غيرت الموتور ودى تجربتى .... شاريد 3 سلندر اتوماتيك
بعد ما حاولت اعرف اى اسعار او معلومات عن الموتور و منين اقدر اجيبه و لان المعلومات كانت شحيحة جدا قررت اعمل زيارة تحضيرية و اروح من غير اسطى و اشوف الدنيا فيها ايه
سالت سد عبد العاطى ملاقتش و سالت عند الدقاق و قالى كان عنده واحدة و باعها ب 3750 ج و طبعا فكرة موتور واحد عند تاجر دى فكرة فاشلة لان المفروض ندور ف اكتر من موتور
لحد ما وصلت اعملاق المواتير ف بورسعيد كلها العربى سلام طبعا عدد مواتير مهول من ماركات كتير عرفت سعرها 4250 ج و كان عنده ف الوقت دا حوالى 2 اوتو و 6 مانيوال قالى لما تجيب الصانيعى نتكلم ف السعر و اوريك الباقى ... يوم السبت اللى فات روحت انا و الاسطى وورانى كل اللى عنده لاقيت حوالى 6 او 8 اوتو و 10 مانيوال بدانا نتفرج و طلبنا نجرب واحد بس صوتها معجبناش زائد ان الصنايعى بتاع المحل وهو بيجربها قرص عليها ف الاول جامد و دا خلانا نقلق منها
طلبنا نجرب واحدة تانية و فعلا التانية كانت تمام .. وصلت معاه لسعر 4000 شامل عمولة التخليص ف الجمرك و قالى تعالى بعد ساعة تاخد الورق
الموتور كان ناقص راس التكييف وانا لان الموتور عجبنى متكلمتش لان كمان انا مش بشغل تكييف زائد انى عندى تكييف ف الموتور القديم
جاب الورقة المختومة و ادانى رقم تليفون اسال على رقم الصادر بعد 15 يوم و خرجنا من الجمرك بموجب الورقة دى من غير و لا جنيه
وصلنا القاهرة
الموتور مفيش اى حاجة اتفكت فيه حتى البوجيهات و سير الكاتينة بتاع الفبريكة و فيه حاجاااات متلمستش اصلا
دفيرة زى الفل و بخر ممتاز و فيها تربو و كمان بتعرق
دا رقم العربى سلام للاستفادة 01006187870
و انا جاهز لاى استفسار ف اى وقت
