تواصل أعضاء نايل موتورز المنتدى الإجتماعي في جروب شات على WhatsApp
الفكرة دي عندي من فترة وهي إن كل واحد من أعضاء المنتدى الإجتماعي يضيف اسمه ورقمه ومدير الموقع أو المنتدى أو حد يوكل ليه جمع الأرقام ويعمل جروب شات على الواتس ويضيفنا كلنا عليه
الفكرة أعتقد جيدة جدا للأسباب دي
1- أوقات كتير بنتحط ف مواقف بتحتاج قرارات لحظية يعني مش هيكون في وقت ندخل نعمل موضوع ونستنى الكومنتات عليه
2- عدد مشاهدات أي موضوع بيرد منها أقل من 5% بس وده بيرجع بصورة لإن العضو بيكون شايف انه هياخد وقت ف وضع رد
3- اللي أنا شايفه هنا ويمكن مش موجود ف أي منتدى تاني ان احنا بنتعامل كعيلة واحدة وأغلبنا يعرف بعض وبنساعد بعضنا بدون أي مصلحة فأعتقد محدش هيبخل بإن رقمه يكون موجود مع عضو تاني من المنتدى
4- انتشار مواقع التواصل الاجتماعي واللي بقينا نضيع عليها وقت طويل جدا بدون أي استفادة وبرضه لو حد حاول يسأل عن حاجة هيلاقي ناس كتير بتفتي وهيلبس ف حيطة ف الآخر
فأعتقد الواتس آب ف إيد كل واحد وأسهل من إن الواحد يدخل الفيس يضيف استفسار
5- سهل جدا لو حد سأل عن حاجة وشاف إن عضو تاني عنده معلومات كتير عنها يضيفه أو يكلمه على طول ويعرف أكتر بدون ما كل شوية يفتكر سؤال ويوجه لنفس الشخص ف كومنت تاني أو يدخل يبعتله رساله خاصة !!
الموضوع كله إيجابيات وأنا مش شايف فيه أي سلبيات
وياريت يبقى الجروب أسئلة وإجابات فقط بدون الدخول ف أي أمور جانبية
طبعا الموضوع هيحتاج من كل عضو رأيه ويحتاج منه يقول معلوماته بعد موافقة الإدارة على الإقتراح ده وأنا أول عضو هعمل ده بعد الموافقة
ياريت الكل يشارك برأيه وبلاش سلبية ومشاهدات بدون تعليق !!