السلام عليكم ورحمه الله وبركاته
بعد اذنكوا عايز استفسر ازاى اروح العنوان ده مواصلات وانا جاى من المنصوره ؟؟
الكيلو 28 طريق مصر اسكندريه الصحراوى ابو رواش عند شركه تويوتا
شكرا مقدما
عرض للطباعة
السلام عليكم ورحمه الله وبركاته
بعد اذنكوا عايز استفسر ازاى اروح العنوان ده مواصلات وانا جاى من المنصوره ؟؟
الكيلو 28 طريق مصر اسكندريه الصحراوى ابو رواش عند شركه تويوتا
شكرا مقدما
بص يا سيدى انت حتركب العربيات بتاعت القاهره عادى من المنصورة و تخليه ينزلك عند الدائرى و قوله عند سلم الدائرى
حتطلع السلم حتلاقى عربيات بتروح اكتوبر و الشيخ زايد اركب اى واحده منهم و تقوله ينزلك عند سلم الصحراوى (بيبقا على المحور قبل اخره بشويه) حتنزل السلم حتلاقى عربيات كتير بتروح اى حته على الصحراوى اسأل على المكان اللى انت رايحه
عشان انا مروحتش ابو رواش قبل كده الصراحه بس انت كده تعتبر ف الكيلو 28 و قريب اوى من ابو رواش
ملحوظه : خلى المشوار ده الصبح بدرى عشان تلاقى العربيات على الدائرى موجوده
عشان كل ما الوقت بيتأخر العربيات مبتبقاش موجوده و اسألهم برضه تروح ابو رواش ازاى عشان ممكن يكون ليها طريق
غير اللى انا وصفتهولك اسهل
ربنا يبارك فيك شكرا
لازم تتأكد بس إن العربيه اللي رايحه أكتوبر هاتمشي محور مش دائري. عشان سلم الصحراوي ده على المحور
شكرا ليك ربنا يكرمك