الموضوع: بخصوص أسعار تأجير السيارات

شوف كل معلوماتي عن ايجار اللانسر و ده من حوالي سنة ايام ماكنت بأجر انها في حدود من 160 الي 180 و برضه علي حسب المدة و ليك 100كم/يوم و كل كيلومتر زيادة بجنيه

اللانوس و الفيرنا اقل افتكر في حدود 120 و ممكن توصل الي 100
اما بالنسبة للمخالفات و سحب الرخص اعتقد المكتب بيخلص المشاكل دي ده غير انك بتدفع تأمين في الاول علشان المشاكل دي او لاقدر الله حصل حاجة

بس نصيحة حاول تأجر من مكتب كويس و ياريت حد معرفة او عن طريق معرفة ده بيسهل الموضوع شوية

الف شكر يا باشا

يا ريت يا جماعه معلومات اكتر عن الاسعار بدل الواحد مايضحك عليه

خصوصا اني مسافر بيها فمش عارف ده هيفرق في السعر ولا لا

مسااااااااعده

الاحسن تكون عارف حد كويس

لأن اى حاجة بتحصل فى العربية, هيقرفوك فى عيشتك

المعارض العادية هيمضيك على وصل امانة, وفى منهم بياخد وصل على بياض كمان

نادرا لما مش هتمضى على حاجة زى كده

و مش هيرجع لك الورق ده او الوصل الا لو صلحت له الحاجة, و بيبقى فى ابتزاز جامد فى النقطة دى (لأنه معاه سيف على رقبتك)

الشركات زى Europcar و shahd limousine كويسين, حتى لو هتدفع اكتر, فالموضوع يستاهل, لأن و لا بتمضى على وصل امانه, و العربيات متأمن عليها

و العربيات بيتبق معمول لها صيانة اول بأول و حالتها اكتر من ممتازة, عكس عربيات مكاتب الايجار

المشاركة الأصلية كتبت بواسطة معاذ الشرباصى

الاحسن تكون عارف حد كويس

لأن اى حاجة بتحصل فى العربية, هيقرفوك فى عيشتك

المعارض العادية هيمضيك على وصل امانة, وفى منهم بياخد وصل على بياض كمان

نادرا لما مش هتمضى على حاجة زى كده

و مش هيرجع لك الورق ده او الوصل الا لو صلحت له الحاجة, و بيبقى فى ابتزاز جامد فى النقطة دى (لأنه معاه سيف على رقبتك)

الشركات زى Europcar و shahd limousine كويسين, حتى لو هتدفع اكتر, فالموضوع يستاهل, لأن و لا بتمضى على وصل امانه, و العربيات متأمن عليها

و العربيات بيتبق معمول لها صيانة اول بأول و حالتها اكتر من ممتازة, عكس عربيات مكاتب الايجار

انا هأجر العربية من مكتب بتاع ابن عمتي يعني موثوق فيه ان شاء الله

بس انا كنت عايز اعرف الرينج كام عشان مايبقاش فيه احراج ليا او ليه في تحديد التكلفه
خصوصا اني هاخدها اسبوع وغالبا عداد مفتوح عشان كده مش عارف سعر السوق في الحاله دي كام ؟

قول انواع العربيات المتوفرة علشان الناس تقرد تقولك المتوسط بتاعهم