معايا 60 الف ومحتاج عربية سواء فى الجديد او المستعمل

انا لسة هاتعلم السواقة وعايز أجيب عربية.. انا إن شاء الله ناوي أجيب عربية اتوماتيك ومش هاسوق بعد كدة غير اتوماتيك.. ومش هاتعلم مانيوال.. وليا سؤال ياريت بالله عليكم تساعدوني على إجابته.

السؤال المعتاد دائما: أجيب عربية جديدة ولا مستعمل علما بأن المبلغ اللي معايا 60 الف سواء للجديد او المستعمل.. في الجديد انا مقتنع جدااااا بالبيجو 301 تقسيط واعمل عليها تأمين.. لكن المستعمل سمعت حاجات كتير..

* لو مستعمل عايز احط الحاجات دي في اعتباري: (الغرض من العربية)

انا عايز عربية واسعة جداا من جوة..شكلها فخم من برة ولونها غامق.. اعطالها مش كتير (يعني اول ما اجبها اصرف عليها مبلغ كويس وتكون اعطالها بعد كدة شبه مش موجودة عشان السفر).. قطع غيارها رخيصة عشان الخبطات الكتير وكدة.. تتباع بسهولة عشان انا اخري في مصر 3 او 4 سنين ومسافر ان شاء الله.. ويكون فيها على الأقل واحدة Air Bag للسواق والفرامل يكون فيها ABS...

- ناس كتير اتشكرت في العربيات الآتية كمستعمل اخبط فيها وفي حدود ال 60 الف ( الماتريكس - أوبل فيكترا - إلنترا - تويوتا كورولا - لانسر - دايو - فورد فوكس) كل دا طبعا موديلات قديمة.

- وناس تانية قالو بال 60 ممكن تجيب عربيات زي ( الفيرنا والأفيو والانوس واللوجان ) موديلات احدث شوية.


** العربية غالبا استخدامها هايكون جوة البلد وهسافر بيها كل اسبوع مرة واحدة من القاهرة لأسكندرية.


- أجيب جديد ولا مستعمل ولو مستعمل أجيب ايه في كل الحاجات اللي فوق دي؟؟؟



تم تعديل العنوان ليتناسب مع المحتوى
تم النقل للقسم المختص
م ب 3

طبعا تجيب مستعمل عشان لسه بتبتدي و مش شرط تخليها معاك 4 سنين زي ما بتقول ممكن سنة واحدة وتقلبها وتجيب واحدة جديدة بس تكون بتسوق كويس لو مستعمل في الرينج دة وهتبيع تاني بسرعة يبقي فيرنا مستعملة ودي لو عندك قابلية التقسيط ممكن تجيبها جديدة لأن خبطتها بتتلم بربع جنيه فا دي مش فارقة مستعملة او جديدة بس مش عارف الجديدة اوتوماتيك ولا لأ نصيحة بلاش عربيات اعلي من كدة لأنك كل اما هتعلي في السعر هتعلي في اسعار المستهلكات وقطع الغيار والانسان لما يكون بادئ يسوق اكيد ممكن يغلط بسهولة لحد ما يتمكن من السواقة وربنا يسترها معاك ويهديك الاختيار الصحيح

العقل بيقول انك تجيب عربية جديدة احسن من المستعمل طبعا
لكن الواقع هنا فى البلد بيقول انك تتعلم كويس الأول على عربية مستعملة وبعدين تبقى تفكر فى الجديد. حاول تزود شوية وهات اوبترا موديل قريب وحالة كويسة وبلاش قديم
نصيحة لوجه الله : ابعد عن القسط والكلام ده علشان متدخلش فى سكة المعاملات الربوية
الله يوفقك لما فيه الخير

بص. لو جبت مستعمل ب 60000 مش حتبقى حاجة كويسة خصوصا إنك طالب أوتوماتيك. ممكن مثلا نوبيرا أوتوماتيك موديل 2007 2008 مثلا أفضل الإختيارات بالنسبالي في حدود أنها واسعة ومريحة إلي حد كبير.

اللانوس ضيقة جدا مش زي منتا عاير وهي والفيرنا والفئات دي بلا عوامل أمان.

العربيات إلي ممكن تتكلم فيها تطابق المواصفات دي: كورولا - لانسر - فيكترا - فوكس - أوكتافيا ,, ودول حيعدوا 80000 بكثير.

رأيي تشتري دماغك وتحط المبلغ دا مقدم لأي عربية زيرو وأرشحلك بقوة بناء علي طلبك ((لانسر شارك الفئة الثانية - بيجو 301 الفئة الثانية أو الأخيرة - فلوانس))

شكرا جداا لحضرتك.. الفيرنا للأسف مواصفات آمان سيئة والاتوماتيك جديد فيها بحوالي 95 الف فاهيبقى خسارة.. ممكن أدور على حاجة اتوماتيك مستعملة

بص نصيحه من واحده بقالها حوالى 5 شهور بتدور فالمستعمل فى نفس حدود المبلغ مش هتلاقى أتوماتيك يعجبك فى المستعمل ب 60 لو دماغك فى حاجات فوق 2006 الا لو معندكش مشكله فالقديم بقا ودا بردو مش حاجه كويسه ﻷن صعب تلاقى حاجه نضيفه وحرام تحط مبلغ زى دا فى حاجه قديمه ...
بالنسبه للجديد فهو أفضل كتير طبعا لو مقدم ب 60 يكون كويس جدا مع أنى معرفش حدودك كام فالجديد بس خلينى أقولك فى أقل حاجه
السويفت الكل بيشكر فيها أوى هى ب 115 وانا شخصيا ركبتها بس ممشيتش بيها واسعه وحلوه وتابلوه جميل أوى وامكانيتها حلوه أوى وفيها abs


أو لو عندك الأمكانيه انك تدخل فى فئات أعلى من كده فى حدود 160 أو اكتر عندك فورد فيستا أو سيات ليون او تويوتا أوريس أو فلونس كتير بيشكروا فيها أوى بردو والفورد فوكاس وهميه انا ركبتها وأول فئه فيها كل معاملات الأمان اللى ممكن تتخيلها تحفه وكانوا عاملين عليها عرض قسط بفايده 2% على 5 سنين فلو عندك امكانيه وشفت الكومنت بتاعى دلوقت الحق روح اخر يوم فالعرض انهارده :D

بالنسبه ل ال 301 نصيحه ابعد عنها عشان بيتقال ان تقفياها تركى مش حلو مش زى 508 فرنساوى 100%

وربنا يوفقك وتجيب حاجه تريحك

اقتباس:

---

المشاركة الأصلية كتبت بواسطة marwanragab

طبعا تجيب مستعمل عشان لسه بتبتدي و مش شرط تخليها معاك 4 سنين زي ما بتقول ممكن سنة واحدة وتقلبها وتجيب واحدة جديدة بس تكون بتسوق كويس لو مستعمل في الرينج دة وهتبيع تاني بسرعة يبقي فيرنا مستعملة ودي لو عندك قابلية التقسيط ممكن تجيبها جديدة لأن خبطتها بتتلم بربع جنيه فا دي مش فارقة مستعملة او جديدة بس مش عارف الجديدة اوتوماتيك ولا لأ نصيحة بلاش عربيات اعلي من كدة لأنك كل اما هتعلي في السعر هتعلي في اسعار المستهلكات وقطع الغيار والانسان لما يكون بادئ يسوق اكيد ممكن يغلط بسهولة لحد ما يتمكن من السواقة وربنا يسترها معاك ويهديك الاختيار الصحيح

---

شكرا جداا لحضرتك.. الفيرنا للأسف مواصفات آمان سيئة والاتوماتيك جديد فيها بحوالي 95 الف فاهيبقى خسارة.. ممكن أدور على حاجة اتوماتيك مستعملة.. ويارب فعلا يهيديني الاختيار الصحيح.. شكرا

اقتباس:

---

المشاركة الأصلية كتبت بواسطة mohamed_hamid

العقل بيقول انك تجيب عربية جديدة احسن من المستعمل طبعا
لكن الواقع هنا فى البلد بيقول انك تتعلم كويس الأول على عربية مستعملة وبعدين تبقى تفكر فى الجديد. حاول تزود شوية وهات اوبترا موديل قريب وحالة كويسة وبلاش قديم
نصيحة لوجه الله : ابعد عن القسط والكلام ده علشان متدخلش فى سكة المعاملات الربوية
الله يوفقك لما فيه الخير

---

شكرا جداا لحضرتك.. الأوبترا فعلا اقتراح كويس ومكنش في بالي في الصراحة من الأول.. بالنسبة للمعاملات الربوية كان زملائنا الأفاضل هنا عرضو موضوع شيق جداا عن الموضوع دا خلاصته ان بنك فيصل الإسلامي او الجهة الوحيدة تقريبا في مصر بتتعامل اسلامي بس بيطلب مقدم عالي 35% ودا على حد علمي الصراحة.. وفي بعض معارض اخرى بتقسط بردو اسلامي بس فايدتها كبيرة جداا.. شكرا للمرور

اقتباس:

---

المشاركة الأصلية كتبت بواسطة eng_amg

بص. لو جبت مستعمل ب 60000 مش حتبقى حاجة كويسة خصوصا إنك طالب أوتوماتيك. ممكن مثلا نوبيرا أوتوماتيك موديل 2007 2008 مثلا أفضل الإختيارات بالنسبالي في حدود أنها واسعة ومريحة إلي حد كبير.

اللانوس ضيقة جدا مش زي منتا عاير وهي والفيرنا والفئات دي بلا عوامل أمان.

العربيات إلي ممكن تتكلم فيها تطابق المواصفات دي: كورولا - لانسر - فيكترا - فوكس - أوكتافيا ,, ودول حيعدوا 80000 بكثير.

رأيي تشتري دماغك وتحط المبلغ دا مقدم لأي عربية زيرو وأرشحلك بقوة بناء علي طلبك ((لانسر شارك الفئة الثانية - بيجو 301 الفئة الثانية أو الأخيرة - فلوانس))

---

النوبيرا فعلا الناس اتشكرت فيها كتير .. وناس قالت كريستاله بردو حالتها كويسة.. ودا هايتوقف على حالة العربية.. انا لاقيت في الفوكس كذا عربية حالتهم حلوة على موقع Contactcars وسعرهم في حدود ال 60 بس طبعا معرفش حالتهم في الواقع عاملة الزاي..

بالنسبة للجديد انا مقتنع جداا بالبيجو لون أسمر بس لو اتخبطت عشان قلة خبرة في السواقة مني يعني لا قدر الله انا ممكن يجيني سكتة قلبية :E_braces[1]:

اقتباس:

---

المشاركة الأصلية كتبت بواسطة smora

بص نصيحه من واحده بقالها حوالى 5 شهور بتدور فالمستعمل فى نفس حدود المبلغ مش هتلاقى أتوماتيك يعجبك فى المستعمل ب 60 لو دماغك فى حاجات فوق 2006 الا لو معندكش مشكله فالقديم بقا ودا بردو مش حاجه كويسه ﻷن صعب تلاقى حاجه نضيفه وحرام تحط مبلغ زى دا فى حاجه قديمه ...
بالنسبه للجديد فهو أفضل كتير طبعا لو مقدم ب 60 يكون كويس جدا مع أنى معرفش حدودك كام فالجديد بس خلينى أقولك فى أقل حاجه
السويفت الكل بيشكر فيها أوى هى ب 115 وانا شخصيا ركبتها بس ممشيتش بيها واسعه وحلوه وتابلوه جميل أوى وامكانيتها حلوه أوى وفيها abs


أو لو عندك الأمكانيه انك تدخل فى فئات أعلى من كده فى حدود 160 أو اكتر عندك فورد فيستا أو سيات ليون او تويوتا أوريس أو فلونس كتير بيشكروا فيها أوى بردو والفورد فوكاس وهميه انا ركبتها وأول فئه فيها كل معاملات الأمان اللى ممكن تتخيلها تحفه وكانوا عاملين عليها عرض قسط بفايده 2% على 5 سنين فلو عندك امكانيه وشفت الكومنت بتاعى دلوقت الحق روح اخر يوم فالعرض انهارده :d

بالنسبه ل ال 301 نصيحه ابعد عنها عشان بيتقال ان تقفياها تركى مش حلو مش زى 508 فرنساوى 100%

وربنا يوفقك وتجيب حاجه تريحك

---

شكرا جدا لحضرتك.. بالنسبة للمستعمل انا كل اللي عايزو عربية اتعلم عليها كام شهر بكتيرو سنة وتكون قابلة للبيع عشان أعرف ابيعها واحطها في مقدم الجديد.. انما خبطة الجديد مش هوينة الصراحة.. عرض التقسيط كدة خلاص كل سنة وانتي طيبة :d

ال 301 تصنيع فرنساوي تقفيل أسباني .. دا اللي اسمعو عنها لحد دلوقتي والله أعلم

زود وهات ياريس 2007 مستعمله اوتوماتيك فيها كل حاجه اقل من كده لاء

اقتباس:

---

المشاركة الأصلية كتبت بواسطة mohamed awny91

شكرا جداا لحضرتك.. الأوبترا فعلا اقتراح كويس ومكنش في بالي في الصراحة من الأول.. بالنسبة للمعاملات الربوية كان زملائنا الأفاضل هنا عرضو موضوع شيق جداا عن الموضوع دا خلاصته ان بنك فيصل الإسلامي او الجهة الوحيدة تقريبا في مصر بتتعامل اسلامي بس بيطلب مقدم عالي 35% ودا على حد علمي الصراحة.. وفي بعض معارض اخرى بتقسط بردو اسلامي بس فايدتها كبيرة جداا.. شكرا للمرور

---

ممكن تشوف تقسيط مباشر مع المعرض . ممكن تشوف عبد اللطيف جميل

اقتباس:

---

المشاركة الأصلية كتبت بواسطة Mohamed Awny91

شكرا جدا لحضرتك.. بالنسبة للمستعمل انا كل اللي عايزو عربية اتعلم عليها كام شهر بكتيرو سنة وتكون قابلة للبيع عشان أعرف ابيعها واحطها في مقدم الجديد.. انما خبطة الجديد مش هوينة الصراحة.. عرض التقسيط كدة خلاص كل سنة وانتي طيبة :d

ال 301 تصنيع فرنساوي تقفيل أسباني .. دا اللي اسمعو عنها لحد دلوقتي والله أعلم

---

طيب بص حيث كده وليك طقطان تنزل تلف فالمستعمل فالمبلغ دا من الأخر هيجيبلك
أوبترا 2006 أو 2007 أو سيراتو 2006 لحد 2008 أو ميجان 2006 ل 2008 بردو أعتقد دول أكتر حاجه تكون شغاله معاك وتتباع بسهوله وسرعه بعد كده وتلاقى فيهم حاجه كويسه

فى طبعا حاجات تانيه بس هتبقى صينى وأنا مبحبش انصح حد بالصينى صراحه لا مستعمل ولا جديد حتى

بالنسبه بقى لقصة القسط من الأخر بقا لو ليك فيه وهتعمله متسمعش كلام حد يقولك حرام والهرى ده ﻷن البنك بيشترى عربيه وبيبعهالك بالسعر اللى مناسب ليه بما أنها بقت فى ملكيته وحر التصرف فيها مفيهوش اى نوع من الربا وبيديك تسهيل انك تدفع براحتك وبيحط لنفسه ضمانات انك تدفعهم

زى كده أما انت تشترى عربيه وتبيعها بسعر غير اللى اشتريتها بيه هل دا معناه ربا؟؟!!!

ثالثا عبداللطيف جميل فورد بيقسط تقسيط مباشر وغالبا على حد علمى دا الوحيد فى مصر بيقسط تقسيط مباشر مع العلم انه بيقسط بكللللل شروط البنوك حتى الفايده بتاعته زى البنك وفى مصاريف اداريه وتأمين والذى منه

وبالمناسبه انا عاجبنى فى البيجو 208 أكتر حاجه شيك جدا وشكلها مش بتاعت مصر خالص :grin02:


وربنا يوفقك لما فيه الخير

اقتباس:

---

المشاركة الأصلية كتبت بواسطة mostafagaber

زود وهات ياريس 2007 مستعمله اوتوماتيك فيها كل حاجه اقل من كده لاء

---

شكرا جدا لحضرتك.. بس محتاج أعرف ازود قد ايه بالظبط وتبقي عاملة في حدود كام كيلو ؟

اقتباس:

---

المشاركة الأصلية كتبت بواسطة smora

طيب بص حيث كده وليك طقطان تنزل تلف فالمستعمل فالمبلغ دا من الأخر هيجيبلك
أوبترا 2006 أو 2007 أو سيراتو 2006 لحد 2008 أو ميجان 2006 ل 2008 بردو أعتقد دول أكتر حاجه تكون شغاله معاك وتتباع بسهوله وسرعه بعد كده وتلاقى فيهم حاجه كويسه

فى طبعا حاجات تانيه بس هتبقى صينى وأنا مبحبش انصح حد بالصينى صراحه لا مستعمل ولا جديد حتى

بالنسبه بقى لقصة القسط من الأخر بقا لو ليك فيه وهتعمله متسمعش كلام حد يقولك حرام والهرى ده ﻷن البنك بيشترى عربيه وبيبعهالك بالسعر اللى مناسب ليه بما أنها بقت فى ملكيته وحر التصرف فيها مفيهوش اى نوع من الربا وبيديك تسهيل انك تدفع براحتك وبيحط لنفسه ضمانات انك تدفعهم

زى كده أما انت تشترى عربيه وتبيعها بسعر غير اللى اشتريتها بيه هل دا معناه ربا؟؟!!!

ثالثا عبداللطيف جميل فورد بيقسط تقسيط مباشر وغالبا على حد علمى دا الوحيد فى مصر بيقسط تقسيط مباشر مع العلم انه بيقسط بكللللل شروط البنوك حتى الفايده بتاعته زى البنك وفى مصاريف اداريه وتأمين والذى منه

وبالمناسبه انا عاجبنى فى البيجو 208 أكتر حاجه شيك جدا وشكلها مش بتاعت مصر خالص :grin02:


وربنا يوفقك لما فيه الخير

---

اللهم آمين.. شكرا جدا لحضرتك مرة تانية.. الصيني طبعا مستبعد تماما زي ما حضرتك قولتي لأن صعب الواحد يعتمد عليه..

انا تقريبا حصرت أختيارتي في 4 حاجات ممكن احاول اتصرف بأي شكل وأزود الفلوس شوية واشوف حاجة كويسة من العربيات دي بالترتيب كدة (ماتريكس - ميجان - أوبترا - ياريس ) طبعا كلو موديل من 2005 ل 2008 .. وربنا يسهل إن شاء الله :)

اقتباس:

---

المشاركة الأصلية كتبت بواسطة smora

طيب بص حيث كده وليك طقطان تنزل تلف فالمستعمل فالمبلغ دا من الأخر هيجيبلك
أوبترا 2006 أو 2007 أو سيراتو 2006 لحد 2008 أو ميجان 2006 ل 2008 بردو أعتقد دول أكتر حاجه تكون شغاله معاك وتتباع بسهوله وسرعه بعد كده وتلاقى فيهم حاجه كويسه

فى طبعا حاجات تانيه بس هتبقى صينى وأنا مبحبش انصح حد بالصينى صراحه لا مستعمل ولا جديد حتى

بالنسبه بقى لقصة القسط من الأخر بقا لو ليك فيه وهتعمله متسمعش كلام حد يقولك حرام والهرى ده ﻷن البنك بيشترى عربيه وبيبعهالك بالسعر اللى مناسب ليه بما أنها بقت فى ملكيته وحر التصرف فيها مفيهوش اى نوع من الربا وبيديك تسهيل انك تدفع براحتك وبيحط لنفسه ضمانات انك تدفعهم

زى كده أما انت تشترى عربيه وتبيعها بسعر غير اللى اشتريتها بيه هل دا معناه ربا؟؟!!!

ثالثا عبداللطيف جميل فورد بيقسط تقسيط مباشر وغالبا على حد علمى دا الوحيد فى مصر بيقسط تقسيط مباشر مع العلم انه بيقسط بكللللل شروط البنوك حتى الفايده بتاعته زى البنك وفى مصاريف اداريه وتأمين والذى منه

وبالمناسبه انا عاجبنى فى البيجو 208 أكتر حاجه شيك جدا وشكلها مش بتاعت مصر خالص :grin02:


وربنا يوفقك لما فيه الخير

---

ممكن تدلنى على بنك واحد بيشترى العربية زى ما بتقول ؟

المبلغ فشريحة صعبة يعني لو تزيد وتوصل للياريس

بنك فيصل لا غبار عليه في التقسيط والله أعلم .. وبناء عليه رأيي إنك تشتري حاجة جديدة تقسيط لإن المستعمل حاليا مش قد كده الصراحة .. وربنا يهديك للأصلح .

اقتباس:

---

المشاركة الأصلية كتبت بواسطة s o p h o s

المبلغ فشريحة صعبة يعني لو تزيد وتوصل للياريس

---

شكراا جداا لحضرتك .. هحاول أزود ان شاء الله مبلغ ومش مشكلة اتأخر شوية.. الياريس بصراحة عربية جميلة بس مشكلتها انها ضيقة نسبيا وكمان 1300 سي سي واحنا عيلة كبيرة. انا حاليا بفاضل بين اوبترا وماتريكس وممكن ميجان.. كلو طبعا على حسب الحالة.

اقتباس:

---

المشاركة الأصلية كتبت بواسطة mohamed_hamid

ممكن تدلنى على بنك واحد بيشترى العربية زى ما بتقول ؟

---

بنك فيصل الإسلامي كان زمايلنا عملو موضوع مفصل عنو قبل كدة انو أقرب حاجة للحلال وفيه بعض المعارض كمان.

اقتباس:

---

المشاركة الأصلية كتبت بواسطة ahmzd

بنك فيصل لا غبار عليه في التقسيط والله أعلم .. وبناء عليه رأيي إنك تشتري حاجة جديدة تقسيط لإن المستعمل حاليا مش قد كده الصراحة .. وربنا يهديك للأصلح .

---

اه فعلا بنك فيصل محترم جدااا وتقريبا هو الوحيد اللي بيقسط إسلامي مع بعض المعارض. وانا لو جبت جديد مش هجيب غير تبع بنك فيصل ان شاء الله. بس الفكرة اني اجيب جديد واول مرة اسوق دي موضوع محير شوية.. لأن العربية لو اتخبطت هازعل جدا خصوصا لو غلطة مني يعني.

اقتباس:

---

المشاركة الأصلية كتبت بواسطة mohamed awny91

اه فعلا بنك فيصل محترم جدااا وتقريبا هو الوحيد اللي بيقسط إسلامي مع بعض المعارض. وانا لو جبت جديد مش هجيب غير تبع بنك فيصل ان شاء الله. بس الفكرة اني اجيب جديد واول مرة اسوق دي موضوع محير شوية.. لأن العربية لو اتخبطت هازعل جدا خصوصا لو غلطة مني يعني.

---

حضرتك خُد بالأسباب وسلّمها لله ، حتى اللي بيسوق بقاله 20 سنة زيي العربية بتتخبط منه عادي جدا هنا في بلدنا الجميلة حيث الميكروباص والتوكتوك والتربسكل والتاكسي والنقل والملاكي و... إلخ!! إنت اشتري أوتوماتيك عشان تسهّل المهمة على نفسك، واقعد لمدة شهر متواصل وبصورة يومية أو شبه يومية بتتدرب ع السواقة في أوقات وطرق رايقة وياريت يكون بصحبة حد بيعرف يسوق، ساعتها هتلاقي نفسك حفظت أبعاد العربية كويس وتقدر تدوس ف السواقة وإنت مطّمن .. وبعد كده الحرفنة تيجي مع الوقت وأهم حاجة حفظ ربنا وحمايته إن شاء الله، فالله خير حافظا وهو أرحم الراحمين.

اقتباس:

---

المشاركة الأصلية كتبت بواسطة mohamed awny91

بنك فيصل الإسلامي كان زمايلنا عملو موضوع مفصل عنو قبل كدة انو أقرب حاجة للحلال وفيه بعض المعارض كمان.

---

على حد علمى مفيش ينك بيشترى العربية شراء حقيفى من البنك وبعدين يبيعهالك بما فيهم بنك فيصل