موقع souq والعطور !!

**grumby78** · 31-12-2014 06:31 PM

المشاركة الأصلية كتبت بواسطة mrbebo

اشتريت من جوميا وكان ارخص الربع من سعر السوق وفعلا طلع اصلي

في ناس بتتكلم فعلا عن جودة سلع جوميا مقارنة بسوق . انا جربت من سوق موبايلات و اكسسواراتها و تابلت سامسونج وكنت موفق الحقيقة بس العطور مجربتهاش . شكرا لنقل تجربتك

**grumby78** · 31-12-2014 06:32 PM

المشاركة الأصلية كتبت بواسطة hamo81

تجربتي من الموقع إنه محترم وبيوصلني نفس الحاجة المعروضة بالظبط وأيضا طريقة تغليفة للمنتج ممتازة
انا أشتريت 2 تليفزيون ولابتوب وريسيفر وتابلت وبصراحة وفرت فيهم مالايقل عن 2000 جنيه عن السوق

اوافقك على الكلام ده في الالكترونيات والموبايلات لاني جربتها لكن العطور سعرها يكك فعلا وفروقها عن السوق كبيرة . شكرا لنقل تجربتك

**grumby78** · 31-12-2014 06:33 PM

المشاركة الأصلية كتبت بواسطة elawany13

اشتريت تابلت صينى من عليه ztoch بسعر 750 جنيه من عليه وليه مواصفات معينة
فوجئت ان اللى جالى تابلت سامسونج معمول تحت بير السلم ذاكرته 16 ميجا فقط
واترمى فى الزبالة بعدها بشهر

يافندم للاسف الصيني ده انت وحظك يكفي انك متعرفش حاجة عن الماركة

**grumby78** · 31-12-2014 06:35 PM

المشاركة الأصلية كتبت بواسطة ahmedwagdy03

لا أنصحك بالمرة . مش أصلى

تجربتى مع سوق دوت كوم للعطور كالآتى

فى مايو 2013 لقيت أوفر على عطر cool water -ocean pacifice من دافى دوف و كان سعره حوالى 149 ريال سعودى
عملت الأوردر و وصل فى الميعاد بدون أى مشاكل و إستلمته و العلبة لا غبار عليها .
الحمد لله أزعم ( و فوق كل ذى علم عليم ) أنى من الخبرة لكى أميز العطور الأصلية و الهاى كوبى و وارد جبل على و المضروب و الصينى و الهندى و ذلك من كثرة ما إشتريت من عطور من أماكن مختلفة منها العالى و منها السوق المحلى و كتيرا ما صابت و خابت معايا بمعنى إنضحك عليا ( نظام قتلت و إتقتلت كتير )
طبعا يوجد فى الرياض أماكن كثيرة لشراء العطور بأسعار معقولة مثل البطحا و المنفوحة و السويقة و كلها جربتها و إشتريت منها . فذهبت و إشتريت نفس العطر و نفس الحجم من السويقة بسعر 105 ريال بعد الفصال و أنا أعلم جيدا أنه هاى كوبى
النتيجة : لا فرق إطلاقا بين العطرين لا فى الرائحة أو الثبات أو حتى شكل العبوة .

الكلام ده فى السعودية و يوجد نوعا ما رقابة و غرفة تجارية و حماية مستهلك و هى تعمل بضمير نوعا ما . فما بالك بمصر حيث غياب أى رقابة من أى نوع .

انا برضو السعر شككني جدا .. حتى السعودية بقى فيها نصب وغش ..؟؟

**grumby78** · 31-12-2014 06:36 PM

المشاركة الأصلية كتبت بواسطة 4fun14

زميلتي خبره ف العطور واشترت كتير اصلي واشترت من سوق..
بتقولي انها بتحب تشتري من سوق رغم انه هاي كوبي
في فرق كبير ف السعر بينه وبين الاوريجينال لكن فرق الكواليتي صغير فشايفه انه صفقة رابحه

بس انا ضد اني ادفع حتى ربع الثمن في حاجة مضروبة تسوق انها اصليه .. شكرا لمشاركتك يافندم

**h_shahin** · 31-12-2014 10:53 PM

جوميا أفضل من سوق فعلا يكفى إن كل تعاملتها بفواتير ضريبية و مختومة أما سوق فلا

إن كان و لابد الشراء من سوق فتأكد إن البائع هو موقع سوق نفسه أو DOD Egypt
و لكن يبقى عندهم مشاكل كبيرة في الضمان و خدمة ما بعد البيع

**ahmedwagdy03** · 01-01-2015 08:06 AM

بصوا يا جماعة الخير . القاعدة رقم واحد فى شراء أى عطر

مستحيل أن يبيع التاجر عطر أصلى منتج فى المصنع الأم فى بلاده بسعر يصل إلى 40% أو 50% من السعر الأصلى الذى يبيع به المصنع

يبقى لما ألاقى عطر سعره الذى يبيع به المنتج حوالى 80-90 دولار و ألاقى التاجر يبيع 200-300 جنية و يحلف أنه أصلى يبقى العيب فيا إنى لغيت عقلى و صدقته.