مشكلة فى الفيرنا ... واحترت فيها

**7awadeet** · 24-12-2014 04:21 PM

بسم الله الرحمن الرحيم

الموضوع بدا فجاة وانا راجع بالعربية من الشغل ( فيرنا 2007 1600cc ) شميت ريحة شياط جامدة وقفت اشوف فى ايه ملقتش اى حاجة غريبة والريحة خارجة من الكبوت ومش عارف احدد منين ومفيش لا دخان ولا حاجة ... ركنتها قدام البيت ملقتش اى ريحة تانى يوم مجرد ما وصلت الشغل والعربية وقفت شميتها تانى ... مستنيتش وانا راجع من الشغل كشفت على تيل الفرامل والاسطوانة مفيهومش اى حاجة ... بس الصنايعى قالى ان فى بواقى كيس على الشكمان من قدام وهو دة السبب بس انا مقتنعتش بصراحة.. كدة المشكلة بقالها اكتر من يومين ...

هل الكيس ممكن يستمر كل دة لان المشكلة لسة مستمرة حتى الان وان كانت الريحة خفت شوية ومش بشمها الا اما اقف خالص ... وايه اللى انا اقدر اعمله عشان اطمن ...

وشكرا مقدما .... ومنجلكوش فى ريحة وحشة ....

**aymanshebl** · 24-12-2014 06:11 PM

ممكن يكون الكيس على الشكمان عادى

**mshmshm3** · 24-12-2014 06:15 PM

كيس علي الشكمان هياخد وقته و هيروح

**تامر راغب** · 25-12-2014 01:25 AM

عندى نفس المشكلة وطرحتها هنا
وللحقيقة مستمرة لحد دلوقتى بس أنا اكتشفت
انه فيه ترشيح زيت وتقريبا هو اللى عامل الريحة دى
لكن مبدأيا خللى الميكانيكى يرجلش تيل الفرامل الأمامى
ويهويه شويه

**7awadeet** · 25-12-2014 08:43 AM

اولا ... شكرا لكل اللى ردو وعموما انا قررت فى اقرب فرصة اروح ابص على العربية من تحت عند مغسلة او بتاع شكمانات او اغسل العربية من تحت وخلاص عشان اتاكد من حوار الكيس اللى مبيخلصش دة ... وبالنسبة لتيل الفرامل الامامى انا نسيت اقول انى غيرته اصلا لانه كان ضعف ولون مكانش هو السبب فى الريحة

**جيتزاوي55** · 25-12-2014 03:46 PM

بص أنا هقولك علي تجربة حصلت معياا شخصيا بس في عربيتي القديمة كانت لادا 2107 موديل 2008 , كنت بشم ريحة شياط سخونية , زي ريحة المكواة كدة وأكتشفت أنها كانت مشكلة الكهرباء , حاجة في الفيوزات تقريبا , لو الريحة عندك قريبة من ريحة السخونة انصحك تبص علي الكهرباء , اما لو شياط زي التيل وكدة يبقي غالبا كيس ان شاء الله وتبقي بسيطة

**eslam atia** · 27-12-2014 09:29 PM

حصل معي وكان كيس في الشكمان واخد وقتة وراااااااح

**تامر راغب** · 28-12-2014 12:08 AM

برضه روح بص عليها من تحت - أنا عندى بصيت ومالقيتش أيها كيس الصراحة
لكن شوف موضوع التيل ده - أنا لما خفيته شوية الريحة بقت على فترات بتظهر مش دايما
وكنت عامل زيك كدة أقوم الصبح ألاقيها زى الفل أطلع بيها مشوار أشم ريحة الشياط دى ويتحرق دمى
ولما أقف بالعربية أحس بالريحة من الكبوت والجنط بيبقى سخن قوى

ربنا يعملك ويعملنا جميعا اللى فيه الخير