المشاركة الأصلية كتبت بواسطة أبو آسر
مفيش في مصر حسب علمي موزر أصلي لأن الأصلي بيتباع برة بداية من 64 يورو يعني مش أقل من 600 جنيه لكن الموجود في مصر كله يا إما كوبي رديء يا إما هاي كوبي وبيتقال عليها أصلي
وسيبك من حتة محفور عليها made in germany وكل الهجص ده
لكن الهاي كوبي moser primat 1230 شغالة كويس جدا معايا وتقريبا كل حلاقين مصر بيحلقوا بيها وتمنها 380 جنيه عند سمير وليم أو شوف برده رضوان العجيل وممكن تلاقيها في العتبة برده بس خلي بالك من التقليد المضروب هتلاقيه غالبا أرخص
وابعد عن الحمرا أم 130 جنيه عشان مضروبة وتعبانة جدا في منها الهاي كوبي بحوالي 220 جنيه بس هات البريمات البيضا أفضل
طبعا الماكينة دي للشعر بس مش للدقن