مؤشر الحرارة عندي بيبقي علي 100 في الطرق العادية و روحت غيرت ردياتير علشان العربية كانت بتسخن والحمدلله بقت تمام بس لما اجي امشي علي طريق سفر بسرعه المؤشر بيوصل لـ 140 لازم اهدي علشان المؤشر ينزل تاني ايه الــحــــــل ؟
عرض للطباعة
مؤشر الحرارة عندي بيبقي علي 100 في الطرق العادية و روحت غيرت ردياتير علشان العربية كانت بتسخن والحمدلله بقت تمام بس لما اجي امشي علي طريق سفر بسرعه المؤشر بيوصل لـ 140 لازم اهدي علشان المؤشر ينزل تاني ايه الــحــــــل ؟
عندك مشكلة فى ترموستات كوعة المياة ؟
الطبيعى انك لما تمشى أسرع الهوا بيبرد الريدياتير أسرع والحرارة بتقل مش بتزيد
ترموستات الكوعة هيقفل دورة المياه حتى على السرعات البطيئة
بس المشكلة مع الاخ المحترم لما بيقرص على العربية فى الطرق السريعة
ممكن العربية تكون محتاج ضبط تاكيهات ولازم تكشف على العربية قبل ما المشكلة تتفاقم
الطبيعى بتاع العربية 90 درجة
بص على مبرد الزيت عشان كان مسخن العربية عندي و المية كانت دخلت على الزيت بسببه
شكرا ليكو جدا انا ان شاء الله هروح اكشف عليها بكرة
عرفنا عملت ايه و بالتوفيق ان شاء الله
لو الشكمان فيه مشكله يحصل كده
اعتقد العلبه مسدوده
تقريبا هيطلع مبرد الزيت عمرة الافتراضي ولازم يتغير
ب900 جنيه
حصلت معايا وغيرته ضبطت كل حاجه
السلام عليكم......عندما تزداد درجة الحرارة في الطرق السريعة فان الامر ينحصر في سرعة سريان المياة داخل الدورة بالكامل واحكامها...فبرجاء اذا قمت بتغيير الرادياتير وهو العغنصر الاساسي تاكد من ان المروحه تعمل بسرعتيها...وتاكد من جوان وش السلندر وده سهل انك تكشف ع البوجيهات لو لقيت اثار صدا ع البوجيه او حريق غير مكتمل لبوجيهين متتاليين...فتاكد انه جوان وش سلندر-ومش لازم يبقي فيه طحينة-اما العيب الثالث فهو مبرد الزيت......ويمكنك التاكد اذا كان توزيع الحرارة في الرادياتير متزن-يعني مش سخن في اماكن وبارد في اماكن-..وبرجاء الافدة عند الكشف وان شالله العيب سهل
م-احمد غلوش
الله ينور يا هندسة
بس ممكن توضح لنا نقطة
انا فاهم ان جوان وش السلندر ممكن يكون يسبب دخول الزيت (صاحب الضغط الاعلى الى الماء) و فى الحالة دى خواص المياه فى التبريد بتقل و تبقى مطحنة وتسببب سخونة
و الحالة التانية لجوان وش السلندر دخول المياه زى ماحضرك بتوضح لغرفة الحريق وهتسبب فى وجود اثار صدأ على البوجيهات، بس السؤال....فى الحالة دى اي هأثر دخول المياه لغرفة الحريق على تبريد الموتور و ليه هيسبب سخونة ؟
شكراً ليكو مرة تانية ان شاء الله هبقي اكشف عليها بس للأسف عندي امتحانات اليومين دوول ادعولي :) <3
لما اكشف عليها اكييد هقولكو علي الي حصل ...
السلام عليكم...وكل عام وانت بخير-اخي العزيز المهندس احمد اتمني ان تكون بخير والجميع بسلام....اسمح لي اوضح بعض النقاط ربما تكون بعيدة بس بشكل مبسط قدر الامكان.......الوقود-البنزين-هو مركب عضوي هيدروكربوني..ينتج عن احتراقه الكامل اول اكسيد الكربون وهو غاز خانق وبخار ماء---اما اول اكسيد الكربون فهو المسؤول عن الدخان الاسود في العادم واصبح مجرم دوليا في السيارات والمصانع وبذلك تم عمل منذ اكثر من عشرين سنة فكرةcatalytic converterاو مايعرف بعلبة البيئة والتي تزود بحساس الاوكسجين والذي يقوم بمعادلة اول اكسيد الكربون الي ثاني اكيد الكربون غاز عادي وشائع في البيئة......بخار الماء عندما يخرج من الشكمان يحدث له تكثيف ونجد نزول قطرات صغيرة من الماء من الشكمان وهو مايسمي-الشكمان بيعرق-وده بيدي انطباع مبسط ان الموتور مضبوط او بمعني ادق الحريق كامل وفق المعادلة الكيميائية.......طيب اذذا لم يكتمل الحريق لاي سبب(سوء حالة الحساسات او الرشاشات او البوجيهات او....)فان النتيجة تكون حريق غير مكتمل واول اكيد كربون عالي يتسبب في تلف حساس الاوكسجين وسواده وانسداد في علبة البيه----وكتم للسيارة وسخونة شديده في غرف الحريق لوجود راجع ع الغرفه...................................... ...........
احب ارد علي حضرتك...من اهم اسباب تصميم الجوان هو الحفاظ علي معامل الانضغاط داخل غرفة الحريق..ومنع تقليل عامل التمدد بين وش السلندر والبلوك والحفاظ علي ضغوط وش السلندر....عندما يتم تلف الجوان فان تسرب جزء من المياة داخل السلندر يعمل علي تقليل احتراق الوقود وخلل المعادلة..ممايسبب بخار مياه زائد نتيجة سخونة الغرفه حول شمعة البوجية فبالتالي يقلل القدرة الصادرة من نفس السلندر ونتيجة له تخرج عوادم سيئة تتلف حساس الكسجين نتيجة عادم غير مكتمل الاحتراق وكمية كبيرة من بخار الماء ويتلاحظ احيااااااااانا سقوط كمية كبيرة من الماء من الشكمان مع وجود ترتيلة مصاحبة....عملية السدد هذه بتسخن علبة البيئه وربما تصل للاحمرار مما يتسبب كماذكرت اعلي في كتم لاداء السيارة وسخونه لان السيارة ستبذل قدرة اعلي حتي تتغلب علي انسداد علبة البية.وقلة السحب..ويصاحب ذلك عادة سماع صوت الصفع داخل المحرك
من جهة اخري دخول المياة من جزء الي المحرك يتسبب في تحول جزء لبخار مردود داخل دائرة التبريد بفعل قوة كبس المحرك مزود بدرجة حرارة عالية جدا من غرفة الشتعال الي داخل دائرة التبريد نظرا لانها لم تعد محكمة وهذا يتسبب في رفع درجة الحرارة في الدائرة عن 90 وهي درجة اعتيادية في اي دائرة تبريد محكمة الي درجة اعلي متاثرة بالاحتراق وتنتقل الحرارة والغازات تباعا في اجزاء من الدائرة لتسبب سخونة عالية في المحرك وعدم انتظام لحركة المراوح
التي يعتمد حساسها علي سريان الماء بدون غازات...........................اسف للاطالة واتمني الا اكون عقدت الموضوع اكثر ولكني فضلت ان اختصر دون ان اختزل في رد صغير
م-احمدغلوش
بالاضافة الى كلام الاخوة الاعضاء المحترمين حاول تغسل وش العربية بمعنى الرداديتر + سربتنة التكييف