العربية سخنت ومش عارف ايه السبب
انا لسه شاري اللوجان قريب موديل 2009 وحرارتها من يوم مااشترتها ثابتة عند اربع شرط فجاة النهاردة بقت ست شرط لمدة نصف ساعة وبعدها وصلت لاقصي شرطة وانا علي المحور ركنت وبطلتها وخفت امشي بيها كده اضطريت احملها وركنتها لغاية لما اشوف اعمل ايه . انا بس عايز اقول معلومة وانا بشوف هي بتسخن ليه وانا علي المحور سبتها تبرد خالص وبعد كده دورت وانا فاتح قربة المياه اللي لاحظته ان لما العربية سخنت المياه فارت وخرجت من القربة وانا حاسس ان الموضوع ده مش طبيعي لانى كانت معايا نوبيرا ومكنتش بتعمل كده . ارجو من اللي عنده معلومة تفيدنى ومن خبراء القسم الرد للاهمية.
يا باشا مؤشر الحرارة بتاع اللوجان فية عيب مع احترامي لكل الناس
هل لمبة الحرارة نورت طبعا لا خليك شغال علي لمبة الحرارة اللي هي تحت مؤشر الحرارة ولو عايز كهرباي في واحد أسمة رامي في صقر قريش روح واسأل اي حد علي رامي رينو انا قعدت شهور في القصة دي وغيرت كل حاجة ريداتير ومروحة وترموستات