الموضوع: بالصور بعض المعدات التى يجب تواجدها فى سيارتك لتنقذك فى المواقف الطارئة

مع ظروف التنقل بالسيارة من مكان إلى مكان وقيادتك للسيارة لفترات طويلة وفى بعض الأحيان بتتعرض لظروف بتبقى محتاج فيها لحاجه بسيطة وتقول ياريتنى كان معايا كذا أو كذا ، فأنا جمعت شوية معدات تنقذك فى بعض الظروف الحرجة اللى ممكن تتعرض ليها وانت على الطريق، ودى عن طريق الخبرة وبعض القراءات ، والحاجات دى فيه منها ضرورى ولابد من وجوده فى سيارتك وحاجات زيادة للى بيسافر كتير بالعربية وبيروح أماكن ممكن تكون مقطوعة شوية :
المعدات اللازمة:
١- طفاية الحريق ( تكون متأكد إنها شغاله يعنى فيها التيلة الصفرا مش مكسورة أو تعملها صيانة فى بافاريا أو أحد الموزعين التابعين لها مثلاً كل سنتين).
٢- شنطة الإسعافات الأوليه.
٣- كوريك ( وتكون مجربه هل بيقدر يرفع العربية ولا مش بيطولها ومحتاج أورمه خشب تعليه بيها تبقى موجوده برضه معاك من ضمن الكوريك).
٤- مفتاح عجل وتكون مجربه على مسامير عجل عربيتك.
٥- فردة إستبن متكونش مهوية ( إتعود تقيسها وتزودها كل ماتروح تزود الأربع فرد التانيين).
٦- عدة العربية الأساسية ( مفكات ومفاتيح).
٧- جركن مياه ٥ لتر.
٨- - (٣) متر سلك كهربا.
٩- مثلث عاكس بقاعدته:


١٠- توصيلة بطارية :


١١- كشاف للإنارة بالبطاريات بتاعته:


١٢- حوالى ١٠ قفزان بلاستيك مقاسات مختلفة:


١٣- شريط دكت تاب (الرصاصى) :


١٤- جوانتى مطاط أو قماش :



١٥- بنز متعدد الإستخدام أو(ليذرمان):


١٦- مقاس كاوتش :



١٧- حبل أو حزام قطر:


١٨- كومبريسور يعمل على ولاعة السيارة:


١٩- حرمله مشمع (بالطو مشمع) للحماية من المطر:


٢٠- حذاء للمطر والطين:


** المعدات من رقم (٨) إلى رقم (٢٠) ممكن تحطهم فى شنطة هاندباج قديمه مش محتاجها.
*** المعدات من رقم (١٥) إلى رقم (٢٠) ليست ضرورية لكل الناس ولكن متروكه لصاحب السيارة حسب إستخدامه وإحتياجه بالفعل لهذه المعدات.
**** طبعاً ممكن حد يقولك الحاجات دى كتير حانحطها فين ؟؟؟
المعدات من رقم (١) إلى رقم (٩) أكيد موجودين فى كل العربيات بالفعل وباقى المعدات الزيادة ممكن تحطها فى شنطة هاندباج صغيرة ومش بياخدوا مكان كبير وكمان ممكن تحطهم فى العربية لو مسافر او رايح مشوار كبير وتشيلهم منها أثناء الإستخدام اليومى العادى للعربية فى المشاوير القصيرة - ولو بصيت على منفعتهم الكبيرة لما تتزنق حاتخلق لهم مكان .