عرض للطباعة
قدامى عربية فيليشيا كومبى 2001 حالتها ظاهريّا ممتازة، الصالون فابريكة، رشة برة بس نضافة، المشكلة إنها عاملة 250 ألف كيلو صاحبها بيقولى ده مشاوير سفر مش داخل المدينة .... وكل اللي يسمع الرقم يقولى حد يجيب عربية ماشية كل ده ... ده انت هتغير كل حاجة فيها.... السؤال هل ممكن عربية تكون ماشية الكيلوات دى وتكون حالتها كويسة فعلاً .
ممكن مغيرة متور
بص ياباشا ابن عمى معاة نفس عربيتك ونفس الموديل قاعدة بدهان المصنع برة وجوة لغاية دلوقتى وننخيل عاملة كام الف كيلو 565 الف كم لغاية الاسبوع اللى قبل اللى فات كان مهتم جدا بالصيانة
عادى على فكرة مش قصة كيلومترات
مع اخويا موديل 1995 عامله 400,000 كم
الموتور متفتحش , هو بصراحه محتاج طقم شمبر
غيرنا الديسك والاسطوانه 3 مرات
العربيه رائعة
المهم الاساسيات وانت بتشترى
طب الراجل بيتكلم فى 42000 كدة كويس ولا عالى
السعر لا استطيع ان افيدك فيه. لكن بالنسبة للموتور فالفيليشيا كانت معايا وبعتها عاملة 250000 كم ولما كشفنا علي الموتور لقيناه 70% فكان ممتاز
وصديقي معاه فافوريت 1994 موتورها عمل مليون و مائة الف 1100000 بس دا عمل طقم شنمر.
وعموما موتورها رخيص والفيتيس ايضا.
انها فعلا سيارة تحترم
انا في راي السعر زياده شويه وخصوصا انها كومبي والكومبي تقيله شويه في البيع اما عدد الكلوات فده مش مشكله المهم حالة الموتور عامل ايه والعربيه عامة عامله ايه انت ممكن تعرف اذا كان صاحبها مهتم بيها والا لا من صدر العربيه و مشيها وعفشتها والصالون والفرش لأن العربيه شخصية صاحبها وهي انجكشن اكيد وتكيفها عامل ايه وهل هي بور والا لا العربيه اه موتور بس فيه حاجات كتير بتصرف غير الموتور فمتشتريش عربيه تصرف عاليها كتير وربنا يوفقك لما فيه الخير
لو هتشترى مستعمل
يبقى سيبك من العداد و بص على الحالة العامة للعربية
اقتباس:
المشاركة الأصلية كتبت بواسطة essamz
الخلاصة عمر ماكان العداد القليل دليل على جودة العربية ولا العكس
بإختصار العربية ماشية بقالها حوالي 14 سنة يعني منطقيا هتلاقي عدادها كبير المهم حالة العربية وفكرة ان كل اللي يقولك متجبش عربية ماشية الرقم دة يبقي هوة بيفيكر فى كسر زيرو مش موديل 2001
هقوك حاجة لو جبت عربية ماشية قليل تضمن منين ان يكون دي عداداتها اصلا او ان العداد مش ملعوب فيه ..... الخلاصة فى عربية مستعملة 14 سنة يبقي خلي العداد على جمب واكشف على حالتها اهم حاجة وعلى الموتور
طيب انا اشتريت عربية كانت ماشية 120 الف ورجعتها تاني يوم لان حالتها وحشة
والعربية اللى معايا حاليا ماشية 245 الف وحالتها احسن ميت مرة من التانية
دة مجرد رأى
ألف شكر للجميع .... أصل دى أول عربية ليا فاللى باخد رأيه بيقولى أكيد عربية زى دى محتاجة مصاريف وانت لسه بتبتدى وبتقول يا هادى ... عمومًا ايه رأيكم فى الاسكودا الفيليشيا والموديل ده بالتحديد؟
من وجهة نظرى المتواضعة , زيادة عدد الكيلوات اللى عاملاها العربية يدل على كفآتها
طب لو قارنتها باللانوس أو البروتون ويرا ... انهى أحسن
أنا عضو جديد معاكم .. من أسكندرية .. وبدور على فيلشيا 2000 او 2001 لكن 42 الف كتير على مواصفات هذة السيارة إلا لو كانت مرفوعة عدد من السنيين / أنا عارف ان الفيلشيا 2001 عزيزة !!! لكن المبلغ مبالغ فيه لوتقدر تنزله ل 38 شيل