السلام عليكم
انا سمعت ف نشرة الاخبار امبارح ان هيكون في عاصمة جديدة
ياريت اخبار اوفي عن الموضوع دا
وتوقعاتكم بالنسبة لاسعار الاراضي والشقق في المدن الجديدة الحالية زي الشروف والعبور واللي بالطبع هتبقي بعيدة عن العاصمة الجديدة
كمان تفتكروا لو حد هيستثمر يشتري اراضي فين دلوقتي؟
العاصمه الجديده على كلامهم هتبقى بين القاهره الجديده وطريق السويس وده المتوقع للقاهره الجديده من الزمان انهم هيوصلوا حدودها للسويس وطبعاً أسعار الشقق فى القاهرة الجديده بدل ما بتزيد النهارده كل يوم عن التانى هتلاقيها بتزيد كل ساعه عن التانيه لحد ما تبقى فى زحمة مدينة نصر والمهندسين
يقال انها هتبئا هليوبليس الجديدة
اللي عايز يشتري
اعتقد يشتري في السخنه - دبي سابقا
او يشتري في راس سدر - شرم الشيخ سابقا
يعني هل هيكون في مدن جديدة علي الطريق دا؟ ولا في موجود فعلا؟
كمان ايه تاثير دا علي المدن الجديدة الموجوده حاليا زي بدر و العبور والشروق
شكرا جزيلا
طبب الحمد لله في تحسن في البلد الناس ديه فعلا شغاله حتي لو الاسعار هترتفع بس في هيبقي تقدم مدن جديده
اللى بيحصل ده تهريج من الحكومة
واحد صاحبى دخل القرعة بتاعت الأندلس فى القاهرة الجديدة و ما كسبش
عمل برينت من أسماء الناس اللى كسبت بأرقام القطع ( معرفش جابه منين من النت ) و بدأ يعمل بحث عن أراضى معروضه و كانت المفاجأة :
ناس كتير عرضت أراضيها للبيع بس الأغلب عن طريق مكاتب سمسرة ( حيتان الأراضى بالمدن الجديدة ) و الأسعار نار كمثال واحد عارض أرضه حوالى 500 متر طالب فيها 800 ألف + 250 ألف دفعهم و الباقى يكمله المشترى . يعنى عايز يدفع 250 و ياخد عليهم 800 فى أقل من شهر .
بالمنظر ده يبقى الحكومة بترفع أسعار الأراضى و الشقق بشكل رهيب و تزيد الأزمة بدلا من حلها
قمة التخلف
يعني هينقل العاصمة 50 كيلو على حدود العاصمة القديمة
ما ده قمة التخلف
إحنا بنحل مشكلة التكدس وتضخم العاصمة القديمة
نقوم نلزق فيها العاصمة الجديدة !!!!!!!!!!!!!
!!!!!!!!!!!
ده إيه فكر الجهله ده ؟
ولا البهوات واخدين هناك وبيسقعوا وهيعملوا العاصمة الجديدة سبوبة عشان يبيعوا ؟!
لو فيه رجاله صحيح
لو في
ينقلوا العاصمة سيناء
أيوه
سيناء
ده لو في راجل يقدر ياخد القرار ده
لكن من الوقتي أنا بقول مفيش
إتفاقية الإحتفاظ بسيناء خرابه تنفذ بالمللي من أربعين سنة
ويطلعوا يقلولك هننقل العاصمة القديمة من القاهرة
عشان الزحمة
وهتودوها فين يا فنانين
هنوديها
هنوديها على الدائري
ههههههههههههههههه
لا حول ولا قوة إلا بالله