استفسار : فابيا اوتوماتيك 1400 سى سى

السلام عليكم
عايز اعرف سعر فابيا 1400 سى سى اوتوماتيك من اول موديل 2000
واللى معاه عربية زى دى ياريت يقولى اخبار التكييف بتاعها ايه
وشكرا

الفابيا 2000 بصراحة مشوفتش فابيا الموديل 2000 لكن شوفت 2001 وكانت هاتشباك بــ 36 الف

الفابيا 2002 كانت مع واحد صاحب وبعناها الجمعة اللى فاتت في سوق الجمعة بــ 45 ألف وحالتها كانت كويسة اوووى واشتلاي بدالها نوبيرا

وكانت 1400 سى سى و اوتوماتيك يا باشا اللى اتباعت دى ؟

عربية جميلة والدي جاب 2006 أوتوماتيك 1400 من سنة تقريبا ب62000 وكلنت عاملة 35000,تكيفها كويس ،صاجها جامد ،عفشه محترمة ،بتشم البنزين ،سحبها جميل ،عيبها حتلف على قطع غيارها ،لأنها مش منتشره زي اوكتافيا ،انما تيل وفلاتر وكده موجودين بسهولة,وانضف من الفيرنا والانوس والعك دة ،سبات جامد ،جبت بيها 150 ،مزودتش،الناس بتفتكرها اوكتافيا A4،إكشف عليها, ال 1200 cc اللي فيها مشاكل , وهي سيدان ،والشنطة واسعة بصراحة ،مشتركة مع البولو عيون في قطع غيار كتير ،هي مش رخيصة ،بس معمرة ،مش زي الكوري رخيصة ومضروبة وبتتغير كل يوم