نصيحة عن صبانة ال 80000 كم جيتز 2008
سلام عليكم يا شباب , أنا أول مشاركة ليا في المنتدي وبصراحة كنت دايما متابع بس مكنتش عضو .
أنا معايا جيتز 2008 عاملة دلوقتي 82 الف كيلو والمفروض أني متعود علي صيانة التوكيل بس الصيانة دي الفلوس أزمت شوية علشان فية شجرة وقعت علي العربية واتكلفت في تصليحها كتير .
العربية ماشاء الله حالتها كوبسة ومش بحس فيها غير بمشاكل بسيطة , وساعات صوت الموتور بيكون عالي لما بدور الصبح فأنا طبعا قلقان علي الموتور وعلي أجزاء العربية كلها , لأني بصراحة مش فاهم ميكانيكا اوي ومش عارف اية اللي ممكن يتضرر.
السؤال بقي علشان الناس اللي تاهت , انا معود العربية علي زيت 10 الاف هل ممكن أغيره ب 5 الاف دلوقتي بس عشان التكلفة وعشان مخسرش لما اروح التوكيل لأنة كدة كدة بيغيروا الزيت حتي لو أنا مغيرة؟
السؤال التاني هل في صيانة ضرورية تانية أعملها عند أي ميكانيكي أو كهربائي أو اي حاجة , علما بأني ان شاء الله ممكن أعمل صيانة ال 85000 مع ال 80000 مرة واحدة في خلال شهر ؟
معلش لو طولت عليكم ومستني خبراتكم وأقبلوني عضو جديد معاكوا أن شاء الله
