السلام عليكم ورحمة الله وبركاته
عندى مشكله بقالها اسبوع
اول حاجه حصلت ان فجأه لقيت العربيه قطعت مايه ونور وانا كنت لسه مبطلها من دقايق
ولا كلاكس ولا كونتاك ولا ازاز ولا حاجه
فبصيت على البطاريه لقيتها خضراء جبت سلك وعملت شرز لقيتها كويسه
جربت تانى ولا حس ولا خبر بس القواشيط عندى كانت مملحه
روحت فاككهم وماسح جواهم وركبتهم راحت دايره تانى زى الفل مافيش حاجه
عملتها مره كمان قولت ما بدهاش اغير القواشيط
روحت جيبت اتنين جداد فى كرتونه كده ب 10 جنيه
وركتبهم من وقت ما ركبتهم والعربيه اوقات كتير بتقطع مارش خالص يعنى الكونتاك بس اللى يفتح
لكن مافيش اى صوت تانى وقفت هزيت القواشيط كتير وربط عليها اكتر لكن مافيش
دورت العربيه كذا مره زق لما طلع عينى بعد كده فى كهربائى قالى مارش عايز يتنضف
ووقفت عنده قالى العربيه مافيهاش حاجه لانه خلانى ابطل وادور كتير وكله سليم وقاس الشحن وطلع سليم
فتانى يوم الصبح عملتها معايا لقيت معايا شاكوش روحت ماسكه ومخبط على الاتوماتيك بتاع المارش وسلك الارضى لقيتها دارت وبقى ده الحل كل يوم ومش شرط الصبح لا عادى ممكن ابقى لسه مبطلها وما تدورش تانى وممكن ابقى سايبها طول الليل وتدور عادى
ايه الحل بقى كدا ؟