في شغل تسويق أنا هدخله وطبعا هحتاج أكلم كل الشبكات ومكالمات كتيييييييييييييير !!
أنا عايز أجيب خط وأشترك ف أرخص عرض لكل الشبكات ومش عارف أجيب إي ؟!!؟
ياريت اللي جرب حاجة زي كدة يفيدني أجيب خط إي وأشترك ف أنهي عرض
عرض للطباعة
في شغل تسويق أنا هدخله وطبعا هحتاج أكلم كل الشبكات ومكالمات كتيييييييييييييير !!
أنا عايز أجيب خط وأشترك ف أرخص عرض لكل الشبكات ومش عارف أجيب إي ؟!!؟
ياريت اللي جرب حاجة زي كدة يفيدني أجيب خط إي وأشترك ف أنهي عرض
انا شايف ان خط فودافون فيليكس افضل واحد فيهم......لدرجى انا فكرة اشترى خط فودافون مخصوص علشان الفليكس دا.
عليك وعلى انظمة كنترول وتكلم كل واحد على نفس شبكته
فودافون كنترول فليكس 35 جنيه تاخد 1200 دقيقة لفودافون
اتصالات كلب برضه هتاخد بتاع 1200 دقيقة لاتصالات
موبينيل ستار كنترول وهتاخد برضه نفس عدد الدقايق لموبينيل
معلش اسف .. افتكرت انك عايز خط من كل شركة
لو خط واحد بس .. اشترك فى اتصالات ماي لايف
اقل واحد ب 150 جنيه وبتاخد 1000 دقيقة لكل الشبكات ده غير الانترنت والرسايل والمزايا التانية
My Life
أنا قرأت عن نظام فليكس برضه بس شايفه عادي يعني ميستاهلش الضجة الجامدة اللي عمها !!
أقل واحد 150 !!
ده كدة فليكس أحسن بقى
السلام عليكم
احسنهم على الاطلاق
فودافون كنترول فليكس
فيه مميزات ممتازة
الا وهى
بتكلم اى حد فودافون بفليكس واحد
بتكلم اى حد تانى ب 5 فليكس
يعنى كله من الفليكسات
رسالة لأى حد فى مصر بفليكس واحد
وتدخل نت عادى والواحد ميجا بفلكيس بردو
والكول تون وخدمة صوتية وانتظار المكلمات كله من الفليكس
شوف يا سيدى
ابو 20 جنيه بتدفع 23 بالضريبة وبتاخد 500 فليكس
انا عن نفسى مشترك فى فودافون كنترول فليكس 40
وده ب 46 جنيه
بيدنى 1600 فليكس
بكلم بيهم طوب الأرض وببعت رسايل وبدخل نت
ومش بيخلصو الحمد لله
وفيه نظام كنترول فليكس 80 تقريبا وهتضيف عليهم 15 فى الميه ضريبة
وبيديك فليكات بالهبل كدا
ده على حد علمى افضل نظام فى الشبكات كلها
بالتوفيق فى الشغل الجديد
كونترول من موبينيل
انا كنت مشترك فى كنترول 50 بس مش كويس للشركات التانية طبعا من موبينيل لموبينيل دقايق اكتر
ابو فليكس ده ممكن حد يشرحه اكتر
يعني اهم حاجه من فودافون لباقي الشبكات بيدي كام دقيقه ؟
انا مشترك في موبينيل ابو 1200دقيقه بس بفكر الغي النظام ده لاني بسبلهم كل شهر مش اقل من 800 دقيقه
احسبها وشوف
عندك فى فليكس 46 جنيه ده .. هتاخد 1600 فليكس
لو هتاخدهم كلهم للشبكات التانية يبقى 320 دقيقة بس .. يعني الدقيقة بحوالي (46 جنيه / 320 دقيقة) ب 14 قرش !!! مفيش اي ميزة فى النظام
وهيقلوا لو استخدمت منهم للنت او مكالمات لفودافون
ولو هتاخد نظام فليكس 80 جنيه:
هتاخد 3200 فليكس .. لو كلهم للشبكات التانية يعني 640 دقيقة بس !! وهيقلوا برضه لو استخدمت فليكس لمكالمات فودافون او دخلت على الانترنت
لكن فى بتاع اتصالات هتدفع 150 وهتاخد دقايق ورسايل لكل الشبكات وانترنت كمان ومزايا تانية لو حابب تستخدمها
وفي الاخر على حسب استخدامك
يعني انا مثلا بستخدم انترنت جيجا فى الشهر .. يعني 1024 فليكس .. يتبقالي كام فليكس اتكلم بيهم؟؟
على العكس بقه .. انا مشترك في فودافون كنترول (علشان اغلب المكالمات لفودافون) ب 35 جنيه .. وضايف عليهم نت ب 25 جنيه .. يعني احمالي 60 جنيه وباخد 1200 دقيقة لفودافون و جيجا انترنت وشكرا على كده
وبفكر جديا احول لنظام ماي لايف ده علشان استمتع بالمزايا التانية .. بس مشكلتي مع اتصالات هي شبكة الانترنت الزبالة بتاعتهم (كلهم زبالة الصراحة لكن اتصالات بزيادة قوي)
متبصش للفلوس بس .. شوف هتاخد ايه مقابل الفلوس اللى هتدفعها