صيانة اول 1000 كم

**Delli7** · 29-12-2014 11:58 AM

السلام عليكم,

الحمد لله عديت الألف كيلو الاولي, بس عندي ظروف و هاتاخر عن الصيانة مش عارف اروح دلوقت قدامي شهر كمان تقريبا,

حاليا العداد عامل بالظبط 1700 كيلو,
هل في مشكلة علي العربية لو مشيت بيها كمان قبل ما اوديها الصيانة ولا عادي ؟

**kaza** · 29-12-2014 12:08 PM

مافيش مشكلة بس ماتطولش علشان الزيت لازم يتغيير وعموما الصيانة غير مكلفة 400جم بالزيت والفلتر

**Delli7** · 30-12-2014 02:02 PM

مش فكرة تكلفة يا غالي,
بس مشوار التوكيل هياخد يوم كامل مني و مافيش للاسف وقت فاضي نهائي قبل شهر تقريبا من دلوقت,

فلو وصلت مثلا لـ 2500 او 3000 كم,
هيكون في خطورة او مشكلة علي العربية ؟
وهل ممكن ابعتها مع اي حد من المعرض من غير ماروح معاه ؟

**kaza** · 31-12-2014 03:23 AM

3000كم كتير علي اول صيانة وبالاخص الزيت لانة بيكون زيت 30 احادي الدرجة علشان التليين وبالنالي استمرار وجود الزيت دة وبالاخص انت ماتعرفش العربية غادرت خطوط الانتاج من امتي مش كويس علي الموتور لان رايش الاحتكاك والترسباتبيبتدي تعدي من الفلتر وتجرح في الكراسي والشمايز ومحامل اعمدة الكامة وهيكون ابسط تاثير ارتفاع صوت التشغيل للموتور ..نصيحة غير الزيت والفلتر علي الاقل برة لغاية ماتفضي تروح التوكيل

**Delli7** · 31-12-2014 11:32 AM

المشاركة الأصلية كتبت بواسطة kaza

3000كم كتير علي اول صيانة وبالاخص الزيت لانة بيكون زيت 30 احادي الدرجة علشان التليين وبالنالي استمرار وجود الزيت دة وبالاخص انت ماتعرفش العربية غادرت خطوط الانتاج من امتي مش كويس علي الموتور لان رايش الاحتكاك والترسباتبيبتدي تعدي من الفلتر وتجرح في الكراسي والشمايز ومحامل اعمدة الكامة وهيكون ابسط تاثير ارتفاع صوت التشغيل للموتور ..نصيحة غير الزيت والفلتر علي الاقل برة لغاية ماتفضي تروح التوكيل

تمام يا غالي,
ان امكن نوع الزيت و الفلتر و اشتريهم منين و بكام؟
و هل هيسببلي مشكلة مع التوكيل ولا لأ ؟

**iEgyptian** · 02-01-2015 02:26 AM

لا لازم لازم وخصوصا صيانه ال ١٠٠٠ دى لانها فوق المهمه عشان الزيت اللى موجود فى الموتور دا زيت تليين ..غير بره شيل الترا ١٠٠٠٠ ممتاز وحيريح الموتور ٥٠٠٠ مش اد كدا وكمان مش بيريح الموتور ال جركن ٣٣٠ والفلتر ٣٣ جنيه . بس العربيه موتور لا تتهاون وخصوصا فى ال ١٠٠٠ كيلو بالذات انت عارف لو بعدين ماشى بس لازم لازم عشان تصقت زيت التليين ..ربنا يكفيك شرها وتقبل مرورى .