الموضوع: سؤال عن ترخيص عربيه طالعه من الجيش

معروض عليا عربيه نيفا طالعه لوط من الجيش صاحبها مشتريها بتوكيل رسمى من ظابط العربيه طالعه من الجيش باسمه وهى طالعه من الجيش من رمضان اللى فات ولحد دلوقتى معلقتش نمر ولا ليها دوسيه فى المرور صاحبها اللى معاه التوكيل من الظابط قاللى ان ورق العربيه طلع من مرور الجيش وصل لمرور الدراسه فى القاهره وان انا لو اشتريتها منه حشتريها بتوكيل (كده العربيه فيها توكيلين من الظابط لصاحبها وبعد كده من صاحبها ليا) على حد كلامه قاللى ان انا بالتوكيل اللى معايا حروح مرور الدراسه يتعملها ملف ورخصه باسم الظابط لمده سنتين ابتداء من تاريخ خروج السياره من الجيش شهر رمضان اللى فات وانا حمشى بيها بالتوكيل والرخصه باسم الظابط لحد ماتخلص مده السنتين وبعدها انقل ملكيه وارخص باسمى مع العلم ان العربيه فى محافظة (-) وجاى معاها تصريح ان العربيه تمشى من الوحده اللى كانت فيها فى الجيش لحد المحافظه(-) لحين ان تبدا اجراءات الترخيص فى المرور.
دلوقتى انا ناوى اشترى باذن الله العربيه لسببين اولا الثمن مناسب ثانيه العربيه بدون بارومه نهائى ولايوجد بها اى حوادث فانا حشترى العربيه واكمل كل اللى ناقصها والنيفا حاجتها رخيصه وممكن تتجدد بالكامل بسهوله طلبت من صاحبها صور لكل الورق الخاص بالعربيه سواء الورق الخاص بخروج العربيه من الجيش والجواب الموجه لمرور الدراسه وتصريح سير العربيه لمحافظه(-) والتوكيل من الظابط لصاحبها واسال فى المرور واشوف مدى سهوله الاجراءات - وكمان انا من محافظه الاسكندريه فهل ممكن قبل ماتعلق نمر او يتفتح دوسيه ليها فى مرور الدراسه اسجلها فى الاسكندريه مباشره كمان انا مش حسجل دلوقتى قدامى حوالى 6 شهور عقبال مابتدى اجراءات الترخيص لحد مااصلح العربيه واشدها وطبعا حركنها مش حمشى بيها ابدا طول المده دى فهل التاخير ده ممكن يسبب مشكله الرجاء الشديد ان يرد عليا كل من له درايه بالامر الرجاء الامر لايستحق الفتوى