الموضوع: استفسار بخصوص كربراتير فليشيا

الزميل العزيز انا كان عندي مشاكل كتيره مع الكربراتير واخر ما زهقت رحت جبت واحد استعمال سخان مياه زي اللي راكب ب 450 جنيه قعد شغال فتره كويس وبعدها هيس المهم كان عندي اتنين طلعت منهم واحد هو اللي شغال بيه دلوقت احب انبهك لحاجات تعملها الأول قبل ما تغير يمكن تكون قطع غيار بسيطة توفر عليك الأول بك السلانسيه تغيره تشيكي مش صيني ولا تركي لانهم تعبانين ومش حايظبطو معاك العربيه وسعره يمكن يكون غالي حوالي 100 جنيه الصيني ب 30 تاني حاجه طقم البكات السرعة المنخفضة مقاسه 92.5 والسرعة العاليه 120 الواحد ب 9 جنيه او اقل تالت حاجه تراجع علي العوامه متكونش مخرومه وتحتها بلف يكون سالك ومفهوش رواسب والفلتر الداخل علي الكربراتير اللي في ماسورة الدخل يكون سالك بعدها راجع علي الرداخ اللي في الكربراتير وجواناته ماتكونش بتهرب والدايفرام بتاعه سليم اللي في الكربراتير مش اللي في الموتور واستعمل منظف الكربراتيرات ebro كويس لو مشكلتك ما تحليتش ابقي هات جديد بس جرب الاول وفيه موضوع في المنتدي من اضافة الأستاذ صبحي عل الكربراتير وحله وتنظيفه بص عليه يمكن يفيدك
اسف لو كنت طولت عليك بس انا باعمل الحاجات دي بصفة دورية والحمد لله ماشي كويس وشكرا

انا جبت الكربراتير من الفراهدة في الاسكندرية من عند واحد اسمه ايمن العصافيري بس بعد ما لفيت كتير لان اغلب الموجود سخان كهربا

يعنى إيه سخان كهربا ٠٠٠٠ برجاء التوضيح