ريو 2014 .. حادثة

السلام عليكم ورحمة الله ..

قبل اي كلام اسأل الله ان يحفظنا جميعا من شر الطريق ومن تهور عباده ..

انا هحكي تجربتي مع حادثة وانا اول مرة اتحط في موقف زي ده وربنا يجعله اخر مرة وما يكتبه على حد ابدا لانه احساس صعب ..

اولا انا مش من القاهرة .. انا من المنصورة وكنت في القاهرة لمصلحة شخصية وبالمناسبة انا شاب عندي 23 سنة

انا يا حضرات معايا ريو 2014 وبتعامل معاها بحسوكة محبش اسيبها متوسخة انا اسف في الكلمة ولا بهينها في مطبات وخلافه
ويوميا بشوف نظرات من عيون بعض الناس مليانة شر ربنا يحفظكم من امثالهم ومش بس نظرات لا ده كمان كلام
على سبيل المثال ( باشا عربيتك مفيهاش خدش ) ده بيحصل معايا شبه يوميا .. وده طبعا مخليني متأكد مية في المية ان الحادثة اللي حصلتلي بسبب عين واحد ربنا يسامحه بعد قضاء ربنا

المهم احكيلكم الحادثة اللي فعلا غريبة
اول حاجة كده اتخبطت وهي راكنة او بمعنى ادق وانا بركن
في مدينة نصر قدام مول سيتي سنتر بالظبط من 14 يوم تقريبا
الشارع كان فاضي
وولد عنده 18 سنة طااااااااااااااير بسبيرانزا 516
بيسابق مع واحد صاحبه ( على حسب كلام اتنين شافوا الحادثة وعرفوني )

انا مش هقول العربية حصلها ايه
شوفوا الصور

http://nileup.com/up/uploads/nilemotors_14196993431.jpg

http://nileup.com/up/uploads/nilemotors_14196993442.jpg

http://nileup.com/up/uploads/nilemotors_14196993443.jpg

http://nileup.com/up/uploads/nilemotors_14196993444.jpg

وطلبت ونش شال العربية للتوكيل في العبور
ودي ورقة بقطع الغيار المطلوبة واسعارها من المهندس حسن من التوكيل
http://nileup.com/up/uploads/nilemotors_14196993445.jpg

ووالد الكابتن اللي خبطلي العربية الصراحة راجل محترم ومشكور على موقفه انه قالي هدفعلك فلوس التصليح اللي هي 27 الف !
دفع مقدم تحت الحساب يومها ولسه الباقي ان شاءالله
انا مش هتكلم على تهور الــ ... اللي خبطلي العربية اكيد كل واحد عارف ده يتقال عنه ايه .. انا عملتله محضر اثبات حالة
بس كل اللي هقوله انه لاقي اللي يدفعله فمش هامه حاجة
بس لو جت في روح بني ادم والده مش هيعرف يعمله حاجة
خصوصا ان في بنت كانت هتروح في الحادثة دي على حسب كلام ناس بردو شافوا الحادثة .. ربنا ستر الحمدلله

والصراحة رغم اللخبطة اللي كنت فيها لكن عجبني موقف الناس معايا انهم ع الاقل واسوني بكلمة .. المصريين لسه فيهم خير
وبالمناسبة يا جماعة لما حد يشوف عربية حلوة حتى لو قديمة قول ما شاء الله مش هتخسر حاجة دي كلمة جميلة وهتخليك تحس بالامل انك ممكن يبقى عندك زيها .. ربنا كبير وكريم وممكن يرزقك في اي لحظة باللي احسن من اللي انت شايفه

شكرا واسف اني طولت وقدر الله وما شاء فعل

الحمد لله
قدر الله وما شاء فعل
أنا والدي توفي نتيجة اتنين بيتسابقوا في طريق داخل البلد بكل رعونه واستهتار ولغاية دلوقت بعد 3 سنين محدش فيهم اتحاسب
ربنا يرحمه

اقتباس:

---

المشاركة الأصلية كتبت بواسطة memo_p910

الحمد لله
قدر الله وما شاء فعل
أنا والدي توفي نتيجة اتنين بيتسابقوا في طريق داخل البلد بكل رعونه واستهتار ولغاية دلوقت بعد 3 سنين محدش فيهم اتحاسب
ربنا يرحمه

---

مصيبة حضرتك اكبر كتير من مصيبتي دي قدر الله وما شاء فعل
الله يرحمه ويدخل فسيح جناته يارب
وهو ده اللي بقوله لو في العربية تتعوض لكن في الروح دي تمنها غالي اوي خصوصا لو باستهتار شوية عيال .. ربنا يسترها علينا ويهدينا

قدر الله وما شاء فعل والحمد لله انا عارف الاحساس اللى حضرتك كنت فيه خاصة انى زيك بخاف على العربية ومهتم بيها جدا

قدر الله وما شاء فعل
والحمدلله انك بخير

اقتباس:

---

المشاركة الأصلية كتبت بواسطة ahmedelrayan

قدر الله وما شاء فعل والحمد لله انا عارف الاحساس اللى حضرتك كنت فيه خاصة انى زيك بخاف على العربية ومهتم بيها جدا

---

الحمدلله
وربنا يحفظهالك يارب ويبعد عنك عيون و كلام الناس اللي حضرتك عارفه عشان كتر اوي وبقا بيتقال عيني عينك وبكل بجاحة

اقتباس:

---

المشاركة الأصلية كتبت بواسطة MR A7MED

قدر الله وما شاء فعل
والحمدلله انك بخير

---

الحمدلله الف مرة

والله الواحد مش عارف يقول ايه انت ملكش زنب و ربنا يعوض عليك و الحمد لله على كده و العين ديه للاسف الشديد نتيجة ان الناس فاضية و مورهاش حاجة غير النظر الى الاخرين و رضو بالتواكل على الله و عاملين زى تنابلت السلطان بره الناس مش فاضية تبوص على بعض زينا للاسف

اقتباس:

---

المشاركة الأصلية كتبت بواسطة aymanshebl

والله الواحد مش عارف يقول ايه انت ملكش زنب و ربنا يعوض عليك و الحمد لله على كده و العين ديه للاسف الشديد نتيجة ان الناس فاضية و مورهاش حاجة غير النظر الى الاخرين و رضو بالتواكل على الله و عاملين زى تنابلت السلطان بره الناس مش فاضية تبوص على بعض زينا للاسف

---

والله فعلا العين ده بقت ملازمة كل واحد ماشي في الشارع بعربية ولا حتى من غير ولازم هيلاقوا اللي يبصولك فيه ان كانت عربية ولا لبس محترم ولا حتى وظيفة كويسة ربنا رزقك بيها
الحمدلله ,, وربنا يحفظنا من شرور الناس دي

حمدلله على سلامتك يا احمد باشا وربنا يكفينا شر العين .
الجنط ازاي بقى كدا بحاول افهم الحادثة جت ازاي يعني وانتا بتركن ودا بيتسابق في منطقة للباركينج ولا ايه نظامه !!!

الله يسلمك يا باشا تسلملي
حضرتك النجم ده كان ماشي مش اقل من 100 كيلو والله اعلم ..

انا كنت بركن لسه ولقيت العربية حصل فيها كده ملمحتوش من اساسه ومعرفش كان في دماغ سيادته ايه حب يعمل غرزه ولا ايه نظامه وده كان في شارع مكرم عبيد قدام مول سيتي سنتر قبل ما يدخل على طريق النصر على طول يعني اصلا لازم يهدي عشان يعرف يكسر ويدخل الشارع بس تقريبا فاكر نفسه راكب بورش هياخد يمين هتيجي معاه

أيه ده ؟؟ بسم الله ماشاء الله الإكصدام مفيهوش ولا خدشة :shine[1]:
متزعلش أنا بس حبيت أضحكك وأخليك تفك شوية

بس مش عارف أقولك ايه والله .. أنا دمى محروقلك
بس برده إحمد ربنا إنها جت على أد كده .. وإحمد ربنا بردو إنك عرفت اللى عملها واللى رضى يصلح ما أتلفه
ده أحسن ماتنزل من البيت وتلاقيها مخبوطة ومتعرفش مين اللى خبطها
قضاء أخف من قضاء
بس هوه حضرتك مش مأمن عليها ؟؟؟

اقتباس:

---

المشاركة الأصلية كتبت بواسطة abo.moazz

أيه ده ؟؟ بسم الله ماشاء الله الإكصدام مفيهوش ولا خدشة :shine[1]:
متزعلش أنا بس حبيت أضحكك وأخليك تفك شوية

بس مش عارف أقولك ايه والله .. أنا دمى محروقلك
بس برده إحمد ربنا إنها جت على أد كده .. وإحمد ربنا بردو إنك عرفت اللى عملها واللى رضى يصلح ما أتلفه
ده أحسن ماتنزل من البيت وتلاقيها مخبوطة ومتعرفش مين اللى خبطها
قضاء أخف من قضاء
بس هوه حضرتك مش مأمن عليها ؟؟؟

---

ههههه يا باشا براحتك

والحمدلله والله انا قولت نفس كلام حضرتك وبحمد ربنا انها جت على أد كده احسن ما كانت تيجي في حد
وللاسف مش مأمن عليها

قدر الله وما شاء فعل و ربنا ستر على قد كده - بس قطع الغيار غالية قوى يعنى القنطرة الخلفية ب 3830 جنيه - هيه دى اسعار التوكيل ؟

الحمد لله
قدر الله وما شاء فعل يا حماده
انا برده لسه عامل حادثة من 4 ايام فى التجمع .. الحمد لله

قدر الله و ما شاء فعل و ربنا يخلف عليك بالحلال و زى ما بيقولو اللى يجى ف الصاج مش مشكله المهم انك بخير
انا العربيه اتخبطت برضه بسبب الناس المقرفه دى و من ساعتها سايب الخبطه يمكن تقلل العين و حتى مبقتش امسح
العربيه و اسيبها متربه كتير يمكن الناس تحل عنى شويه

اقتباس:

---

المشاركة الأصلية كتبت بواسطة safwat1100

قدر الله و ما شاء فعل و ربنا يخلف عليك بالحلال و زى ما بيقولو اللى يجى ف الصاج مش مشكله المهم انك بخير
انا العربيه اتخبطت برضه بسبب الناس المقرفه دى و من ساعتها سايب الخبطه يمكن تقلل العين و حتى مبقتش امسح
العربيه و اسيبها متربه كتير يمكن الناس تحل عنى شويه

---

الحمدلله فعلا وان شاء الله خير وربنا يسترها مع حضرتك والله

اقتباس:

---

المشاركة الأصلية كتبت بواسطة mohab555

الحمد لله
قدر الله وما شاء فعل يا حماده
انا برده لسه عامل حادثة من 4 ايام فى التجمع .. الحمد لله

---

الحمدلله يا مهاب باشا يسلملي زوقك وقدر الله وما شاء فعل ربنا يسترها معاك ومعانا كلنا يارب

اقتباس:

---

المشاركة الأصلية كتبت بواسطة دكتور خالد

قدر الله وما شاء فعل و ربنا ستر على قد كده - بس قطع الغيار غالية قوى يعنى القنطرة الخلفية ب 3830 جنيه - هيه دى اسعار التوكيل ؟

---

الحمدلله خير
اه دي الاسعار من التوكيل وغالية فعلا معرفش ليه كده

قدر الله وما شاء فعل

الحمدلله انك سليم وربنا يخلف عليك بالخير وترجع زى الاول واحسن أما بالنسبة لمسألة السواقة بغشومية فادة انتشر اوى بخلاف عين او غيرة وياريت الخبطك يتحبس ..

قدر الله ما شاء فعل
قلبى معاك والله علشان جربت الموقف ده قبل كده
بس الحمد لله ملقتش اللى يشيل مصاريف ولا اى حاجه والمقايسه فى التوكيل كانت 15 الف رغم ان الخبطه عندى كانت اقوى من كده بكتير

الحمد لله على كل حال وربنا يحفظنا من العين

اقتباس:

---

المشاركة الأصلية كتبت بواسطة ahmed tarek 00

قدر الله وما شاء فعل

---

الحمدلله

اقتباس:

---

المشاركة الأصلية كتبت بواسطة mohamed.ramah

الحمدلله انك سليم وربنا يخلف عليك بالخير وترجع زى الاول واحسن أما بالنسبة لمسألة السواقة بغشومية فادة انتشر اوى بخلاف عين او غيرة وياريت الخبطك يتحبس ..

---

الحمدلله والشكرلله خير والف خير وتتعوض العربية وان شاء الله هتتصلح خلاص وهستلمها كمان يوم بإذن الله

اقتباس:

---

المشاركة الأصلية كتبت بواسطة j a g u a r

قدر الله ما شاء فعل
قلبى معاك والله علشان جربت الموقف ده قبل كده
بس الحمد لله ملقتش اللى يشيل مصاريف ولا اى حاجه والمقايسه فى التوكيل كانت 15 الف رغم ان الخبطه عندى كانت اقوى من كده بكتير
تسلملي يا باشا ربنا يخليك و ربنا ما يكتبها عليك تاني ابدا .. الحمدلله على كل حال

الحمد لله على كل حال وربنا يحفظنا من العين

---

تسلملي يا باشا ربنا يخليك وربنا ما يكتبها عليك ابدا .. الحمدلله

اولا ربنا يعوضك ويستر طريقك من كل شر
بس من بعد الموقف ده وشوفت الاسعار مغيرتش فكرتك في السياره
بمعني ده جزء من العربيه واتكلف المبلغ ده طيب لو لقدر الله كنت انت السبب كنت هتدفع المبلغ ده

قدر الله وماشاء فعل والحمد لله ان حضرتك بخير ، العين مش سايبه حد في حاله أخوك باردو من المنصوره بس مقيم في جنوب سينا واتمني لما آجي المنصوره ابقي اتشرف بمعرفة حضرتك

اقتباس:

---

المشاركة الأصلية كتبت بواسطة medo_sirion

اولا ربنا يعوضك ويستر طريقك من كل شر
بس من بعد الموقف ده وشوفت الاسعار مغيرتش فكرتك في السياره
بمعني ده جزء من العربيه واتكلف المبلغ ده لو لقدر الله كنت انت السبب كنت هتدفع المبلغ ده

---

اعذرني مش فاهم قصد حضرتك بإني غيرت فكرتي في العربية
وطبيعي كل واحد بيغلط بيتحمل نتيجة غلطه .. الحمدلله

اقتباس:

---

المشاركة الأصلية كتبت بواسطة ahmedz310

قدر الله وماشاء فعل والحمد لله ان حضرتك بخير ، العين مش سايبه حد في حاله أخوك باردو من المنصوره بس مقيم في جنوب سينا واتمني لما آجي المنصوره ابقي اتشرف بمعرفة حضرتك

---

الحمدلله .. وطبعا اتشرف بمعرفة حضرتك والله ده شرف ليا اكيد

قدر الله و ما شاء فعل باذن الله ترجع احسن من الاول و ربنا يحفظنا ويحفظك من العين و الله انا مش عارف ليه الناس بقت بتكره لبعض الخير كده !!
والله اي عربية بيشوفها في الشارع بقول "اللهم بارك له فيها و اره خيرها ولا تره شرها و ارزقني خيرا منها" افتكر انك تدعيله و تطلب من ربنا اللي رزقه انه يرزقك احسن الف مرة من انك تحقد عليه !! .. متزعلش لعله خير و تكون شالت عنك اذي اكبر ربنا كريم و ان شاء الله ترجع احسن من الاول
جايز مقبلتكش شخصيا بس و الله زعلتلك كانها عربيتي يا راجل ده انا جيبت الريو من كلامك عنها انت اللي حببتني فيها ان شاء الله تطمنا عليها قريب

قد الله ومشاء فعل والحمد الله انك بخير
والله لسه عربيتى مخبوطه من يومين واحد الله يباركلو كل اما يشوف عربيتى تتخبط
كنت ركبها رجها لقتها مخبوطه بس
بس الواحد فى الاخر بيقول اكيد ربنا شال حاجه اوحش كانت ممكن تحصل

انا اقصد هل اسعار قطع الغيار غاليه علي فءه ونوع السياره

لا حول ولا قوة الا بالله .. والله زعلتني يااستاذ احمد

الحمد لله انك بخير

لا حول ولا قوة إلا بالله ..... قدر الله وماشاء فعل يابو حميد ..... معلش والله انا بقالي كتير مبدخلش على المنتدى لظروف الشغل اي نعم انا معرفكش شخصيا بس بشوف تعليقاتك ونصايحك للمنتدى هنا واحترامك مع الناس كلها وعاوز افكرك بس ان الحصل ده ربنا منع عنك بيه اذى تاني اكبر من كده والحمدلله انها جت على قد كده وانك مش هتدفع حاجه وان شاء الله العربيه هترجع زي الاول بدل هتتعمل في التوكيل ...... وبالنسبه للناس اللي بتقول قطع الغيار غاليه .... اااه طبعا غاليه عشان دي اسعار توكيل بس الكلام ده كله يتعمل طبعا باقل من التمن والانصاص مرميه في الحرفين مش لاقين حد يشتريها ..... نصيحتي ليك بقه انك تطلع حاجه لله كل شهر ولو مبلغ قليل لان الصدقه دي علاج سحري لكل عين وكل داء ...... ااااه نسيت اقوللك عربيتك لو سيدان كنت لقطت منك كام حاجه كده بس خلاص بقه مش مشكله .... شوف بشمهندس مهاب لو محتاج حاجه .....

اقتباس:

---

المشاركة الأصلية كتبت بواسطة a7medalaa

قدر الله و ما شاء فعل باذن الله ترجع احسن من الاول و ربنا يحفظنا ويحفظك من العين و الله انا مش عارف ليه الناس بقت بتكره لبعض الخير كده !!
والله اي عربية بيشوفها في الشارع بقول "اللهم بارك له فيها و اره خيرها ولا تره شرها و ارزقني خيرا منها" افتكر انك تدعيله و تطلب من ربنا اللي رزقه انه يرزقك احسن الف مرة من انك تحقد عليه !! .. متزعلش لعله خير و تكون شالت عنك اذي اكبر ربنا كريم و ان شاء الله ترجع احسن من الاول
جايز مقبلتكش شخصيا بس و الله زعلتلك كانها عربيتي يا راجل ده انا جيبت الريو من كلامك عنها انت اللي حببتني فيها ان شاء الله تطمنا عليها قريب

---

والله انا اتشرف بمعرفة حضرتك ويشرفني كمان اني اكون سبب في استفادتك من تعليق ليا في المنتدى
والحمدلله على كل حال وقضا اخف من قضا .. شكرا يا فندم على زوقك

اقتباس:

---

المشاركة الأصلية كتبت بواسطة axi0m

قد الله ومشاء فعل والحمد الله انك بخير
والله لسه عربيتى مخبوطه من يومين واحد الله يباركلو كل اما يشوف عربيتى تتخبط
كنت ركبها رجها لقتها مخبوطه بس
بس الواحد فى الاخر بيقول اكيد ربنا شال حاجه اوحش كانت ممكن تحصل

---

الحمدلله وربنا يحفظلك عربيتك وابعد عربيتك عن الراجل اللي حاطك في دماغه ده العين وحشة والله انا مجرب اكتر من مرة والكلام عيني عينك

اقتباس:

---

المشاركة الأصلية كتبت بواسطة medo_sirion

انا اقصد هل اسعار قطع الغيار غاليه علي فءه ونوع السياره

---

قطع الغيار فعلا حاسس انها غالية على الريو شوية
بس الصراحة سعر العربيات كلها وقطع غيار بقت نار مش فاهم ليه .. واكيد عشان توكيل بيفرق في السعر جامد

اقتباس:

---

المشاركة الأصلية كتبت بواسطة eng f3lix

لا حول ولا قوة الا بالله .. والله زعلتني يااستاذ احمد

الحمد لله انك بخير

---

والله خير الحمدلله .. ربنا يحفظك ويحفظنا جميعا

اقتباس:

---

المشاركة الأصلية كتبت بواسطة prooo

لا حول ولا قوة إلا بالله ..... قدر الله وماشاء فعل يابو حميد ..... معلش والله انا بقالي كتير مبدخلش على المنتدى لظروف الشغل اي نعم انا معرفكش شخصيا بس بشوف تعليقاتك ونصايحك للمنتدى هنا واحترامك مع الناس كلها وعاوز افكرك بس ان الحصل ده ربنا منع عنك بيه اذى تاني اكبر من كده والحمدلله انها جت على قد كده وانك مش هتدفع حاجه وان شاء الله العربيه هترجع زي الاول بدل هتتعمل في التوكيل ...... وبالنسبه للناس اللي بتقول قطع الغيار غاليه .... اااه طبعا غاليه عشان دي اسعار توكيل بس الكلام ده كله يتعمل طبعا باقل من التمن والانصاص مرميه في الحرفين مش لاقين حد يشتريها ..... نصيحتي ليك بقه انك تطلع حاجه لله كل شهر ولو مبلغ قليل لان الصدقه دي علاج سحري لكل عين وكل داء ...... ااااه نسيت اقوللك عربيتك لو سيدان كنت لقطت منك كام حاجه كده بس خلاص بقه مش مشكله .... شوف بشمهندس مهاب لو محتاج حاجه .....

---

اكيد طبعا قضا اخف من قضا والحمدلله انها جت على أد كده الحمدلله
ولو على الصدقة فربنا عالم الواح بيعمل ايه .. الحمدلله وربنا يحفظلك عربيتك يارب ويبعد عنها العين
وانا اتشرف بمعرفة حضرتك واعذروني لو مدخلتش من زمان بس اتشغلت شوية
و اي حد محتاج حاجة انا موجود ان شاء الله سواء حضرتك او استاذ مهاب او اي حد من منتدانا المحترم

ايه الاخبار يا احمد ؟؟ عملت ايه فى العربيه لحد دلوقتى ووصلت فيها لايه طمنا عليك ؟؟

ربنا ما يكتب عليك الموقف ده تاني
وتطمنا خلص تصليح العربية ؟