السلام عليكم
أنا اتخرجت وخلصت الجيش وبدور على فرصة سفر كويسة !!
اتقالي إني لآزم علشان أطلع باسبور أسافر بيه لآزم أغير المهنة ف البطاقة من طالب إلى حاصل على !
أنا مش عارف أروح السجل المدني بأوراق إي واطلعها ازاي !
ياريت لو حد يفيدني ف الموضوع ده يبقى كتر خيره
وكمان ياريت حد يقولي أطلع جواز سفر من دلوقت ولآ استنى لما فرصة سفر تجيلي
ولو أطلعه دلوقت أمشي ازاي فى إجراءاته !!
شكرا
تروح بشهادة التخرج فقط تغير المهنة في بطاقة الرقم القومي.. وطلع الباسبور من دلوقتي افضل وخليه معاك انا استلمته بعدها باسبوع تقريبا . بالتوفيق
اقتباس:
المشاركة الأصلية كتبت بواسطة mahmoud naguib
انا حقولك الى عملته بس ده كان من 10 سنين
لاستخراج بطاقه جديدة - خد معاك اصل المؤهل و صورة لانهم حياخدو الصورة و يطلعو على الاصل
و الباقى الاجراءات العاديه للبطاقه - اصل البطاقه القديمه و صوره منها و استمارة البطاقه
بالنسبه للباسبور
حتروح الجوازات التابعه لقسم الشرطه الى انت فيه
حتروح و معاك اصل شهادة الجيش و3 صورشخصيه بخلفيه بيضاء و يكون وشك بالمواجهه و خد اصل المؤهل احتياطى معاك لانهم بغزاله و تطلب استمارة استخراج باسبور و حتقدمها و تستلمه بعد 3 ايام
متنساش تصور الاوراق كلها نسختين قبل ما تروح علشان ميمشوركش
شكرا لردودكم الجميلة
بس أنا كنت حابب أسأل هو أنا هروح الكلية باستمارة البطاقة علشان أختمها ولآ هخلصها على طول بالشهادة الأصلية !؟!؟؟
اقتباس:
المشاركة الأصلية كتبت بواسطة mahmoud naguib
انت معاك المؤهل ( الشهادة حتى الموءقته ) حتخلص بيها
طيب في اقتراح تاني
وهو إني أقدم ف نقابة الزراعيين وهيتكتبلي مهندس زراعي حر
كدة أفضل ولآ اني يتكتبلي حاصل على ؟؟
وهيتكتب إي ف الباسبور لو اشتركت ف النقابة
متستعجلش الخطوه دي
يعني عقد العمل والفيزا اللي ممكن تجيلك المسمى الوظيفي فيها ممكن يكون مختلف
وبكده هتضطر تغير تاني
الكلام ده عن تجربه
يعني أخليها حاصل على بس !!
وهو لو عقد العمل والفيزا جهم بمسمى تاني هل هيكون في مشكلة !!؟؟؟
هو لو كان عندي باسبور قديم بس منتهى عشان كنت طالب
وضاع من اكتر من 10 سنين
هل ينفع اطلع واحد جديد ولا حيطلعوا عيني عشان اجيب لهم القديم ؟؟