استفسار عن أفضل طريق من العبور للدقي

**أبو آسر** · 28-12-2014 07:28 PM

المشاركة الأصلية كتبت بواسطة mohamed_selim

اقرب محطه ليك مانا قايلك فى المرج .... او لو حابب تلبس زحمة مدخل القاهره فهى كلية البنات فعلا

على أساس ان المرج فاضية يعني والطريق حلاوة :d
أعتقد مصر الجديدة هتكون أأمن وأفضل من المرج حتى لو زحمة شوية في بعض المناطق

**أبو آسر** · 29-12-2014 02:06 AM

المشاركة الأصلية كتبت بواسطة mohamed_selim

معرفش بالظبط الدنيا للمرج عامله ازاى بس اللى سمعت عنه ان من العبور فى طريق داخلى للسلام و منه للمرج و اكيد كان قصدى مواصلات مش بالعربيه
اللى متاكد منه ان مشوار مصر الجديده الساعه ٤ ٣٠ لحد كلية البنات تقريبا نص مشوارك للدقى !

لأ مش للدرجة دي طبعا أنا بروح مصر الجديدة علطول هي الزحمة كلها في شارع الحجاز وأحيانا عبد الحميد بدوي عند نادي الشمس بس المسافة مش بعيدة أوي
لكن اللي دلك على تخريمة السلام والمرج والطريق ده أكيد واحد بيعزك أوي ونفسه يشوفك متقلب سواء في عربيتك أو في حاجتك لو راكب مواصلات :d
يا راجل ربنا يعافينا من الطرق دي ده الواحد يلف مصر كلها من فوق لتحت ولا يمشي في الطرق دي ربنا يستر طرقنا جميعا

**kazamodia** · 29-12-2014 03:41 PM

يا باشا احسن طريق العبور محور الشاذلي الدائري طريق السويس وتكمل على طول طريق السويس مفيهوش زحمة اوي وتدخل شارع الثورة تلف من فوق النفق في اول يمين شارع الميرغني هتلاقي كلية البنات على شمالك دور بقا على ركنة والسكة دي عموما بتبقى سالكة انا بعمل كده يوميا وانا رايح الكلية بس بطلع من الرحاب وبتختصر لي وقت رهيب واامن واريح من العربية بكتير ومترو مصر الجديدة ده فسحة لوحده دنا عمري ما ركبته ووقفت فيه

**أبو آسر** · 30-12-2014 04:19 AM

المشاركة الأصلية كتبت بواسطة mohamed_selim

هو من مصر الجديده و نادى الشمس اللفه هتكون كبيره ... الاسهل محور الشاذلى و شارع الثوره لكلية البنات (و تشوف بيقولك لو شارع الثوره واقف خرم من الماظه للنزهه او من الاوتوستراد)
خلاص مش هجرب الطريق ده بتاع العبور و السلام لو اتزنقت :)

المشاركة الأصلية كتبت بواسطة kazamodia

يا باشا احسن طريق العبور محور الشاذلي الدائري طريق السويس وتكمل على طول طريق السويس مفيهوش زحمة اوي وتدخل شارع الثورة تلف من فوق النفق في اول يمين شارع الميرغني هتلاقي كلية البنات على شمالك دور بقا على ركنة والسكة دي عموما بتبقى سالكة انا بعمل كده يوميا وانا رايح الكلية بس بطلع من الرحاب وبتختصر لي وقت رهيب واامن واريح من العربية بكتير ومترو مصر الجديدة ده فسحة لوحده دنا عمري ما ركبته ووقفت فيه

شارع الثورة وأحيانا من قبل كوبري الجيش المصري الطريق بيبقى شبه واقف
بس الميزة محور الشاذلي وأول طريق السويس بتبقى رايقة جدا أروق من طريق الاسماعيلية وجوزيف تيتو
عموما الأفضل الواحد يشوف "بيقولك" الأول قبل ما أتحرك في أي من الاتجاهين