الموضوع: الحبس سنة مع الشغل لـ«35» سائق بتهمة السير عكس الاتجاه بالإسكندرية

عقوبه شديده شويه
بس كلمه عمدا دى
خلتنى اقول يستاهلوا..
لو الواحد فى بلد غريبه ومش
عارف الاتجاهات غرامه الالف جنيه
ممكن ..لكن امشى عكس الاتجاه وعمدا
دى حاجه تحرق الدم..

المشاركة الأصلية كتبت بواسطة adelghanem

عقوبه شديده شويه
بس كلمه عمدا دى
خلتنى اقول يستاهلوا..
لو الواحد فى بلد غريبه ومش
عارف الاتجاهات غرامه الالف جنيه
ممكن ..لكن امشى عكس الاتجاه وعمدا
دى حاجه تحرق الدم..

تفرق كتييير لما واحد يدخل شارع إتجاه واحد عكس الإتجاه سهواً أو جهلاً عن البلطجية إللى مقضيينها عكس الإتجاه طول النهار والليل وخصوصاً الموتوسيكلات والميكروباصات والتكاتك .. ده الفجر وصل لطرق السفر السريعة سواء كانت زراعية أو صحراوية سواء من سيارات النقل أو النصف نقل والجرارات والميكروباصات .. ولو نظرت له نظرة إعتراض أو إستغراب ممكن يشتم على أقل تقدير ولو فتحت بقك ممكن ينزل يضربك ويكسر لك عربيتك

بصراحة السجن سنة شوية عليهم

الي يمشي عكس الاتجاه المفروض يتحبس السنه ورخصته تتلغي وميسوقش عربيات تاني هي الشوار ناقصه قرف

يا جماعه المفروض يبقى الموضوع العقابى عقلانى اكتر من كده
طبعاً مفيش عذر للى بيمشى عكس الاتجاه عمداً
انما انا مره روحت اكتوبر ومكانش فيه اى يافظه ارشاديه خالص تدل ان ده عكس الاتجاه ولا لاء وعسكرى المرور كان واقف مستخبى علشان عارف ان الناس كلها بتغلط فى الحته ديه ودفعت مخالفه 1000 جنيه عكس اتجاه فالعسكرى واقف فى المكان المستخبى ده علشان يسجل المخالفه او تنزل تظرفه 100 جنيه اقل واجب
لانه لو غرضه مصلحة الماره كان وقف فى مكان ظاهر وحطوا يافطه تبين ان الاتجاه ده عكسى

مثال اخر
شارع الشهيد عبدالمنعم رياض طول عمره خارج من ميدان الثوره الى شار ع البطل أحمد عبدالعزيز فمره واحده غيروا اتجاهه بحيث انه يكون داخل من البطل فى اتجاه ميدان الثوره
فتخيل مثلا لو حد كان فى المهندسين بالصدفه من شهرين وجه بعد شهرين يدخل الشارع يلاقى ان الشارع بقى عكس وطبعاً مش هيعرف كده الا فى اخر الشارع لان عسكرى المرور واقف فى اخر الشارع مش فى اوله لتحصيل الغرامه

وكذلك شارع العريش بالهرم كان علطول داخل من فيصل وخارج للهرم مره واحده خلوه داخل من الهرم وخارج لفيصل وبعد كده بقى اتجاهين فاللى ليه مشوار مش كل يوم فى الشارع ده مش هيعرف ان الشارع اتعكس اتجاهه الا بعد ما يدخله
فمثلا اللى متعمد يمشى عكس خلى الغرامه 5000 الاف جنيه او اسحب من الرخصه لمده سنتين والكلام ده كمان يتطبق لو كان هيمشى على كل الناس بما فيهم المستشارين والظباط ده كان من شهرين ظابط شرطه ماشى عكس اتجاه على كوبرى قصر النيل ومحامى قاله كده غلط نزل خده على القسم وضربوه والموضوع طلع فى الجرائد