سخان الغاز وحيرتى معاه

**tata2011** · 29-12-2014 09:59 PM

من 7 سنوات تقريبا ابتدت رحلتى مع سخان الغاز فقمت بازالة سخان الكهرباء واشتريت سخان غاز وللاسف لم اسأل قبل الشراء عن افضل ماركة البائع ادانى يونيفرسال 6 لتر فاخذته دون نقاش وللاسف طلع عينى فى الكام سنه اولا بيفصل وهو شغال وحساس لضغط الميه يعنى لازم تكون الميه عندك شديدة دا غير انه فى احدى المرات انفجر نتيجة انه فضل شغال بعد قفل الحنفية ومطفاش
المهم قررت اشترى واحد تانى المرة دى قلت اسأل واتقصى الكل رجح كفة المصانع ونزلت اجيبه لكن ياخسارة لقيت الستة لتر منه بمدخنه بعنى لازم اجيب الشركة يعملوا مقايسة وعطلة بقى وفيلم طويل دا غير التكلفة بتاع المدخنة فاخدت الخيار اللى بعد كده وهو الاريستون 6 لتر بدون مدخنة اشتريته النهارده ولسه هاركبه وربنا يسهل

**abokoko** · 29-12-2014 10:19 PM

جميل ان حضرتك تنقل تجربتك لانها ممكن تكون مفيدة للغير
حضرتك اذكر سعر الارستون اللى اشتريته
وسعر المصانع الذى لم تشتريه
واى انواع تانيه لو فاكر سعرها

وبعد التركيب حضرتك كمل نقل التجربة

مبروك
وحموم العافيه مقدما

**طارق _عبد السلام** · 29-12-2014 10:59 PM

الاريستون ممتاز جدا عن تجربه بس اتاكد انه مكتوب عليه غاز طبيعى لانه لو بوتجاز هتحتاج تغير فوانى

**hamisa08** · 30-12-2014 12:58 AM

انا عندى سخان مصانع اكبر واحد فيهم ولا اعلم كم تبلغ مساحتة اللترية المكعبة

ولكن تواجهنى نفس المشكلة مع قلة ضغط المياه ممكن تغنى جمبية ظلمووه علشان يشتغل

وعند دخولك الحمام لاخذ شاور لابد من اعلان الاحكام العرفية و فرض حظر تجوال لمنع استخدام اى حنفية اخرى حقنا للمياه الساخنة

بس الجانب المشرق فية سهل الصيانة بمعنى لما يحصل فية حاجة بتكلم السباك بيجى يصلحة كلة و ينظفة ويرجعة زيرو ودة كلة بعشيين جنية

موضوع المدخنة ليس الشى المعضل

عبارة عن خرم فى الحيطة وشكرا قطرة حوالى عشرين سم و اى عامل بيعملة

**hamisa08** · 30-12-2014 12:59 AM

انا عندى سخان مصانع اكبر واحد فيهم ولا اعلم كم تبلغ مساحتة اللترية المكعبة

ولكن تواجهنى نفس المشكلة مع قلة ضغط المياه ممكن تغنى جمبية ظلمووه علشان يشتغل

وعند دخولك الحمام لاخذ شاور لابد من اعلان الاحكام العرفية و فرض حظر تجوال لمنع استخدام اى حنفية اخرى حقنا للمياه الساخنة

بس الجانب المشرق فية سهل الصيانة بمعنى لما يحصل فية حاجة بتكلم السباك بيجى يصلحة كلة و ينظفة ويرجعة زيرو ودة كلة بعشيين جنية

موضوع المدخنة ليس الشى المعضل

عبارة عن خرم فى الحيطة وشكرا قطرة حوالى عشرين سم و اى عامل بيعملة

**exelence** · 30-12-2014 10:55 AM

على فكرة اليونيفيرسال كويس مش وحش

**sasatony** · 30-12-2014 03:04 PM

بس من خلال معرفتي المتواضعة السخان ال6 لتر مش عملي خالص الاحسن حضرتك كنت تجيب ال10 لتر وتختار سخان بيشتغل علي اقل ضغط ميا بحيث تبقي مريح بالك من حوار ضغض الميا
انا لسه مركب سخان اوليمبك 10لتر غاز الاول مكنتش متاقلم معاه بسبب ضغط الميا بس لما عملتو علي اقل ضغط ميا بقي مريح جدا واحسن من الكهرباء بمراحل

hh · 30-12-2014 04:13 PM

سخان الغاز عموما محتاج ضغط مياه شديد. لو الضغط عادي أو ضعيف حيطلع عينك بغض النظر عن نوعه. أنا ركبت عندي في البيت سخان كهربا و لما باظ جبت واحد كهربا برضه. الواحد يشتري نفسه بالكام جنيه الزيادة في الاستهلاك و لا انه المية تسقع عليه و هو بيستحمى في الجو ده. أنا اتعذبت منه في بيت والدي لغاية ما قلت توبة :)

**amr011111** · 30-12-2014 04:15 PM

يا جماعه علشان ضغط المياه يفضل عالى فاللى مشغل الدش يفتح خلاط حوض الوش معاه بحيث الموتور يقوم ويفضل السخان شغال

الموضوع: سخان الغاز وحيرتى معاه

LinkBack

أدوات الموضوع

عرض

-

-

-

-

المواضيع المتشابهه

سخان الغاز ..؟!

استشارة في سخان الغاز

سخان الغاز

سخان الغاز

الكلمات الدلالية لهذا الموضوع

المفضلات

المفضلات

ضوابط المشاركة