-
العربية بتحدف شمال
السلام عليكم
أنا معايا صني 2015 الشكل القديم و العربية بتحدف شمال علطول ,,, وأنا بسافر بيها وده خطر جدا ,
المهم ناس كتير اتكلمت عن الموضوع ده بس مش عارف وصلوا ل حل إيه
ضغط الهوا مظبوط ,, الزواية مظبوطة,, العربية عاملة 4500km ,,,,,التوكيل لا يعترف بالمشكله ,,,
رحت للتوكيل قال ضغط كوتش سبتهم ومشيت ,, قلت هيبقى موجود هنا الحل ,,,, أرجو المساعده ولو فيه توكيل يعترف بالمشكله يا ريت اعرفه ..
-
بغض النظر هل فيه عيب فى التصنيع ولا لأ ، وطالما إنك رحت التوكيل ومافادش بحاجه وكمان انت شوفت الزوايا لقيتها تمام والضغط تمام - انا حاقولك على كام حاجه انا كنت باعملهم لما بيغلب حمارى فى اى عربية :
- بدل الفردتين الاماميتين مكان بعض يعنى اليمين مكان الشمال والشمال مكان اليمين حايحصل حاجه من دول :
١- العربية حاتحدف يمين ( عكس الوضع الاول ) يبقى الفردة فيها مشكله وممكن تجرب تقلب الفردة على الجنط (يعنى تفك الفردة من الجنط وتخلى اللى بره جوه واللى جوه بره) وتركبها تانى ياتروح التوكيل يغيروا الفردة.
٢- مش حايحصل اى فرق وحاتفضل تحدف شمال يبقى الكاوتش سليم مافيهوش مشكلة وتروح التوكيل تعمللهم مشكلة وتناملهم هناك علشان يشوفوا ايه الحكاية ويحلوا المشكلة.
٣- العربية تتظبط
وإبقى طمنا
Content Relevant URLs by
vBSEO 3.6.0 PL2