نيسان سنترا 2015

**dreslam** · 27-02-2015 10:00 PM

المشاركة الأصلية كتبت بواسطة ahmed.mohamed

شكرا د.إسلام - دعواتك.
انا روحت عاينة العربيه النهارده و لقيت عندهم قائمه بالأكسسوارات دي بتركب مع العربيه

جهاز إنذار 1100
وحدة رفع زجاج 1100
فرش داخلي 2200
غطاء خارجي للسياره 440
اضاءه زينون للنور العالي 1100
اضاءه زينون للنور المنخفض 1100
اضاءة زينون للشبوره 1100
جهاز dvd + gps + بلوتوث + كاميرا خلفيه 6600 و عليه تخفيض و بيركب ب 5000 - سألتهم عن نوعه ما عرفوش
جهاز تحكم 2500
شاحن متعدد ببطاريه (للموبايل + لابتوب) 990
شاشات خلفيه 7 بوصه 2200
وحدة فصل للمحرك 550

و فيه تركيب باكتات برضه لكن مش فاكر سعرها

المغري بالنسبه ليه: جهاز إلإنذار و ال dvd - و كله مغري و بينقل العربيه لفئة ال top line

رائع جدا ان شاء الله في صيانه ال ١٠٠٠ حركب برضه الديفيدي وابص على باقي الحاجات

**Ahmed.Mohamed** · 28-02-2015 02:42 AM

المشاركة الأصلية كتبت بواسطة mody carpenter

حضرتك لو عاوز الجهاز ده هتلاقيه بيتباع عند بتوع الكماليات وارخص من ده بكتير جدا في حدود 1800 لغاية 3500
وانا اشتريت واحد من بره من سنة بعد الجمارك والحوارات دي كلفني 4150 بس ما شاء الله عليه ممتاز جداً وكان المفروض في اوبشن زيادة كمان انه في واي فاي وبيشغل نت بس البائع بعتلي الجهاز اللي معايا بالغلط ومفهوش الواي فاي

المشكله إن تركيبه بره التوكيل بيطلع ضفيرة الكهرباء من الضمان.

**amirz** · 28-02-2015 05:01 PM

تقرير ممتاز..تسلم ايدك

**amirz** · 12-03-2015 10:35 PM

تسلم ايدك

**Mody Carpenter** · 14-03-2015 05:19 AM

المشاركة الأصلية كتبت بواسطة amirz

تسلم ايدك

شكراً لمرورك

**Ahmed.Mohamed** · 27-03-2015 10:53 PM

أستلمت و رخصت نيسان سنترا الفئه الكامله - لون أبيض لؤلؤي - من مودرن موتورز بشبين الكوم - ناس محترمه و متعاونبن.
أحب أشكر كل الناس اللي تعاونت معايا و أستحملت أسئلتي سواء في مجموعات النيسان أو براها - شكر خاص لدكتور إسلام علي ردوده المفصله.

و إن شاء الله أول ما أعمل ال 1000 كيلو هاعمل تقرير مفصل بأذن الله.

**waleedelpiloot** · 28-03-2015 05:06 PM

الف مبروك يا باشا انا كنت بفكر فى الشارك بس لاقيت ان السنترا احسن فى الوسع والشنطه
هى سعرها كام دلوقتى ااهاى لاين واستلمت بعد قد ايه ؟؟
وطبعا مستنين منك تقرير على السريع كده

**Ahmed.Mohamed** · 28-03-2015 09:15 PM

الله يبارك فيك - الهاي لاين عاملة 165 الف - و ألعربية كانت في فرع مودرن موتورز بعد إسبوع من طلبها و يمكن أقل.
و انا كنت واقف عند الشارك و فضلت السينترا: تقفيل أحسن - صالون أوسع - شنطه أوسع - شكل أحسن بكتير و الشكل أذواق - و توكيل أحسن نسبيا .

**dreslam** · 29-03-2015 07:18 AM

الف الف مبروك يديك خيرها ويكفيك شرها...التزم بالتليين ومتخافش انك تشغل التكييف عالواقف الاول وامشي بيه عادي.العربيه حتلاقيها بتتصاعد في الاستجابه على حسب رجلك بعد اما تكمل ٨٠٠ مثلا حتلاقيها بتستجيب اسرع مما تتخيل.انا لسه عامل صيانه ال ١٠٠٠ وبعدها العربيه ازدادت نعومه ماشاء الله.لسه مستني الديفيدي فرع مرعي اسكندريه وحركب فرش ان شاء الله .الف مبروك مره تانيه وانا شفت اللون في اسكندريه ماشاء الله يهوس الله اكبر

**waleedelpiloot** · 29-03-2015 12:50 PM

اتفرجت عليها امبارح فى توكيل نيسان فى مدينه نصر
بسم الله ما شاء الله
تجفففففففففففففففففه ماعادا التكيف البكر والفرش الى كلو بيج فى بيج دة مشكله هيتبهدل بسرعه
عجبتنى جدا وان شاء الله هروح احجزها
يس حد يقولى ايه ظروف ثباتها وفى الملغات بتعوم من دهرها الكبير دة ولا ايه
واخير ياريت حد عندو لون نبيتى يورينى صورتوا على الطبيعه عشان محتار بينوا وبين الموكا