أفضل محل بيتزا

**أبو آسر** · 25-12-2014 11:37 PM

السلام عليكم
بناء على تجاربكم مين أفضل محل بيتزا في مصر

**أبو آسر** · 26-12-2014 04:24 AM

المشاركة الأصلية كتبت بواسطة ahmed_selmy

انا عن نفسى بتعجبنى جدا بيتزا هت....ولكن
لو عايز تاكل بيتزا هت كويسه لازم تاخد بالك من مجموعة اشياء
1- متاكولش فى food court فى اى مول وخصوصا كمان لو كان زحمه
2- ابتعد عن الفروع الزحمه
3- ابتعد عن ايام الجمعه والاجازات الرسميه
4- الافضل تبعد عن الاوقات اللى فيها ضغط يعنى بلاش السعه 3 الى 5 كل يوم
وبالهنا والشفا

ممتازة النصائح دي
ياريت كل واحد بيرجح محل معين يقولنا برده نصايحه من واقع خبرته أو على الأقل سبب ترشيحه للمحل ده عن الباقيبن
أنا عن نفسي بفضل بيتزا كينج بعد تجربة بيتزا هت ودومينوز بيتزا وبابا جونز لكن برده ممكن يكون حكمي جائر لأني معتاد على الشراء من بيتزا كينج دائما ولم أشتري من بيتزا هت غير حوالي مرتين أو ثلاثة ومن دومينوز مرة واحدة ومن بابا جونز مرة واحدة أيضا لذلك لو كل واحد يقولنا أسرار الطلب من كل محل زي ما الأستاذ أحمد عمل ساعتها هنقدر نجرب كله ونطلع بأحسن اختيار
ليه أنا بسأل عن محلات البيتزا ؟ لأنها في وجهة نظري أفضل طعام فاست فود تقدر تاكله مع أقل ضرر لأنها عبارة عن "عجينة" مع بعض المكونات اللي غالبها بتكون طبيعية زي الأجبان والزيتون والطماطم وما شابه على خلاف باقي الأكل الفاست فود مثل كنتاكي أو ماكدونالدز وغيرهم بيبقى أكل غير صحي بالمرة ومليء بالكوليسترول ونقدر نقول إنه سم قاتل مع الوقت لذلك بلجأ للبيتزا في حالة إن أردت التغيير عن أكل البيت اللي لا يُعلى عليه طبعا حتى لو مكنش بنفس طعم أكل المطاعم لكن يكفي إنه صحي ومضمون

**عصير قصب** · 26-12-2014 01:04 PM

نابولى
احلى بيتزا دوقتها تجنن
لسه فاتح جديد فى مدينة نصر
وفاتح من زمان فى الرحاب

دومينوز بيتزاحلوة بردو بس جودتها قلت كتير عن زمان

بس والباقى اى كلام

**ahmad--ezzat** · 26-12-2014 02:40 PM

انا متاكد ان الاعضاء اللي بيقولوا بيتزا هت الافضل ...مدخولهاش من زمان

بيتزا هت لا تختلف عن البيتزا اللي بيعملها افران العيش

ناشفه ورقيقه واخرها 20 جنيه

انا بجيب بيتزا من محلات مش معروفه وبتبقي افضل من المحلات اللي زي هت وكينج وخلافه

**Anaslbda** · 26-12-2014 03:35 PM

بيتزا هت أسوأ بيتزا على الإطلاق والجودة لا تتفق مع القيمة السعرية خالص.
الحاجة الوحيدة الحلوة عندهم هي ال Chicken Wings فقط لا غير.

الأفضل هو دومينوز بس تكون Thin Crust.
كواليتي عالي + سعر مناسب

تجيب عرض ال 3 لارج ب 100 جنيه واحده تشيز (اجباري) وواحده تونه وواحدة بيبروني.

امتى تعرف ان البيتزا محترمة؟ لمّا ما تحتاجش كاتشب معاها :) ده معناه ان صوص البيتزا لوحده مكفّيها :)
لو حسّيت انك محتاج كاتشب مع الأكل تعرف ان البيتزا مش قد كده.

في بقى Vinny's Pizzeria في المعادي شارع تسعة بس دي عايز سبيشال أوكيجن لإنها غالية.

**عصير قصب** · 26-12-2014 07:31 PM

المشاركة الأصلية كتبت بواسطة Anaslbda

بيتزا هت أسوأ بيتزا على الإطلاق والجودة لا تتفق مع القيمة السعرية خالص.
الحاجة الوحيدة الحلوة عندهم هي ال Chicken Wings فقط لا غير.

الأفضل هو دومينوز بس تكون Thin Crust.
كواليتي عالي + سعر مناسب

تجيب عرض ال 3 لارج ب 100 جنيه واحده تشيز (اجباري) وواحده تونه وواحدة بيبروني.

امتى تعرف ان البيتزا محترمة؟ لمّا ما تحتاجش كاتشب معاها :) ده معناه ان صوص البيتزا لوحده مكفّيها :)
لو حسّيت انك محتاج كاتشب مع الأكل تعرف ان البيتزا مش قد كده.

في بقى Vinny's Pizzeria في المعادي شارع تسعة بس دي عايز سبيشال أوكيجن لإنها غالية.

انت ذويق فعلا
دومينز بيتزا جميله جدا ومميزة بس جربتها من كذا فرع مؤخرا ما عجبتنيش
وفعلا لازم نختارها thin crust

بس جرب بقى بيتزا Di Napoli
هتعجبك جدا جدا اكتر من دومينوز
وسعرها اقل كمان
بلاش الفاميلى سايز خالص

وفى Bistro
بيتزا هناك رائعه جدا جدا بردو

**memo_p910** · 26-12-2014 08:04 PM

معرفش ايه هيا أفضل بيتزا في مصر لكني عارف مين هو أسوء مطعم بيتزا في مصر اللي هو بيتزا هت الذي لا ينافسه فس السؤ اي مطعم بيتزا آخر

**mk3** · 26-12-2014 08:50 PM

شيخ العرب

مشاهدة نتائج الإستطلاع: أفضل محل بيتزا

الموضوع: أفضل محل بيتزا

LinkBack

أدوات الموضوع

عرض

أفضل محل بيتزا - انشر الموضوع فى :

-

-

-

-

المواضيع المتشابهه

استفسار عن أوكتافيا a7 أفضل ولا أسترا كوزمو تربو أفضل.

عايزين بيتزا يا ماما عفاف

2 كانز وواحد بيتزا

سيفيك سيدان تفوز بجائزة أفضل قيمة إجمالية, و أفضل إختيار آمن لعام 2010

الكلمات الدلالية لهذا الموضوع

المفضلات

المفضلات

ضوابط المشاركة