السلام عليكم ورحمه الله وبركاته
عندى مشكله ظهرت النهارده فى الألنترا md
بعد ما فولت العربيه عداد احتساب استهلاك البنزين القراءه زايده اوى بطريقه غريبه
اول ما شغلت العربيه كان الأستهلاك 8.2 لتر بعد كده كل ثانيتين بيزيد درجه
لغايه اما وصل معايا ل 60 لتر لكل 100 كيلو وبيستمر فى الزياده خصوصا لو العربيه واقفه مش بتتحرك وبيقل شويه لما اتحرك بيها
مش عارف فى ايه مع العلم ان النهارده عملت صيانه ال 25 الف فى التوكيل !!
حد قابلته مشكله زى دى ؟؟؟
اعمل ريست من الدريكسيون وشوف هيتعدل معاك ولا لا
عملت كده فعلا كذا مره وانا متحرك الاقيه بدا من مثلا 9 لتر ويفضل يزيد برضه
طب لو الاستهلاك العالى ده بيقابله نقصان طبيعى فى تنك البنزين يبقى فى مشكلة فى العربية انما لو الاستهلاك العالى ده لا يقابله نقصان طبيعى للتنك يبقى مشكلة كمبيوتر الرحلات مهيس او بيحسب غلط
التانك طبيعى جدااا مفيش اى نقصان
المشكله بس فى عداد احتساب اﻷستهلاك
طيب لو الكمبيوتر فيه مشكله حلها ايه ؟
ممكن تكون حضرتك عامله علي الاستهلاك اللحظي للعربيه وهو متغير تبع السير بلعربيه بيغير طول مانت ماشي بلعربيه دوس حضرتك علي زرار كمبيوتر الرحلات لحد ماتلاقي الاستهلاك لكل 100 كيلو اللي هو ثابت وبيغير معدل الاستهلاك كل فتره وشكرا
دا طبيعى لما تعمل ريسيت وتفضل واقف بالعربيه فتره طويله
لو عايز تظبط الرقم
اطلع على طريق فاضى واعمل ريسيت وامشى مسافه طويله على قد ماتقدر بدون توقف ساعتها الرقم هايثبت معاك
بعد كدا ممكن يتغير بس هايبقى حاجه بسيطه جدا مش بهبل زى دلوقتى