و عائله يبقى بلاش تهدر عملك على واحده ما تستهالش
البنات طول عمرهم عندهم الى يشيل مسؤليتهم ( يمكن علشان كده تافهين) سواء فى بيت ابوها او فى بيت جوزها فالبنسبة ليها موضوع الجواز مافيهاش مغامره كبيرة اوى اخرها لو فشلت هترجع بيت ابوها تانى ثانيا فى مجتمع الحريم فيه نفسنه شديده و تنافس فممكن بنت تتجوز جوازه و السلام بدل ما تبقى هى الى قاعده ما اتحوزتش بين صاحباتها ....فتمثل عليك دور الهاديه بنت الناس لحد ما انت تتورط و بعدين تبان على شخصيتها الطبيعيه ....ثالثا كل البنات فى الجيل الحالى تم افساد تفكيرهم بالمسلسلات التركى و الهجص و اختلط عليهم الواقع بالخيال و كلهم عايزين الى يدلع فيهم زى ما بيشوفوا فى المسلسلات ما بيعرفش ان الممثل التركى الى بيطلع يقول كلام حلو فى المسلسل بياخد فلوس و أجر على الكلمتين الى بيقولهم ههههه .....

اقتباس:

---

المشاركة الأصلية كتبت بواسطة hitman235

انت مش غلط 90% من البنات مستواهم اقل من المتوسط فى الجمال و99% تفكيرهم سطحى
فى المقابل انت هتخسر 90% من الفلوس الى عملتها قبل ما تتجوز كمصاريف للجواز ...و 100% من وقتك و فلوسك بعد ما تتجوز ....يعنى لو ما لقتش الى يستاهل المقابل ده كشكل و شخصيه و عائله يبقى بلاش تهدر عملك على واحده ما تستهالش
البنات طول عمرهم عندهم الى يشيل مسؤليتهم ( يمكن علشان كده تافهين) سواء فى بيت ابوها او فى بيت جوزها فالبنسبة ليها موضوع الجواز مافيهاش مغامره كبيرة اوى اخرها لو فشلت هترجع بيت ابوها تانى ثانيا فى مجتمع الحريم فيه نفسنه شديده و تنافس فممكن بنت تتجوز جوازه و السلام بدل ما تبقى هى الى قاعده ما اتحوزتش بين صاحباتها ....فتمثل عليك دور الهاديه بنت الناس لحد ما انت تتورط و بعدين تبان على شخصيتها الطبيعيه ....ثالثا كل البنات فى الجيل الحالى تم افساد تفكيرهم بالمسلسلات التركى و الهجص و اختلط عليهم الواقع بالخيال و كلهم عايزين الى يدلع فيهم زى ما بيشوفوا فى المسلسلات ما بيعرفش ان الممثل التركى الى بيطلع يقول كلام حلو فى المسلسل بياخد فلوس و أجر على الكلمتين الى بيقولهم ههههه .....

---

المشكله بقي ان كل واحد يكلمك يحسسك ان انت اللي عايز تتجوز مارلين مونرو و كل اللي حواليك حلوين و قمرات و انت اللي مش عجبك حد
و حتي لما تعجبك واحد مقبوله بالعافيه تتشرط عليك جبلي شقه جنب ماما و بيع شقتك
و مش عارف ايه

اقتباس:

---

المشاركة الأصلية كتبت بواسطة engmody32

المشكله بقي ان كل واحد يكلمك يحسسك ان انت اللي عايز تتجوز مارلين مونرو و كل اللي حواليك حلوين و قمرات و انت اللي مش عجبك حد
و حتي لما تعجبك واحد مقبوله بالعافيه تتشرط عليك جبلي شقه جنب ماما و بيع شقتك
و مش عارف ايه

---

الموضوع فى الاول و الاخر نفس و وجهات نظر و طالما الى بيعبجنى بشوف منه فى الشارع يبقى موجود و حقيقه مش خيال فأستنى لحد ما الاقيه لكن اتجوز واحده مش عجبانى يبقى زى الى بياكل اكل مش بيحبه اخره هياكل منه معلقتين و هيرمية ...
و بعدين المنطق بيقول طالما انت نزلت لسوق الجواز التقليدى فالموضوع بيعه و شروة ( للاسف) و كله بيحسبها بدماغه و مافيش مجال للتعاطف يعنى انا عايز واحده حلوه و تعليم و اهل كويسين و هى بتدور على واحد مؤهل عالى ووظيفه كويسة و راتب كويس و شقة كبيره فى مكان راقى ....هيا لا تعرف شخصيتى ولا انا اعرف شخصيتها لكن بتتحسب كده حتى قبل ما نشوف بعض ......
و انا قابلت كتير فى الجواز التقليدى و اتكلمت مع بنات و اسرهم و عرفت بيفكروا ازاى .........
بس للاسف الشديد عامل السن من ضمن العوامل الى بتدخل فى الاعتبار فى الحسبة بس فيه اسر بتستعوض ده بالماديات يعنى كبير فى السن و معاه فلوس احسن من صغير و مفلس و شوفت ناس قدك و اكبر اتجوزوا ناس 19 سنه علشان جاهز و معاه فلوس و شخلل

شوف ياصاحبي .. اللى عاوز يتجوز بيتجوز بجد

لكن مع احترامي ليك.. مافيش حاجة إسمها مش لاقي

لو مش لاقي فعلا يبقى إنت اللى مغمض عنيك عن ناس كتير

لو تقولي معارف محدودة .. معتقدش بجد اكيد ليك جيران اصحاب اقارب كل الناس دى ومافيش

لا ياصاحبي

سيدنا رسول الله بيقول من استطاع منك الباءة فليتزوج .. وإنت لو قدرات تتجوز توكل على الله

وإنت طلباتك مش صعبة .. اى حد بيطلبها واى حد بتبقي عنده نفس الطلبات دى

لكن معتقدش كل الناس اللى شوفتها مش متوفر فيها طلباتك ياصاحبي

وحد الله سبحانه وتعالي وشوف .. لكن كلام صحابك تشجيع إنك تخلص وبأسلوب ضغط شوية

اقتباس:

---

المشاركة الأصلية كتبت بواسطة mido3_gho

شوف ياصاحبي .. اللى عاوز يتجوز بيتجوز بجد

لكن مع احترامي ليك.. مافيش حاجة إسمها مش لاقي

لو مش لاقي فعلا يبقى إنت اللى مغمض عنيك عن ناس كتير

لو تقولي معارف محدودة .. معتقدش بجد اكيد ليك جيران اصحاب اقارب كل الناس دى ومافيش

لا ياصاحبي

سيدنا رسول الله بيقول من استطاع منك الباءة فليتزوج .. وإنت لو قدرات تتجوز توكل على الله

وإنت طلباتك مش صعبة .. اى حد بيطلبها واى حد بتبقي عنده نفس الطلبات دى

لكن معتقدش كل الناس اللى شوفتها مش متوفر فيها طلباتك ياصاحبي

وحد الله سبحانه وتعالي وشوف .. لكن كلام صحابك تشجيع إنك تخلص وبأسلوب ضغط شوية

---

تسمحلى اقولك كلامك غلط
نسبة كبيره من البنات الى بيتعرضوا تقليدى هما الى فرصهم ضعيفه فى الجواز اساسا اغلبهم سنهم كبير و مش عليهم اقبال لأن بأختصار الحلو او الكويس شخصيه و شكلا و اهلا ما بيقعدش
فيه ناس معارفها قليله و فيه ناس برضه ما بتحبش تمشى فى مواضيع الجواز دى يعنى مثلا فيه اقارب تقولك ما امشيش فى المواضيع دى او تكون ليها بنت مش عجباك فمش هتعرف تكلمها تقولها دوريلى ما تعممش المواضيع فيه ناس مسافره و بتنزل اجازات و دى ظروفها بتبقى اصعب انها تلاقى حتى لو عايزه تتجوز فعلا و فيه ناس شغلها ساعات عمل كتير و معندهاش وقت او مجالها مافيهوش فرصه انها تتتعرف على ناس جديده
فيه ناس ساكنين فى اماكن شعبيه و ما يلائمهاش انها تاخد حد من الجيران او البئية المحيطه

انا بس احب اسجل اعتراضي على الاسلوب
احنا في منتدى سيارات فعلا و لكن انا مش شايف انه من اللائق الكلام على البنات او السيدات على غرار ( المعروضين ) ( مفيش عليهم اقبال ) ( ما بيوعودوش ) ( سوق الجواز ) . يا فندم هما مش سلع.
( 90% من البنات مستواهم اقل من المتوسط فى الجمال و99% تفكيرهم سطحى ) ( يمكن علشان كده تافهين) حضرتك عندك احصائية بكده و لا دى تجربة شخصية

و كلام كتير ان مش حعمل اقتباس لكل واحد و انا لا اوجه كلام شخصى

ولكن يا جماعة الخير احنا بننظر للموضوع من جانب واحد ( ذكورى ) بحت مع ان احنا لازم ننظر من وجهة نظرى من اكتر من زاوية ومن منطلق ( الرجولة )
احنا بنتكلم ان احنا عايزين فيها و فيها و فيها . انا موافق و هي برضه .

و لصاحب الموضوع الكريم حضرتك مش كل واحد متجوز سعيد و اكيد مش كلهم مخنوقين دى تجارب
و انا اعرف من التجارب دى ناس اتجوزت صغيرة و كبيرة و منها اللى نجح و منه لاء (تجربة شخصية )

انا عن نفسى حاولت انى اخد بكل الاسباب للتوافق ( الاجتماعى و المادى والعلمى و الخ ) والكن اهم حاجة ( اظفر بذات الدين ) من وجهة نظرى في الزمن ده هى الاخلاق ثم الاخلاق ثم الاخلاق للعروسة و عائلتها اهم من اى مظاهر
اللى بيسعى فعلا الى شىء و هو مخلص النية لله ربنا( سبحانه و تعالى ) بيوفقه ( تجربة شخصية )

انا بتكلم من وجهة نظر شخصية بحتة واقصد التفاعل و لا اقصد الصدام
لأنى لية ام و اخوات بنات و قرايب بنات و زمايل بنات وزوجة و بناتى و ارى ان منزلتهم ارقى و اعلى من ذلك

اسف على الاطالة

للاسف احنا مجتمعنا فيه عادة سيئة..وهى التدخل فى شئون الاخرين .! طيب يا عم انت اعزب . ! ها هنفرح بيك امتى ! ها اتجوزت .! ها مفيش حاجة كده جاية فى السكة . ! ها . انت مش ناوى تخاويه والا ايه . ! !!!! لو كل واحد خلاه فى حاله . الدينا هتبقى افضل . !
نصيحة اخوية ..دور على البنت اللى اتناسبك حتى لو تأخرت فى الزواج ..اما تعيش حياة زوجية تعيسة (بسبب التسرع فى الاختيار ) ..اصحابك دول مش هينفعوك او ييجى يصلحوا ما بينكم .

ونصيحة اخيرة ...خللى اخواتك البنات او الوالدة او قريباتك يدورولك ...وان شاء الله نبارك لك قريب !!

بالنسبة بقا لصاحبك المتذاكى اللى بيقولك هتربى ابنك والمدرسة وو 40 سنة !! قوله فى ناس بتتجوز وهى عندها 21 او 22 سنة وما تخلفش الا بعد سنين طويلة ! وفى ناس بتتجوز على 35 سنة ..وربنا بيرزقهم البنات والبنين خلال اول سنة بعد الزواج . (ربنا يرزقنا جميعا الذرية الصالحة ) . كل شىء محسوب وبقدر معلوم .