عايز اطلع رحله للواحات والصحرا البيضاء والسوده وسيوه والكلام دا
هل ينفع اطلع بعربيتي ولا ممكن اتثبت واتسرق (تريوس 4ْx4 ) ولو مينفعش اروح بالعربيه طب اروح ازاي ورنج الاسعار ايه وايه الملاحظات اللى اخد بالى منها
عرض للطباعة
عايز اطلع رحله للواحات والصحرا البيضاء والسوده وسيوه والكلام دا
هل ينفع اطلع بعربيتي ولا ممكن اتثبت واتسرق (تريوس 4ْx4 ) ولو مينفعش اروح بالعربيه طب اروح ازاي ورنج الاسعار ايه وايه الملاحظات اللى اخد بالى منها
الناس بتتثبت في جوزيف تيتو (كريم منير) تقول لي هاتثبت في الصحرا و لا لأ؟
بغض النظر عن موضوع الأمان، ما أنصحكش تطلع أول مره بعربيتك وتجرب في نفسك
إطلع مع شركه ليها خبره وشوف لنفسك الطرق وهل هي ممهده ولا لأ وسهلة الحفظ ولا لأ
أنا عاوز أطلع بعربيتى السيدان زيارة للواحات فقط دون دخول بالصحراء وبردوا مقلق من موضوع الثبيت وخطف العربيات ، لو فى نصيحة ياريت نسمعها
طب حد يعرف شركه سياحه كويسه؟ والاسعار ايه
طلعة الواحات الداخلة والخارجة عملتها من 7 سنين مع صاحبي الأنتيم
أولا تطلع بالسوبر جيت الرحلة 8-9 ساعات من القاهرة للداخلة ومن الداخلة للخارجة 3-4 ساعات، وهناك مواصلات داخلية أو تمشي
ثانيا معظمها أماكن أثرية مهملة تماما للأسف. يفط وحارس/بواب وشكرا سيدي المواطن
ثالثا الحر مش طبيعي
رابعا الشبكات ساعتها كانت موبينيل في الصحراء شغالة وفودفون لأ. ومناطق تانية العكس. في الغالب المشكلة اتحلت بس ميمنعش تاخد معاك عدة رخيصة فيها خط من الشبكة اللي مش معاك
خامسا كان هناك فيه أكل ومطاعم في كل حتة بس وقت الظهر والعصر البلد بتموت تقريبا وتحيا تاني بعد المغرب
أخيرا أهل الوادي الجديد من أطيب الناس اللي قابلتهم في حياتي (يأتون في المرتبة الثانية بعد أهل النوبة وأهل السودان.) الراجل صاحب الفندق الأخراني في الخارجة مكانشي عايز ياخد فلوسه أصلا!
تجربة ممتعة بس مش عائلية خالص، والحاجات العائلية اللي تتعمل هناك، تتعمل في أي محافظة تانية