بالصور تحويل دريكسيون الانوس من ثابت لمتحرك
بسم الله الرحمن الرحيم
انا حولت عامود الدريكسيون الثابت فى عربيتى الى متحرك :)
الموديل دايو لانوس 1 1996
التكلفة : شراء عامود دريكسيون متحرك بالفلنشة 100جنيه
تركيبه 30جنيه بس محبه عند الكهربائى الى بتعامل معاه
شراء فبره دريكسيون متحرك بيبقى فيها فتحه عشان الدراع المتحرك 50جنيه
ده العامود القديم الثابت الى كان فى عربيتى
https://e-a.d-cd.net/fd3e718s-480.jpg
وده الى اشتريته استيراد عامود متحرك
https://b-a.d-cd.net/3a3e718s-960.jpg
ملحوظة لما تركب العامود ده بلاش تدق عليه من فوق عشان تركبه حاول على قد ما تقدر تتفادى الدق عشان البلى مييفرتش وتحس بخشانه فى حركه الدريكسيون ويتهز معاك عاوز صنيعى شاطر وتركب افيز صغير عند اخر العامود فيه بلاستيكه بيضاء بتتكبس لاخر العامود وتحط افيز وراها عشان متطلعش فى حركه الدريكسيون دى بتحكم العامود كويس ولو دق عليه وحسيت الدريكسيون بيتهز فيه بوش كتير هيضرب ع السوسته الى فوق ف وش العامود تطلع مكان السوسته فى وش العامود تحت الطاره لما تشيلها والكلاكس تحت المسمار الى ف الوش ده
https://f-a.d-cd.net/fe3e718s-480.jpg
ودى الفبره الى فيها الفتحه عشان الدراع المتحرك
https://b-a.d-cd.net/b3e718s-960.jpg
شكل العامود بعد التركيب
https://b-a.d-cd.net/693e718s-480.jpg
وبس كده اوبشن لذيذ زياده كماليات فى عربيتك ومريح فى السواقه لما تكون مسافر او وسط البلد محتاج تعدل وضعيه الدريكسيون لطبيعه يومك وسواقتك اى استفسار انا تحت امركم لانى وقف وركبت بايدى حاجات فنيه اخدت بالى منها وانا مع الصنايعيه لانى دخت ف الاول كل صنايعى وله طريقه :)