السلام عليكم جميعا
لو سمحتم انا عايز اشترى عربية بس محتار بين هوندا اكورد 1989 و بيجو 405 فرنساوى موديل التسعينات و بين عربية bmw موديل التسعينات لان بصراحة دى عربيات الفخامة العمر الطويل
ارجوكم نصائحكم لاخوكم الحيران
عرض للطباعة
السلام عليكم جميعا
لو سمحتم انا عايز اشترى عربية بس محتار بين هوندا اكورد 1989 و بيجو 405 فرنساوى موديل التسعينات و بين عربية bmw موديل التسعينات لان بصراحة دى عربيات الفخامة العمر الطويل
ارجوكم نصائحكم لاخوكم الحيران
انت عايز عربيه في حدود كام ؟؟
لو قدامك في bmw حاله حلوه توكل على الله
عموما وسع دائرة بحثك شوية لان عند شراء سيارة فى حجات كتير تحكمك زى الاعتمادية وقطع الغيار والاعطال والصيانة ...الخ
مش موضوع فخامة بس
والعمر الطويل دا حالة العربية هى التى تحكم عليه مش ماركة او موديل العربية فاهمنى؟
عموما رأى شوف انت سقفك كام
شيل منة جزء وليكن 3000 جنية لأن اى عربية حتجيبها لازم تحط احتمال انك حتصرف عليها حاجة بس ما تصرف عليها شئ غير بعد الشراء بشهرين او ثلاثة
شوف العربية اللى حتجيبها لازم تكون محدد انت عاوز تمشى الحال ولا عاوز حاجة نضيفة
عاوز عربية حالتها نضيفة اكيد حتبقى اغلى شوية من السعر العادى بس حتكون اريح وانضف
عربية تمشى الحال عربية حالتها متوسطة ولا هى ممتازة ولا هى وحشة ودى تمشى نفسك بيها سنة وتبيعها وتشترى غيرها او تظبطها وتصرف عليها مبلغ محترم
عربية تانية طالع عينها ودى بقى صديقة المكانيكية خد بقى دقات نقص وشغل على ابوة لان واحد بية هلك امها ومصرفش عليها مليم وبعها وانت عجبك السعر فإشتريتها
وفى النهاية احب اقول لك متستعجل وانت بتشترى ومتصدقش كل الكلام
وشوف اية الحجات المتداولة فى البلد اللى انت فيها لأن معنى تداولها حتلاقى صنايعية فاهمين فيها وقطع غيار كمان طبغا دا لو انت قاعد بعيد عن القاهرة
والموديلات الحديثة بصفة عامة مشاكلها اقل بكتير من القديم
حضرتك كاتب عايز تفاضل بين الاكورد 89 و البيجو 405 و قولت بعد كدة ممكن البي ام تسعينات .. السعر متفاوت جدا .. يعني لو اكورد 89 متوسط سعرها 35 36 ال 405 متوسط سعرها 34 35 .. البي ام تسعينات و لنفترض مثلا ال 316 متوسط سعرها من اول 54 لحد 65 .. ففي هنا تفاوت للاسعار .. يا ريت نعرف متطلباتك ايه و في نفس الوقت مقدرتك بين كام و كام عشان نقدر نفيدك