هغير النضارة

**Maun00** · 27-12-2014 06:16 PM

المشاركة الأصلية كتبت بواسطة sting_2010

ما انا بقولك لون العدسات ما طلعش زى ما كنت عاوزه .َ! بالاضافة انه خف بعد فترة .

يمكن، جرب واحد من الناس المشهورة بقى

المشاركة الأصلية كتبت بواسطة ahmed tarek 00

العدسات كبيرها اوى انتى ريفلكشن أخضر او ازرق وابعد تماما عن الفوتورجراى أو براون

انا عند ابويا نضارة راي بان قديمة هجرب اسوق بيها من غير نضارة نظر واشوف لو حلوة
بس انا مشكلتي في اني اخليها كلها شمس و نظر ان الالوان هتضرب معايا على عكس الفوتوجراي.
يعني اني اخليها شمس و نظر دي للحالات الخاصة زي السواقة و كدا بس مظنش بليل هتنفع لانها هتخليني مش شايف حاجة بالذات لو جاي في عكس ضوء و الحتة ضلمة زي حال جميع الطرق السريعة

**طارق _عبد السلام** · 27-12-2014 09:50 PM

تقريبا فيه مشكله فى نضارتك الحاليه

حاجه اسمها ويف ودى بتخلى لك مثلا عامود الاناره فى الشارع فيه حوالى 8 لمبات نازلين بزاويه .....صح

الحكايه دى حصلت لى وانا بغير النظاره طبعا لازم نظارتى تبقى انتر فلاكشن والباشا عمل العدسات عاديه بدون طبقه الانتريفلاكشن لبستها وطلعت الشارع لقيت كل اللمبات المضيئه مكرره بشكل رهيب ومش هعرف اتعامل نهائى بالنظاره دى ... رجعتها له وعمل الطبقه عليها...... وانتهى الموضوع

اما بخصزص النظاره الشمس فموجود عند اغلب محلات النظارات ممكن تختار نظاره تعجبك ويتعمل لها عدسات بمقاس نظرك وباللون اللى تحبه

**أبو آسر** · 27-12-2014 10:58 PM

أنا عندي استجماتيزم كان بيضايقني لما كنت بركب العربية وأمشي في الشمس فمكنتش بعرف ألبس نضارات شمس علشان مش بعرف أشوف كويس وأنا سايق
فعملت نضارة نظر عادية وجبتلها عدسات محترمة مع Anti-Reflection ودي كلفتني حوالي 350 جنيه للعدستين بس ، ودي للبيت أو الخروج بالليل
أما السواقة بالنهار والخروج في الشمس فجبت نضارة شمس هاي كوبي وخلعت العدسات بتاعتها وخليت المحل عملي عدسات نفس المقاس بنفس مقاس النظر بتاعي ولوّنهم أسود فاتح شوية اللي هو زي البني المحروق كده وبرده نفس التكلفة تقريبا بتاعة العدسات النظر
كده بقى عندي نضارة نظر عادية ونضارة نظر وشمس في نفس الوقت معايا في العربية لما بخرج بالنهار والحمد لله مستريح جدا على النظام ده