هل تقبل أن تعرض بنتك أو أختك للزواج على رجل تراه كفأ وتتحمل إحتمال الرفض (ناقشني)ـ

**1000 مبروك** · 29-12-2014 11:48 PM

سؤال مهم جداً
سواء كنت أب حالي لبنات أو مستقبلي
أو كنت ولي لأختك بعد وفاة أبوها
أو حتى من غير ما تكون ولي لأختك يكفي كونها أختك

هل تقبل أن تعرض بنتك أو اختك للزواج على رجل تراه كفأ أو لقطه زي ما بيقولوا ويستحق لتزوجها لها

وهل ستتحمل الرد في حالة عدم القبول

وهل ستحافظ على صداقتك مع ذلك الرجل إن كان صديقك لو رفض

أسئلة كتير بتجر بعضها

؟؟

**mohamed_e36** · 29-12-2014 11:58 PM

لا طبعا بس انته ممكن تعمل الموضوع بشكل الطف من كده اجمعهم ببعض في اي عزومه ولا حاجه وبعد كده لمحله من بعيد لبعيد ولو هو عجبته هيتوكل على الله ويفكر
لكن انك تقوله اتجوزها تفتكر انه هينفز امرك ....... لا طبعا
الجواز نصيب لكن مش بالشكل ده وبعدين مدام هو صاحبك يبقا انته ادرى بحاله ...هل هو مقتدر على الجواز حاليا وهل هو بيفكر جديا في الموضوع ده ولا لأ غير كده متحرجش نفسك وتصغر اختك

**1000 مبروك** · 30-12-2014 12:21 AM

قصدك إنك تقبل الموضوع بس يكون بالتلميح فقط
طيب في ظروف لا يصلح فيها التلميح وبتضطر يا تصرح يا تسكت
إيه الصح

**mhmhmh75** · 30-12-2014 12:32 AM

لو فعلا كويس ونفسيته محترمه وعلى خلق اتكلم بصراحه مفيش مشاكل انتا بتختار واحد ميبهدلهاش بعد كده بس اهم حاجه انه ميكونش منفسن يعني يشك انك بتستغله في شيء لو كان غني عنك اهم شيء انك تبقا واضح وانك عايز الخير بدون ان تخسره يعني الحكايه عايزه واحد متكلم شويه بمشاعر صادقه

**mohamed_e36** · 30-12-2014 12:41 AM

المشاركة الأصلية كتبت بواسطة 1000 مبروك

قصدك إنك تقبل الموضوع بس يكون بالتلميح فقط
طيب في ظروف لا يصلح فيها التلميح وبتضطر يا تصرح يا تسكت
إيه الصح

انا قابل الموضوع لاني عارف انك خايف على اختك وده طبيعي بس مش عاوزك تحرج نفسك بس عاوزك تحط نفسك مكانو وشوف رد فعله هيكون ايه ,, يعني انته مثلا جايلك واحد صاحبك وبيقولك انا عاوزك تتجوز اختي ساعتها الموضوع هيمشي في اتجاهين يا اما انته هتكون معجب بأختو ومعندكش ما يمنع من جوازك من ماديات وخلافه وساعتها هتقبل (انته شايف فيه كده ؟) او مش هتقبل الموضوع خالص و هتقول لصاحبك لا بس بشياكه ولو هو صاحبك قوي الموضوع هيعدي بس هيفضل في الذاكره
في النهايه سلم امرك لله ومحدش عارف الخير فين والله وان شاء الله ربنا يرزقها بالصالح

**ENG.MaRk** · 30-12-2014 12:53 AM

مش معيوبة ولا بايرة عشان تدلل عليها !!!
مش سلعة عايز تبيعها ده عرض و شرف !!!
أخلاقها و سلوكها يتكلموا عنها مش انت خالص !!!
ممكن تكون هي بتحب حد تاني و انت تجبرها ف تتعقد !!!
جواز الصالونات مش كويس إلا كمشروع و ليس كعلاقة !!!
جواز الصالونات عبارة عن راجل اتجوز جسم و ست اتجوزت مكنة ATM !!!
آسف لو المشاركة بتاعتي offensive شوية و أتمني لو فيها حاجة غلط أو عيب تتحذف من منسق القسم

**mohamed_e36** · 30-12-2014 01:00 AM

[QUOTE=ENG.MaRk;3875856986]مش معيوبة ولا بايرة عشان تدلل عليها !!!
مش سلعة عايز تبيعها ده عرض و شرف !!!
يا فندم محدش قال كده
أخلاقها و سلوكها يتكلموا عنها مش انت خالص !!!
برضو محدش قال غير كده
ممكن تكون هي بتحب حد تاني و انت تجبرها ف تتعقد !!!
مين قال لحضرتك انو هيجبرها
جواز الصالونات مش كويس إلا كمشروع و ليس كعلاقة !!!
مش شرط ياما ناس اتجوزت جواز صالونات وعايشين كويسين والحمد لله
جواز الصالونات عبارة عن راجل اتجوز جسم و ست اتجوزت مكنة ATM !!!
برضو مش شرط وعلى حسب تفكير كل واحد
آسف لو المشاركة بتاعتي offensive شوية و أتمني لو فيها حاجة غلط أو عيب تتحذف من منسق القسم

**adelghanem** · 30-12-2014 01:02 AM

ممكن لو واحد صاحبك وشايف انه على خلق ودين
ومستعد للزواج وليس فى ذهنه واحده معينه..
لو امكن يكون هناك صاحب كبير فى السن تأتمنه
على اسرارك انه يفاتح الشخص المعين ده بطريقه
غير مباشره ويشوف رأيه ..لو خير يبقى على بركه الله
لو مفيش قبول يبقى انت مأحرجتش نفسك.

**adelghanem** · 30-12-2014 01:38 AM

حزف للتكرار

**qkash.com** · 30-12-2014 03:20 AM

ممكن تحاول تعرفهم علي بعض في مناسبة او تعزمه مثلا علي غدا في بيتك او بره البيت عادي وتكون هي موجودة في وسط جماعة مش لوحدها اكيد "يعني بما انكم أصدقاء"ولو فيه قبول اكيد الامور هتكون باينة وربنا يوفقك علي اختيار الأنسب

وربنا يرزقها بالزوج الصالح وتكون له زوجة صالحة ايضاً

مشاهدة نتائج الإستطلاع: هل تقبل أن تعرض بنتك أو أختك للزواج على رجل تراه زوج (عريس) كفأ أو لقطة ؟

الموضوع: هل تقبل أن تعرض بنتك أو أختك للزواج على رجل تراه كفأ وتتحمل إحتمال الرفض (ناقشني)ـ

LinkBack

أدوات الموضوع

عرض

-

-

-

المواضيع المتشابهه

إحتمال أغير أوكتافيا للستروين أرجو الإفادة

هل التوكيل له حق الرفض في تغيير هذه الاشياء ؟

تحذير هام - بلغ أمك و زوجتك و أختك و أي حد

سؤال مهم للشبـــــاب: ممكن تخلي أختك تسوق ؟؟

انهي من عربيات الهاتش باك اكبر في الصالون وصندوق الامتعة والموتور وتتحمل السفر؟

الكلمات الدلالية لهذا الموضوع

المفضلات

المفضلات

ضوابط المشاركة