الموضوع: الفلوس لغة العصر

المشاركة الأصلية كتبت بواسطة Ah.Farid

السؤال اصلا ما يتسألش من رجل
اولا توقيت السؤال بدرى جداااا ودة شىء يقلق ,,,,ثانيا سبب السؤال ,,,,,ثالثا هل السؤال وسط دردشة ومن باب الفضول ولا معلومة حابب يعرفها عشان يحطها ضمن حساباتة ,,,,دة كلة ممكن تعرفى من خلالة طبيعة اللى قدامك

هو شخصية هادية جدا و كلامه قليل علشان كدة فوجئت بالسؤال
يمكن انا لسة معرفوش كويس
بس اللى انا متأكدة منه انه مش محتاج لمرتبى لانه مش قد حاله مثلا و انا مرتبى مش الواو يعنى بس الحمد لله مكفينى بمصاريفى الشخصية
و مش انا الشخصية اللى بحوش و لو قلت له انا مش محوشة حاجة دلوقتى اكييييييد بقى هيفتكرنى مش بقول الحقيقة
خايفة تكون علامة ليا و انا مش حاطة فى بالى و اندم و خايفة برضو اكون مكبرة الموضوع
على فكرة هو سألنى بمناسبة انى اشتريت موبايل جديد غالى حوشت تمنه فى كام شهر و دى من المرات القليلة اووووى اللى احوش فيها و دى مناسبة السؤال

المشاركة الأصلية كتبت بواسطة hh

أوعي تكملي معاه!!!!! الراجل اللي يفكر بس خطيبته بتاخد كام و محوشة كام يبقى حاطط عينه على مرتبها و ده انسيييييييييييه تماما و الا حتندمي صدقيني. الست حاجة تانية طبيعي تبقى عايزة تعرف مرتبه و مستواه المادي عشان تعرف حيعيشها في مستوى شكله ايه, و ببساطة الراجل اللي بيسأل عنده نفس الهدف انه يعرف حيقدر يقلبها في قد كام. انت ترضيها؟؟

انا فعلااااااا خايفة جدا من كدة اوى اوى اوى
مع ان الفلوس اخر همى بس اسوأ حاجة تتجوزى واحد استغلالى و خصوصا لو مش محتاح
طيب رأيك اعمل ايه؟
اقول لاهلى و لا اجيبهاله على طول كدة و لا ايه؟

اتمنى من الله ان يكون سوال برى ولكن
الرجل دة لازم يتحت تحت كذا اختبار عشان يظهر ويبان على حقيقته
(بخيل ولا طماع ولا عامل عبيط )
هو دة الهدف الحقيقى من الخطوبه الاختبار وليس الجواز
يعنى الناس بتتخطب عشان تعرف هتكمل مع بعض الاول ولا لاء

المشاركة الأصلية كتبت بواسطة kiapicanto2014

انا فعلااااااا خايفة جدا من كدة اوى اوى اوى
مع ان الفلوس اخر همى بس اسوأ حاجة تتجوزى واحد استغلالى و خصوصا لو مش محتاح
طيب رأيك اعمل ايه؟
اقول لاهلى و لا اجيبهاله على طول كدة و لا ايه؟

بصي أنا مش عايزة أظلمه بس طبعا الموضوع يقلق جدا. و كونه محتاج أو لأ مش مقياس ممكن واحد ماعهوش بس كريم و واحد معاه و بخيل أو طماع. و بعدين ممكن ميكونش بخيل على نفسه خالص انما - أسفة في اللفظ - نتن و يستخسر فيكي و يبقى باصص للي في ايدك.

عموما حاولي تراجعي نفسك كدة و شوفي هل فيه شواهد تانية؟؟ لمل بييجي البيت هل ساعات بيجيب معاه حاجة؟؟ بتبقى من قيمته و لا بيسترخص؟؟ لو عدت عليكو مناسبات خاصة, عيد ميلاد مثلا, هل كان شكلة مستخسر في الهدية؟؟ لو خرجتوا مثلا هل بتحسي انه ماسك ايده و مش عايز يصرف؟؟ بيسيبك تدفعي ساعات؟؟.............الخ. حاولي تركزي شوية في التصرفات و الكلام اللي في الامور المادية و متتسرعيش.

و في نفس الوقت حاولي تجسي نبضه كده. يعني أحكي مثلا قدامه انك مرتبك يا دوب بيكفي مصاريفك و ساعات باباكي بيكمل لك أخر الشهر. و أحكيله ان زميلاتك في الشغل المتجوزين بياخدوا مصروف شخصي من أزواجهم بره مصروف البيت و شوفي رد فعله و تعليقه حيبقى ايه. بس خدي بالك ان الكلام ييجي أكنه بالصدفة و مش ورا بعضه عشان ما يفهمش و يمثل.

و الأخر حاجة طبعا متنسيش صلاة الاستخارة و أن شاء الله ربنا يوفقك للي فيه الخير

ده يبقى بارد و نطع كمان
واللى زى ده يبقى قليل الذوق و ممكن إنتهازى كمان ( شخصية زوج هياتم فى مسلسل الشك )و ضورى وراه حتلاقى كلامى مظبوط

المشاركة الأصلية كتبت بواسطة kiapicanto2014

على فكرة هو سألنى بمناسبة انى اشتريت موبايل جديد غالى حوشت تمنه فى كام شهر و دى من المرات القليلة اووووى اللى احوش فيها و دى مناسبة السؤال

يعنى انتى قولتيله لنك اشتريتى الموبيل من تحويش و بعد كده هو سألك انتى محوشة كام, اعتقد فى سيناريو زى ده السؤال ممكن يكون مبلوع شوية لو هو معندوش خبرة فى التعامل مع الناس او فتح مجال للكلام و الله اعلم

يعنى ممكن تحولى تتاكدى من حاجة زى كدة لو ركزتى شوية فى افعاله. و على فكرة فى ناس بتبص للحجات دى بحسن نية ان عشان انتى بتحوشي عشان تجيبى حاجة غالية انك على قدر من تحمل المسؤلية و تحمل اعباء نفسك

الحجات دى بتبان فى الشخص لو على سبيل المثال ابدى اعجابه فى حجات مشابهة لحد من صحابه مثلا قدر انه يحقق حاجة بدون مساعدة من اهله او كدة

عموما لسة الايام هى الحتبين طبيعة الشخص ده .....