مشاكل و عيوب اللوجان الشكل الجديد من وجهة نظر ملاكها الفعليين و طرق حلها ان امكن
بسم الله الرحمن الرحيم
تم تجميع العيوب التى واجهت ملاك السيارة و بعض حلولها
1. الاستاذ ياسر ادريس ( اول عيب غلس جدا مكان توكة الحزام بيقرفني جدا كل ماركب العربية ومتعب )
سبب المشكلة تواجد المسند الجانبى ملتصق ف توكة الحزام مما لا يسهل من تركيب الحزا بسهولة
2. البعض اشتكى من ان الديبرياج عالى و للاسف غير مدعم بصامولة لضبطه مما يلغى فكرة او محاولة اعادة ضبط الديبرياج بما يتناسب مع بعض الاشخاص و خاصة لو حد مصاب او عنده اصابه او عنده الام ف الركبة اليسرى
3. لا يمكن فتح تنك البنزين من الداخل و يجب استخدام المفتاح لفتح التانك من وجهة نظرى و طبقا لتعليمات السلامة ف اوروبا ان قائد المسيارة يجب عليه التواجد بجوار الطلمبة و مراقبة المؤشر بنفسه
4. اثناء الركن الخلفى تواجه صعوبة ف تحديد ابعاد السيارة نظرا لان الشنطة غير واضح حدودها ف المرايات ومراية الصالون غير عملية لو ف ركاب ف المقاعد الخلفية
حلها تركيب كاميرا خلفية او حساس للركن و متوافر ف الفئات الرابعة و الخامسة
5. توجد رعشة ف عصاية الفتيس لكنها غير مؤثرة ع كفائة او جودة او ميكانيكا السيارة
6. البعض ظهرت عنده مشكلة ف تأخير الدوارة و لله الحمد بيتم حلها ف التوكيل مجانا عن طريق تحديث سوفتوير السيارة و بتختفى تلك المشكلة
7. صوت المحرك عالى و العبد لله من وجهة نظرى المتواضعة شايفها مش عيب ف السيارة فمثلا البوجاتى فيرون محركها صامت و من جهة اخرى محرك اللامبورجينى صوته هادر مثل محرك الطائرة و لكن الصوت غير مزعج ف داخل مقصورة القيادة نظرا للعزل الجيد
8. وجود الكلاكس ف زراع جانبى غير عملى لكن محتاج وقت للتعود عليه
9. البعض اشتكى من وجود تيارات هواء ساخنة اسفل الدواسات و يتم علاجها ف التوكيل عن طريق تركيب عازل لبعض المناطق مجانى
10. للاسف ف فانوس شبورة خلفى الشمال فقط يعمل و الاخر لا يعمل بالرغم من وجود اللمبة
11. لا يوجد ف السيارة انذار و غير محتمل ان ينفع يتركب انذار ف التوكيل
12. عدم المقدرة ع غلق الابواب للسيارة بالريموت و الشنطة مفتوحة
:Y_hi_3[1]:
حل مشكلة الركن و ابعاد السيارة عن طريق تركيب كاميرا رؤيا خلفية
