عرض للطباعة
يا رجالة انا عايز استشيركو فى حاجة
انا كنت عايز اشترى سيفيك 93
فكنت عايز اعرف ايه مميزاته و ايه عيوبها
و قطع غيارها ايه نظامها غالية ولا رخيصة و عايز امثلة
و لو العربية حتتشد حلو حيكون فى حدود كام و بالنسبة للكماليات الى ممكن تتجاب للعربية حتكون غالية و لا ايه و فى حدود كام و لو اوتماتيك حيكون الاوتماتيك كويس ولا بايظ عشان بقالو كتير
و يارت اى حد شايف ملحوظة يقولى عليها
و شكرا مقدما يا رجالة
بسم اللهاقتباس:
يا رجالة انا عايز استشيركو فى حاجة
انا كنت عايز اشترى سيفيك 93
فكنت عايز اعرف ايه مميزاته و ايه عيوبها
و قطع غيارها ايه نظامها غالية ولا رخيصة و عايز امثلة
و لو العربية حتتشد حلو حيكون فى حدود كام و بالنسبة للكماليات الى ممكن تتجاب للعربية حتكون غالية و لا ايه و فى حدود كام و لو اوتماتيك حيكون الاوتماتيك كويس ولا بايظ عشان بقالو كتير
و يارت اى حد شايف ملحوظة يقولى عليها
و شكرا مقدما يا رجالة
اولاً اهلا بيك
ثانيا
مميزات الهوندا سيفيك 93 ( 92 - 94 ) بشكل عام
اولا عشان حضرتك تبقى عارف هى فى منها موديلين منتشرين Ex و Si
الـ Ex
1500 سىسى , كربراتير , اغلب الموجود فى مصر اوتوماتيك
كماليات الموديل دة ( باور , تكييف , سنتر , 4 زجاج كهربائى , مرايات كهرباء )
الـ Si
1600 سىسى , انجكشن , اغلب الموجود برضو اوتوماتيك
كماليات الموديل دة ( نفس ال Ex ويزيد فتحة سقف )
وفى موديلات تانية El و Dx بس دى كانت بتبقى جاية مع ناس من برة تقريبا وهى نادرة جداً
مميزات العربية بقى :
قوية و بتستحمل جامد جداً , عن تجارب طبعاً والحمد لله
بتجرى ولو الموتور مظبوط بتبقى طيارة بالنسبة لإنها موديل 92
الثبات كويس جداً فى الموديلات اللى عن طريق الوكيل
فى منها عربيات قليلة خليجى , ثباتها افضل لإنها اقل ارتفاعاً
عيوب العربية دى :
الارتفاع , بمشى بعرض المطب :d عشان متحكش منى مش بتلته بس
بالنسبة لى مفيش عيوب تانية
---
بالنسبة لو عايز تشدها , على حسب إنت عايز تعمل إية بالظبط , قوللى وهقولك التكلفة بالتقريب إن شاء الله
اما الكماليات ينفع لها أى كماليات إن شاء الله
---
اما بالنسبة للفتيس الاوتوماتيك , متقلقش منة
بس اهم حاجة , تكشف علية عند ميكانيكى بيشتغل فى الاوتوماتيك
وياسلام لو بيشتغل فى الهوندا
أو تريح دماغك وتروح مركز صيانة الفتيس الأوتوماتيك , وهم اللى يقولوا إية حالة الفتيس , انما فى الغالب بيبقى كويس , بس برضو اكشف علية.
--
قطع الغيار انا كاتبها فى موضوع لوحدة
واهلا بيك
ولو فى اى سؤال إتفضل
شوف يا سيدي انا معايا نفس الموديل دة واوتوماتيك
عربية جميلة وسحبها حلو وثابتة جدا
بالنسبة لقطع غيارها معقولة جدا جدا جدا
اذ ما قورنت بمثيلاتها
اما من العيوب الارتفاع عن الارض
ليس اي ميكانيكي عندة المقدرة لصيانتها
اهم حاجة حالة العربية اللي انت شفتها
انا بس كنت عايز اعرف لما ارسى على عربية حلوة اروح اكشف عليها فين و فين كمان اكشف على الفتيس الاوتماتيكاقتباس:
المشاركة الأصلية كتبت بواسطة Shocky
و كمان انا مبفهمش فى العربيات
فممكن تقولى على ميكانيكى او سمكرى مثلا اخده معايا لما عربية تعجبنى يكشفلى عليها
و كمان يا ريت تقولى لو فى اماكن بيبيعو فيها الهوندا ال92:94 عشان اروح اتفرج لانى لسه مرستش على عربية
و كمان كنت عايز اسأل هل يوجد ميكانيكية هوندا كويسين فى القاهرة و كل القطع الغيار متوفرة ولا هاشتريها و احتاس بيها و خصوصا ان خبرتى فى السيارات صفر
و كمان انا ميزانيتى 50 الف مستحيل اتخطاهم
فممكن اوقع عربية حلوة مثلا ب46او 47 و بالباقى انظفها بيهم
بسم الله الرحمن الرحيماقتباس:
انا بس كنت عايز اعرف لما ارسى على عربية حلوة اروح اكشف عليها فين و فين كمان اكشف على الفتيس الاوتماتيك
و كمان انا مبفهمش فى العربيات
فممكن تقولى على ميكانيكى او سمكرى مثلا اخده معايا لما عربية تعجبنى يكشفلى عليها
و كمان يا ريت تقولى لو فى اماكن بيبيعو فيها الهوندا ال92:94 عشان اروح اتفرج لانى لسه مرستش على عربية
و كمان كنت عايز اسأل هل يوجد ميكانيكية هوندا كويسين فى القاهرة و كل القطع الغيار متوفرة ولا هاشتريها و احتاس بيها و خصوصا ان خبرتى فى السيارات صفر
و كمان انا ميزانيتى 50 الف مستحيل اتخطاهم
فممكن اوقع عربية حلوة مثلا ب46او 47 و بالباقى انظفها بيهم
اسف لتأخرى فى الرد
لما ترسى على عربية و تعجبك إن شاء الله , هتكشف عليها عند أى ميكانيكى هوندا
والرابط دة الأخوة موضحين فية عناوين ميكانيكة كتير جداً متخصصين فى الهوندا
http://www.nilemotors.net/Nile/showthread.php?t=1645
---
بالنسبة للفتيس الأوتوماتيك
انا اعرف مركز محترم متخصص فى الفتيس الأوتوماتيك
وتخصصة أصلاً فى الهوندا و التويوتا و النيسان الأوتوماتيك
انا مش عارف اسم الشارع بالظبط
هو بعد إشارة روكسى , وانت ماشى فى جسر السويس
تعدى الإشارة وتدخل تانى شارع يمين وبإذن الله هتلاقية على شمالك فى منتصف الشارع
أو تدخل من ناحية سنترال القبة يبقى على يمينك وتكمل شوية ادام وتدخل شمال هتلاقية بإذن الله
---
بالنسبة للكشف حضرتك تشوف اقرب ميكانيكى لبيتك من اللى فى الموضوع اللى فوق, وتحاول تاخدة معاك يبص عليها , أو لو عجبتك عربية كلم صاحبها مثلا انك تروح انت وهو للميكانيكى لو قريب
وتكشفوا عليها
---
اما موضوع اماكن بيع الهوندا
بص فى الوسيط وشوف واحدة مناسبة لإحتياجاتك وإتصل بصاحبها واعرف منة لو فيها حاجة , وشوف معاه فى التليفون سعر مبدأى برضو عشان لو عجبك السعر تروح تتفرج , بدل ما تروح مشوار ع الفاضى
عندك برضو مواقع ع النت
http://www.car100100.com
فى الموقع دة ادخل على قسم الهوندا شوف , هتلاقى عربيات كتير اوى
http://www.contactcars.com
فى الموقع دة ادخل على قسم سيارات مستعملة
واختار هوندا وهتلاقى عربيات ليها صور وعربيات ملهاش
---
بالنسبة لسؤالك عن ميكانيكية هوندا فى القاهرة
فى الحرفيين موجود
وفى اماكن كتير فى القاهرة موجود برضو فى المطرية و تقريبا فى حدائق القبة بس مش فاكر مكانة تحديداً
وفى ميكانيكى انا لسة هروحلة هو فى المطرية , لسة واخد عنوانة من اخوة
اخوة هو "محمد حفنى " موزع معتمد لقطع غيار الهوندا
وعندة حاجات الهوندا كلها بإذن الله
متقلقش من قطع الغيار
ولو طلع ميكانيكى كويس بإذن الله هقولك عنوانة , لعل وعسى تتابع معاه بإذن الله
---
مبلغ 50 الف كويس جداً , متقلقش ومش هتتخطاهم بإذن الله
طالما بتدور على EX
ممكن تعملها من اول 45 لحد 48 او 50 بالكتير لو مفيش زيها يعنى
اهم حاجة العربية تكون نضيفة , نضيفة , نضيفة
عشان متتعبش فى الصرف عليها
لو جبت عربية نضيفة , هتبقى محتاج نظرة بس على الحاجات دى
سير كاتينة ( يستحسن يتغير وتجيب اليابانى بتاعها هيمشيك 100 الف كيلو بإذن الله )
وتشوف الزيوت فى بنزينة محترمة , خليهم يكشفولك على الزيوت و السوائل كلها
زيت موتور , زيت فتيس , زيت فرامل , زيت باور , مياة رادياتير
كاوتش , وبطارية , على حسب لو جداد يبقى كويس اوى ومتغيرهمش
------------
ولو فى اى سؤال إتفضل , ومعلش طولت عليك بقى
سلام عليكم
الأخوة الهونداوية الاعزاء Shocky & Ahmedcivic قالوا كل حاجة عنها مشكورين و اضم صوتي ليهم انها عربية اكثر من رائعة و مستحيل تلاقي عربية بالجمال و السرعة و الثبات و الشياكة و توفير البنزين (270~280 كيلو في الصفيحة بدون تكييف) و قطع الغيار المعمرة بالسعر داكنت شفت اعلان عربية Si في الوسيط في المنصورة من كام اسبوع و كلمته - من كلامة العربية كويسة و فيها جنوط 16 و كاسيت DVD (ب 3500 جنية تقريبا) و مهتم بيها و بيتكلم في خمسينات دا تليفونة 0100010129 مش فاكر اسمة للاسف وهو ظابط في الحرس الجامعي لو اقتنعت بيها هاتها و تعالي بورسعيد اوديك لرئيس قسم الهوندا في بورسعيد (على رأي الاستاذ محمد الشامي:) حافظ الهوندا مسمار مسمار و الميزة انو عارف قطع الغيار الاستعمال الياباني من الامريكي من الاوربي ;)من رأيي لو انت لقيت عربية بجد كويسة و هتحتفظ بيها يبقى مش مشكلة تدفع الفين او تاتة زيادة بدل ماتجيب حالة نص نص و تدفع نفس المبلغ في صيانة و برضة ممكن متعرفش توصلها لنفس حالة النضيف
خالد باشا
مساء الفل
لو رجع بيا الزمن 10 سنين و الله ماكنت اجيب غير ال Si
لكن قدر الله وما شاء فعل
اقتباس:
المشاركة الأصلية كتبت بواسطة Khalid Shalabi
محمد ربنا يباركلك في جميلة الجميلات ال EXi و الخطوة الجاية ان شاء الله ال Mugan RRاقتباس:
المشاركة الأصلية كتبت بواسطة mshamy