السلام عليكم
بعد التحيه
انا عايز اعرف ضريبة الجيب شيروكى kk كام فى السنه
و هل هى بتاخد بنزين ٩٢ ولا لازم بنزين ٩٥
عرض للطباعة
السلام عليكم
بعد التحيه
انا عايز اعرف ضريبة الجيب شيروكى kk كام فى السنه
و هل هى بتاخد بنزين ٩٢ ولا لازم بنزين ٩٥
ايه يا جماعه مفيش حد بيدفع ضريبه ولا ايه!!
انا كنت عايز اعرف الجيب شيروكى موديل من 2008 الى 2014 ترخيصها كام او ضريبتها كام و هل بتمشى ببنزين ٩٢
ايه يا جماعه محدش بيرد ليه؟؟؟؟؟؟؟؟؟
مش لازم يعنى جيب kk اى عربيه فوق ٢٠٠٠ سى سى و هل الضريبه ١٪ من سعر العربيه
اي موديل ؟؟ يعنى الkk 2010 بتدفع حالياً 3000 جنيه تقريبآ وكل ما الموديل كان احدث الضريبه اعلى وبتشتغل 92 عادي
أقدر افيدك فى شيروكى 97 موتور 6 سلندر 4100cc بدفع ضريبة 1180 سنوى ونقل الملكيه حوالى 1500 جنيه وبتاخد بنزين 92 وبشوف ناس ركباها بتحط بنزين 80 ولو مافيش بيشربوها بيرة 8%:120146b
يعنى الkk موديل2008 حوالى 2000 جنيه فى السنه و بتمشى ببنزين ٩٢ !!!
و الله كويس يعنى انا ممكن اجيبها مستعمله ب200,000 و الله دى تبقى احلى من السبورتاج و الكلام ده كله
طيب اجيب رانجلر ٢٠١٠ ولا اجيب kk 2008 ؟؟؟؟؟؟
الرانجلر 2010 نفس متور الشيروكي الkk بس فى الرانجلر هتلاقى حالات افضل من الشيروكي والموديل اعلى سنتين الفكره انت استخدامك ايه؟؟ مينفعش تقول افضل من السبورتج لأن فى حالات واستخدام بيكون فى السوزوكي سويفت افضل من كل ما سبق وضح احتياجك ونفكر مع بعض ايه انسب حاجه واحنا معاك
انا عايز عربيه تكون ثابته على الاقل لحد سرعة ١٠٠
و تكون عائليه
و تكون ناعمه حتى لو بنسبة٥٠٪
شكلها شيك ( انا بالنسبه لى عجبنى شكل الرانجلر بس عيلتى مش بتحب شكلها)
الضراااااايب و ده اللى كان مخوفنى لكن طبعا بالنسبه لامكانيات العربيتين ٢٠٠٠ جنيه يعتبروا مش حاجه.
الوسع
انا مبدخلش فى صحره ولا اى حاجه لكن عندى مطبات و شوارع مكسره شويه
و ياريت ندخل فى المقارنه شيفورليه كابتيفا.
مع العلم انا معايا شيفورليه اوبترا
الـ kk بتمشى ببنزين ٩٢ عادى وكلنا ماشيين كده ومافيش مشاكل بالمرة ومحدش قال بنزين ٩٥
بالنسبة للضريبة بتاعة الرخصة لـ ٢٠٠٨ بتكون فى حدود ٢٢٠٠ او ٢٣٠٠ جنيه السنة دى وبتقل كل سنة والتأمين فى السنة فى حدود ٢٥٠ جنيه ، أنا معايا ٢٠٠٩ دفعت الرخصة السنة دى ٢٥٠٠ والتأمين ٢٦٠جنيه
كمان رسوم التسجيل فى الشهر العقارى (رسوم نقل الملكية) بقت المستورد زى التقفيل المصرى بنفس الفئة يعنى رسوم التسجيل فى الشهر العقارى ٢٠٠٨ فى حدود ٦٥٠٠ جنيه ولـ ٢٠٠٩فى حدود ٧٢٠٠ جنيه
استهلاك البنزين ف الرانجلر أو الـ kk أعلى من الكيا لسبورتاج شوف إنت طلبك إيه والجيب لازم تكون مقتنع بيها ولو حاتشترى جيب مستعمل لازم تاخد بالك كويس وتفحصها كويس جداً وده لينك موضوع عن الـ kk
http://www.nilemotors.net/Nile/448564-kk.html
وده لينك عن الرانجلر والـ kk
http://www.nilemotors.net/Nile/452305-kk-wrangler.html
بالنسبة للكابتيفا أنا ؛حأقولك على حاجه لو حاتشتريها على الزيرو ماشى لكن أنا مش حاشترى عربية ٤x٤ إستعمال غير الجيب والتويوتا اللاندكروزر وبس أى حاجه تانية إستعمال ماضمنهاش ١ كم حتى لو جابولى الخواجه كابتيفا بذات نفسه يحلفلى عالمصحف :)
نفس الرآي الكبتيفا بره النقاش نصيحه لو مش فارقه معاك دفع رباعى متشتريش جيب ﻷن دي هي ميزتها الرئيسيه غير كده خليك ف الكيا او الi35 هيونداي ودول كروس اوفر يعنى اعلى من السيدان وهم بره مصر 4x4 بس بلدك طبعآ لو نزلو فيها كده ومواتير فوق ال2000 سي سي هيعدى سعرهم البي ام والجيب فهيفشلو ....